Jeremías 39:11 - Biblia Enxet

¹¹ Apméssek axta apkeltamhókxa chá'a etnéssesek wesse' apwányam Nabucodonosor Jeremías ma'a Nebuzaradán, apteme axta apkemha apmonye' sẽlpextétamo apagkok. Aptáhak axta apcháneya s'e:

Jeremías 39:11 Referans Kwoze

Jeremías 15:21

Magwohok sa' emok ma'a énxet'ák élmasagcha'a nak apkeltémakxa, ¡awagkasek sa' teyp neyseksa apmáheyo emok ma'a énxet'ák apkelyennaqteyáseykha nak chá'a apyempe'ék!”

Jeremías 37:2

Axta eyke nahan yaháxenmok Sedequías ma'a Wesse' egegkok appeywa yetlo m'a apkeláneykha, ekweykekxoho m'a énxet'ák apkeltennasso axta eñama apchásenneykekxa m'a aplegasso nak appeywa Jeremías.

Jeremías 15:11

Wesse', asagkek sa' agkok chá'a sekyetleykha exchep, katnehek sa' chá'a m'a aptémakxa nak chá'a apkeltémo hetnegwomhok exma ekmaso, malmaxnéssesa enxoho chá'a ko'o m'a sélenmexma nak, eyesagko enxoho chá'a ektáhakxa, tén han apkellegágkoho enxoho chá'a élyentaxno apkelwáxok.

Job 5:19

Megkatnégwomek sa' nahan néxa apmallahanchesso chá'a neyseksa aqsok ekmaso, megyohok sa' káhapwak ma'a aqsok ekmaso nak.

Job 5:15

Ewagkasek chá'a teyp Dios ma'a énxet meyke nak aqsok apagkok tén han kéltawáseykegkoho nepyeseksa m'a énxet'ák élmasagcha'a apkeltémakxa;

Job 5:16

cham'a apkelhaxanma chá'a apkelyelqamákpoho nak ma'a, ¡cha'a apkelwanmeyáseykekxa nahan chá'a m'a élmasagcha'a nak apkeltémakxa!

Jeremías 1:8

Nágye' aqsa xama énxet enxoho, hakte sekxegexma sa' ko'o atnehek xép yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 15:20

Máxa sawo ekyexwase kélhaxtegkessól'a tegma apwányam sa' ko'o atnéssesek xép nepyeseksa xa énxet'ák nak, megkólaqtassól'a. Yempakhakpok sa' eykhe, mexók sa' eyke, hakte ko'o sekxegexma exchep, yaqwayam awagkasek teyp, tén han amallahanchesek. Ekméssek ko'o sekpeywa, sektáha nak Wesse' apagkok.

Jeremías 40:1

Appaqhetchessek axta Wesse' egegkok Jeremías, natámen axta apyenyeykekxa Nebuzaradán ma'a Ramá, cham'a Nebuzaradán apteme axta apkemha apmonye' sẽlpextétamo apagkok ma'a wesse' apwányam. Apwetágweykmek axta Nebuzaradán Jeremías apmomap yetlo kélpextete nepyeseksa énxet'ák Jerusalén, tén han Judá kélnaqleykekxa axta m'a Babilonia.

Jeremías 40:4

Eklekkessek ko'o kaxwók xép kélpextete nak cadenas. Peyk sa' agkok hétlakxak Babilonia, exegma sa', ataqmelchesek sa' ko'o exchep. Sa' agkok epekheyha, exnekxa sa' aqsa. Apwanchek xép emok yókxexma apmakókxa enxoho emok: emhók sa' ma'a ekleyókxa enxoho apwáxok.

Jeremías 52:12

Apwokmek axta Jerusalén ma'a Nebuzaradán, apteme axta wesse' apwányam apkeláneykha tén han apkemha apmonye' sẽlpextétamo apagkok, ekhem diez pelten cinco, cham'a ekweykmo axta diecinueve apyeyam apteme wesse' apwányam ma'a Nabucodonosor, wesse' apwányam axta m'a Babilonia,