Jeremías 34:21 - Biblia Enxet

²¹ Wának sa' han ko'o emok apkelenmexma apkeltaqnagkamo apagko' nak ma'a Sedequías wesse' apwányam nak Judá yetlo apkelámha apmonye'e apagkok, cham'a wesse' apwányam Babilonia sẽlpextétamo apagkok nak, apkelwáteságko nak kaxwók apketáméyak.

Jeremías 34:21 Referans Kwoze

Ezequiel 17:16

Naqsók ko'o sekxéna sektáha nak Wesse' peya yetsapwók Babilonia m'a ektáha nak melane apxeyenma axta elána' tén han melane nak ekhémo mók nélpaqhetchásamáxkoho apkelánesso axta m'a wesse' apwányam, cham'a ektáha axta apma apteméssesso wesse'.

Jeremías 52:10

Nápaqtók axta apkeltamhók kólyaqténchesagkok apyespa'ák ma'a apketchek, tén han ma'a apyókxoho kelwesse'e nak Judá.

Lamentaciones 4:20

Apmomakpek ma'a Wesse' egegkok apkelyéseykha nak, sẽlwasqakkáseykekxoho axta chá'a, cham'a wesse' apwányam nentéma axta chá'a agának se'e: “Aghakha sa' chá'a negko'o aphakxa exchep nepyeseksa énxet'ák yaqwayam hẽlmeyók chá'a”.

Jeremías 32:4

Mopwanchek sa' nahan éxánegkesek wesse' apwányam Sedequías ma'a caldeos, emok sa' ma'a wesse' apwányam Babilonia, kólyentegkásekxak sa' ma'a aphakxa nak.

2 Reyes 25:6

Apmeyk axta caldeos ma'a wesse' apwányam keñe kélyentamákxo m'a aphakxa nak wesse' apwányam Babilonia, ekpayho nak Riblá, yókxexma Hamat. Cha'a apxénakxa axta han Nabucodonosor apkeltamhókxa kólteméssesek ma'a Sedequías,

Jeremías 22:25

yaqwayam agkések ma'a apkelenmexma apkeltaqnagkamo apagko' nak chá'a, apcháyo apagko' nak chá'a exchep. Agkések sa' ko'o exchep ma'a Nabucodonosor wesse' apwányam nak Babilonia, tén han ma'a caldeos.

Jeremías 32:3

Wesse' apwányam Sedequías axta apkeltémo emakpok ma'a, hakte axta ñémeykxa aptéma chá'a appeywa Jeremías se'e: “Aptáhak Wesse' egegkok se'e: ‘Wának sa' ko'o emok wesse' apwányam Babilonia s'e tegma apwányam nak.

Jeremías 44:30

Agkések sa' ko'o apkelenmexma apkeltaqnagkamo apagko' nak ma'a faraón Hofra wesse' apwányam nak Egipto, ekhawo sekteméssessamakxa axta Sedequías wesse' apwányam axta Judá sekméssama m'a Nabucodonosor, wesse' apwányam nak Babilonia, apkenmexma aptaqnagkamo apagko' axta chá'a.

Jeremías 52:8

Apkemhágkek axta eyke sẽlpextétamo caldeos ma'a wesse' apwányam Sedequías. Axta aptahanyekxohok ma'a ekpayhegweykenxa nak xapop ma'a Jericó. Apkexpaqneyk axta apyókxoho sẽlpextétamo apagkok apyenyawa aqsa apxakko'.

Ezequiel 17:12

“Elmaxneyha hana sa' énxet'ák élyennaqte nak apkelwáxok apkelya'ásegkók kexaha ekyetchesamaxkoho s'e aqsok kélyetcháseykekxoho nak. Etne sa' elának se'e: ‘Apmeyáyekmek axta Jerusalén ma'a wesse' apwányam Babilonia tén axta apmoma m'a wesse' apwányam nak Judá, yetlo m'a apkeláneykha, apnaqleykekxeyk axta m'a Babilonia.

Ezequiel 17:20

Wáhakkasek sa' ko'o yám'én ahagkok, keñe sa' amok; eyntemekxak sa' ma'a Babilonia, sa' eykpelkohok nahan aptémakxa m'a, eñama seyenseyam sétleykha.