Jeremías 38:23 - Biblia Enxet

²³ Axta aptáhak Jeremías apcháneya wesse' apwányam se'e: —Kólmések sa' caldeos ekyókxoho apnaqteyegka'a nak xép, wesse', ekweykekxoho m'a apketchek, megyegketek sa' xép xa énxet'ák nak, kólmések sa' wesse' apwányam Babilonia, kólwatnek sa' ma'a tegma apwányam.

Jeremías 38:23 Referans Kwoze

Jeremías 41:10

Apkelmomchek axta han Ismael apxátama kañe' m'a wesse' apwányam apketchek kelwán'ák, yetlo énxet'ák apkelheykekxa axta m'a Mispá, apkeltémo axta elanha Nebuzaradán apteme axta apkemha apmonye' sẽlpextétamo ma'a Guedalías. Apkelmomchek axta m'a Ismael, tén axta apxegeykekxo makham ekxeyenma apwáxok emhagkok ma'a Amón.

Jeremías 38:18

Sa' agkok egkeyásekpok xép ma'a, emok sa' caldeos tegma apwányam, keñe sa' ewatnekxa', mopwanchek sa' xép yegketakpok.’

2 Reyes 25:7

nápaqtók axta han apkeltamhók kólyaqténchesagkok apyespa'ák ma'a apketchek. Keñe m'a Sedequías, apkeltamho kólhexyawássesek apaqta'ák, tén han kólpextétek cadena kólyentemekxak ma'a Babilonia.

Ezequiel 43:3

Hawók axta nahan sekweteya axta ko'o xa aqsok nak, cham'a apkexyeykmo axta Wesse' egegkok apmáheyo émasséseták ma'a Jerusalén, tén han sekweteya axta m'a nekha wátsam Quebar nak. Éltekxekkek axta etapnák xapop ekwokmoho sektekxeya ekpayhakxa nahát xapop,

Ezequiel 14:9

“Aplegássek agkok xama amya'a megkamámnaqsoho m'a xama aplegasso nak Dios appeywa, katnehek nahan, hakte ko'o keñamak sélyexancháseykha xa aplegasso nak sekpeywa, ko'o sektáha nak Wesse'; añássesagkohok sa' nahan ko'o m'a, amasséssók sa' nepyeseksa m'a énxet'ák ahagkok Israel.

Jeremías 6:12

Pók énxet'ák sa' elmekxak ma'a apxanák nak, tén han yókxexma apagkok tén han ma'a apnaqteyegka'a nak. Hakte ay'aksek sa' ko'o néten émek, yaqwayam allegássesagkohok ektáha nak apheykha s'e apchókxa nak. Ko'o sekxeyenma xa, sektáha nak Wesse'.

Jeremías 32:4

Mopwanchek sa' nahan éxánegkesek wesse' apwányam Sedequías ma'a caldeos, emok sa' ma'a wesse' apwányam Babilonia, kólyentegkásekxak sa' ma'a aphakxa nak.

Jeremías 37:8

Elchexyók sa' makham caldeos yaqwayam ektámenták tegma apwányam Jerusalén, emok sa', keñe sa' ewatnekxoho'.

Jeremías 38:24

Tén axta Sedequías aptáha apchátegmowágko Jeremías se'e: —Apkeltamhók sa' agkok xép eweynchamha chá'a, ná eltennasha aqsa xama énxet enxoho s'e aqsok nak.

Jeremías 39:5

Apkelamhágkek axta eyke m'a sẽlpextétamo Caldes, aptahanyeykxeyk axta Sedequías ma'a ekpayhegweykenxa nak xapop ma'a Jericó. Apmeyk axta, kélyentamákxeyk axta aphakxa wesse' apwányam Nabucodonosor, ekpayho nak ma'a Riblá, yókxexma Hamat. Cha'a apxénakxa axta han Nabucodonosor apkeltamhókxa kólteméssesek: nápaqtók axta nahan apkeltamhók kólyaqténchesagkok apyespa'ák apketchek ma'a Sedequías, tén han ma'a apyókxoho kelwesse'e nak ma'a Judá.

Ezequiel 17:15

Apkenmexákxeyk axta eyke wesse' apwányam Babilonia xa wesse' apwányam apketche nak tén axta apkeláphasa apkelásenneykha m'a Egipto yaqwayam elmaxnegwók ma'a yátnáxeg tén han apxámokma m'a énxet. ¿Kélaneykeya kéxegke emallánek natámen xa tén han exyenmok yetlo megyetsapma? ¿Apwancheya exyenmok yetlo megyetsapma m'a melane nak chá'a ekhémo mók nélpaqhetchásamáxkoho?

Números 4:18

“Nágkólho aqsa emassegwók Quehat aptawán'ák neptámen nepyeseksa m'a levitas.

Jeremías 21:10

Hakte xénchek ko'o ewáxok wahak aqsok ekmaso s'e tegma apwányam nak, háwe m'a aqsok ektaqmela nak. Agkések sa' ko'o yaqwayam emok ma'a wesse' apwányam Babilonia, ewatnekxohok sa' nahan ma'a. Ko'o sekxeyenma xa, sektáha nak Wesse'.

Jeremías 34:3

Mopwanchek sa' xép éxánegkesek ma'a, emok sa'; egkésakpohok sa' aqsa nahan xép ma'a, keñe sa' natámen kélyentameykekxa m'a aphakxa nak, kólyentemekxa sa' ma'a Babilonia.