Jeremías 33:6 - Biblia Enxet

⁶ Altaqmelchásekxak sa' eyke ko'o makham, alyennaqtéssók sa' makham, agkeyásekxak sa' makham ekyawe agko' meyke ektáhakxa apheykha, tén han ektaqmalma.

Jeremías 33:6 Referans Kwoze

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Salmos 67:2

yaqwayam sa' elya'ásegwók apyókxoho énxet'ák apheykha nak keso náxop, cham'a apmopmenyého nak, tén han ektémakxa nak segwagkasso teyp.

Isaías 58:8

Keñe sa' kápogwátek ma'a cháléwasso kélagkok, kaxhok sa' ma'a ektémól'a élseyéxma axto'o, ñohok sa' nahan kaltaqmelekxak ma'a kélyensé nak. Katnamok sa' kélmonye'e m'a kéltémakxa ekpéwomo kalyetlók sa' ma'a élseyéxma ahagkok.

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Isaías 66:12

Hakte ektáhak ko'o sekpeywa s'e sektáha nak Wesse': Wának sa' ko'o káhapwak meyke ektáhakxa egwáxok ma'a ektémól'a kaxegmak ma'a yegmen ényé, tén han ma'a aqsok ekxámokma apagkok nak ma'a pók aptémakxa énxet'ák ektémól'a m'a yegmen ekyawél'a, ekteyapmal'a m'a neyáwa'. Sa' kalagkok kéltéyak kéxegke m'a, kalqeynmakha sa' nahan, kaláhapmakha sa' kaxnésha awáxok.

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Oseas 7:1

peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Miqueas 4:3

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Isaías 55:7

Tásek eyenyekxak apkeltémakxa nak chá'a m'a énxet'ák élmasagcha'a nak apkeltémakxa, tásek elwátésagkok ektémakxa nak chá'a élchetámeykha apkelwáxok ma'a énxet'ák ekyentaxno nak chá'a apkeltémakxa; kólyo'ókxa Wesse' egegkok, kélyósekak sa' elanok kéxegke m'a; kólyo'ókxa m'a Dios egagkok, apmopmenyého nak chá'a hempasmok yaqwayam hegásekhekxoho'.

Isaías 2:4

Etnehek sa' apkelyekpelchémo Wesse' egegkok nepyeseksa m'a pók aptémakxa nak chá'a énxet'ák, elánekxések sa' nahan chá'a ektémakxa apkelenmexamap ma'a apxámokma énxet'ák. Xóp élpeyncheyam sa' etnéssásekxak ma'a sawo élwenaqte apagkok nak, keñe sa' sawhéwa apagkok etnessásekxak ma'a sawo élhaxe. Melnapakpekxék sa' nahan chá'a kaxwók pók ma'a énxet'ák, megkólxekmósek sa' nahan chá'a kaxwo' yaqwayam yempakha'.

Salmos 37:11

Sa' eyke elxewekxak xapop ma'a megkaleymáxkoho nak apkelwáxok, awanhók agko' sa' katnehek meyke ektáhakxa apheykha.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Salmos 72:7

¡Kayákxak sa' meyke ektáhakxa negha, tén han ektaqmalma nentémakxa neyseksa apteme wesse' apwányam, ekwokmoho apmassa m'a pelten!

Éxodo 34:6

Aptáhak axta appaqmeta ekyennaqte agko' apyeyk'a apmonye' Moisés se'e: —¡Ko'o Wesse'! ¡Ko'o Wesse'! ¡Dios seyemleykekxoho tén han apmopyósa nak alanok énxet, mapekhésamaxche' tén han ekyawe seyásekhayo tén han ekmámnaqsoho agko'!

Isaías 39:8

Aptáhak axta Ezequías apchátegmowágkokxo Isaías se'e: Tásók agko' nak la'a Wesse' egegkok appeywa seseykentegkesso exchek. Hakte xeyenmeyk axta apwáxok keytek meyke ektáhakxa egwáxok tén han ektaqmalma negha neyseksók apha makham ma'a.

Jeremías 3:22

Hélyo'óta makham ko'o, énxet'ák sénmexeykekxa nak chá'a, amasséssesek sa' ko'o m'a ektémakxa nak chá'a sélenmexeykha.” “Keso negheyncha'a negko'o s'e, negya'aweykteyk xép, hakte xép apteme Dios Wesse' egagkok.

Malaquías 4:2

Keñe sa' kéxegke kélteme nak séláyo ko'o, kalyenmok sa' kélnepyeseksa m'a ektémakxa nak ekpéwomo sektémakxa, ektémól'a ekhem éltátchesso, segméssamól'a ekyennaqte egyempehek hẽltátchesek. Kólnextegmakha sa' néten kéxegke kólátsaha, ektémól'a weyke étkók kelennay'a élánteyapmal'a m'a axanák.

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Eclesiastés 3:3

Yetneyk ekhem nénnapmakxa', tén han nentaqmelchesseykenxa'. Yetneyk ekhem néletsagkassamakxa aqsok, tén han nenláneykekxexa aqsok.

Isaías 57:18

Ekweteyak ko'o apkeltémakxa m'a, altaqmelchásekxak sa' eyke, agkések sa' yaqwayam ellókasagkok apkelyampe tén han ektaqmalma agko' apheykha. Alpeykessásekxak sa' ko'o apkelwáxok ma'a élyaqhápeykha nak chá'a apkelwáxok.

Isaías 57:19

Sa' atnehek alának apyókxoho s'e: ‘¡Tásek sa' katnehek kélheykha kélheykha nak makhawo', tásek sa' katnehek kélheykha kélheykha nak keto'! ¡Altaqmelchásekxak sa' ko'o m'a énxet'ák ahagkok!’

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Miqueas 7:20

¡Wesse', ná elwátessem ma'a ektémakxa nak mehegyenyaweykha, tén han segásekhayo apkeltennassama axta etnéssesek nanók axta m'a ẽlyapmeyk nano', cham'a Abraham tén han Jacob!