Jeremías 39:15 - Biblia Enxet

¹⁵ Appaqhetchessegkek axta Wesse' egegkok Jeremías aphamakxa axta makham apmomap ma'a kañe' kélhaxtegkesso nak wesse' apwányam apxagkok, axta aptemék apkenagkama s'e:

Jeremías 39:15 Referans Kwoze

Jeremías 39:14

apkeltamho kóltekkesek Jeremías ma'a kañe' kélaqxegkessamakxa axta kañe' kélhaxtegkesso nak wesse' apwányam apxagkok, tén axta kéltamho elanha m'a Guedalías, Ahicam axta apketche, Safán axta aptáwen, yaqwayam enxoho éntemekxak ma'a apxagkok. Tén axta aphákxo Jeremías ma'a nepyeseksa énxet'ák.

Jeremías 37:21

Keñe axta wesse' apwányam Sedequías apkeltamho aqsa kólhések Jeremías apmomap ma'a kañe' kélhaxtegkesso nak wesse' apwányam apxagkok, tén han kólsakxések chá'a kelpasmaga ekyókxoho ekhem, apkeñama nak apkelánamap ma'a ámay ekwesey nak Apkelánéyak Kelpasmaga. Axta kélteméssessók xa ektáha nak, ekhakxa axta makham nento m'a tegma apwányam. Aphegkek axta Jeremías ma'a kañe' kélhaxtegkesso nak wesse' apwányam apxagkok.

Jeremías 38:13

Apkékessek axta táma m'a énxet'ák, aptekkessek axta m'a. Tén axta Jeremías aphákxo makham ma'a kañe' kélhaxtegkesso nak wesse' apwányam apxagkok.

Jeremías 38:28

Aphákxeyk axta Jeremías ma'a kañe' kélhaxtegkesso nak wesse' apwányam apxagkok, ekwokmoho ekhem apmákpo axta m'a tegma apwányam Jerusalén.

Jeremías 37:15

Apkellókók apagko' axta apkelano m'a Jeremías, apkeltamhók axta kólyekpexchetmakha, tén han kólaqxegkesek ma'a kañe' Jonatán apxagkok kélteméssessamakxa axta kélxátamakxa apkelmomap, cham'a Jonatán apnaqtáxéseyak axta chá'a weykcha'áhak.