Jeremías 34:8 - Biblia Enxet

⁸ Appaqhetchessek axta Wesse' egegkok Jeremías, cham'a natámen axta apkelane ekhémo mók apkelpaqhetchásamákpoho wesse' apwányam Sedequías apyókxoho m'a apheykha nak Jerusalén, yaqwayam enxoho ekxeykxak ma'a énxet'ák kélásenneykha naqsa nak.

Jeremías 34:8 Referans Kwoze

Levítico 25:10

Apyeyam appagkanamap sa' kéxegke kólteméssesek ma'a apyeyam cincuenta nak: katnehek sa' apyeyam kélchexeykekxexa énxet'ák, kóltennaksek sa' kéxegke apyókxoho apheykha nak kélókxa' peya kólchexeykxa'. Apyókxoho énxet sa' chá'a elmeyekxak ma'a ekheykegkaxa nak apnámakkok, elmekxak sa' makham ma'a xapop apagkok axta.

Jeremías 34:17

Cháxa keñamak sektáha nak ko'o sekpeywa s'e, sektáha nak Wesse': Mehelyeheykekxohok ko'o kéxegke, megkólchexeykekxak ma'a kélásenneykha naqsa kélpeywomo xamo' nak; ayenyekxak sa' ko'o kaxwók kempakhakma, negmasse, tén han meyk segaqhe, yaqwayam sa' katnéssesek kéxegke xama aqsok eyeymáxchel'a kataxche' neyseksa m'a ekyókxoho apkelókxa nak keso náxop. Ko'o sekxeyenma xa, sektáha nak Wesse'.

2 Reyes 11:17

Keñe axta Joiadá apkelana ekhémo mók apkelpaqhetchásamákpoho m'a Wesse' egegkok, tén han wesse' apwányam ekweykekxoho énxet'ák, apkelxéna etnahagkok Wesse' egegkok énxet'ák apagkok, apheyásawók axta han mók apkelpaqhetchásamákpoho wesse' apwányam ma'a énxet'ák.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Nehemías 9:38

Nenxénchek negko'o anlának meyke negyenseyam ekyókxoho m'a ektáxésamaxche sentémakxa nak chá'a, apnaqtáxésagkek han apkelwesey apkelámha apmonye'e egagkok ma'a weykcha'áhak kélqahasso nak, tén han levitas, tén han ma'a apkelmaxnéssesso Dios énxet'ák apagkok.

2 Crónicas 29:10

Xénchek ko'o kaxwók ewáxok axnéshok mók sélpaqhetchásamáxkoho Wesse' egegkok, Dios apagkok nak Israel, yaqwayam kamaskok sẽltaqnawéyak negko'o.

2 Crónicas 23:16

Keñe axta Joiadá apkelana ekhémo mók apkelpaqhetchásamákpoho m'a apyókxoho énxet'ák, tén han ma'a wesse' apwányam, apxéna etnahágkok Wesse' egegkok énxet'ák apagkok.

Deuteronomio 15:12

“Kélméssek sa' agkok chá'a exchep ekha ekyánmaga yaqwayam etnehek apchásenneykha naqsa m'a aptémo xamo' nak hebreos, apkenna essenhan ma'a kelwána enxoho, seis apyeyam sa' aqsa chá'a etnehek apchásenneykha; keñe sa' ekwokmo enxoho chá'a siete apyeyam eyenyekxak makham.

Isaías 58:6

Háwe'. Manto nento ekleklamo nak ko'o ewáxok katnehek se'e ektéma nak: kólyétekkesek ma'a cadenas ekméssama nak chá'a ekyentaxno apheykha énxet'ák, kólhaxyawaksek ma'a kélnaqtete ekyennaqte nak kélyespok ma'a aqsok ekyentaxno; kólántekkesek ma'a énxet'ák kélnaqtawáseykegkoho nak, kólmasséssók ekyókxoho m'a ektawassáseykencha'a nak chá'a apheykha énxet'ák;