Jeremías 35:19 - Biblia Enxet

¹⁹ ekxénchek ko'o, sektáha nak Wesse' ekha sekyennaqte, Dios apagkok nak Israel, megkameykkehek sa' chá'a xama Jonadab aptáwen neptámen aptamheykha sekhakxa.’”

Jeremías 35:19 Referans Kwoze

Jeremías 15:19

Tén axta Wesse' egegkok aptáha seyátegmowágkokxo s'e: “Ey'aweykteyk sa' agkok ko'o makham xép, amok sa' makham takha', etnekxak sa' makham séláneykha. Apkelwátessek sa' agkok appaqméteykha naqsa, apxéna enxoho aqsa wánxa m'a ekpasmomo nak chá'a énxet, xeyep sa' exének chá'a sekpeywa. Eyke payhawók elyo'ótak xép ma'a énxet'ák nak, háwe sa' xép yaqwayam ey'ókxa'.

Salmos 5:5

megyohok han exmakha aphakxa m'a éleymáxkoho nak apkelwáxok. Eltaqnaweygkohok chá'a m'a énxet'ák élmasagcha'a nak apkeltémakxa,

1 Crónicas 2:55

tén han soferitas axta apnámakkok, apheykencha'a axta m'a Jabés, cham'a tirateos, simateos tén han sucateos. Cháxa quenitas, Hamat axta aptawán'ák neptámen, apyáp axta m'a Bet-recab.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 40:10

Sa' eyke ko'o axek ma'a Mispá, yaqwayam sa' altennássesek kéxegke caldeos apkelwa'akto sa' se'e. Kólyetmák sa' kéxegke vino tén han pexmok égmenek, kólnakxák sa' nahan yámet ekyexna, kóltaqmelchesek sa', keñe sa' kélwanchek kólhakha m'a tegma apkelyawe kélmomakxa axta.”