Jeremías 32:41 - Biblia Enxet

⁴¹ Kapayhekxak sa' chá'a ko'o ewáxok ektaqmela enxoho chá'a sekteméssesakxa, axnésha sa' ko'o s'e apchókxa nak ekweykmoho kañók agko' ewáxok, tén han meyke ekyexamaxkoho ewáxok.”

Jeremías 32:41 Referans Kwoze

Jeremías 24:6

altaqmelchesek sa', wának sa' elmeyenták makham se'e apchókxa nak. Sa' wának kataqmelekxak makham apheykha s'e, mamasséssemek sa' chá'a kaxwo', alhésseták sa' se'e, malántekkesek sa' chá'a kaxwo'.

Sofonías 3:17

Apheyk kélnepyeseksa kéxegke m'a Dios Wesse' kélagkok; ¡apmeyhek nahan ma'a, elwagkasek sa' teyp! Kapayhekxak sa' apwáxok elanok kéxegke m'a Wesse' egegkok. Egkeyásekxak sa' axnagkok kélyennaqte eñama apkelásekhayo; enneykmaksek sa' eñama kélpeykessáseykekxa apwáxok

Amós 9:15

Hakte alhéssekxak sa' makham ma'a ektáhakxa nak xapop apagkok apagko', megkólántekkásekxók sa' chá'a kaxwók ma'a xapop sekmésso axta ko'o.” Dios Wesse' egegkok apxeyenma xa.

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.

Isaías 65:19

Ko'o sa' nahan kapayhekxak ewáxok alanok ma'a Jerusalén, atsek sa' ewáxok alanok ma'a énxet'ák ahagkok. Kamaskok sa' kañexchek kéllekxagweykha m'a kañe' nak tén han ekpayheykha kélátog eñama ekyentaxno apkelwáxok énxet.

Jeremías 31:28

Sa' atnehek alanha yaqwayam anaqxétekhasagkokxak tén han aknekxak aqsok aktek ma'a, sekteméssessamakxa axta chá'a séláneykencha'a yaqwayam alántekkesek, tén han alyaqnegkesagkok náxop, tén han amasséssók, tén han alteméssessamhok exma ekmaso. Ko'o sekxeyenma xa, sektáha nak Wesse'.

Jeremías 18:9

Ewanchek han chá'a ko'o axének anaqxétekhasegkokxa', tén han axátekhásekxak chá'a xama apchókxa, tén han aptémakxa nak chá'a wesse' apwányam xama énxet.

Deuteronomio 30:9

Keñe sa' Wesse' kélagkok etaqmelchessesek chá'a ekyókxoho m'a aqsok kéllanakxa enxoho chá'a, exámássesek sa' ma'a kélketchek, tén han ma'a weyke kélnaqtósso tén han ma'a aqsok kélcheneykekxa nak kélnakxo; naqso', kapayhekxak sa' makham apwáxok Dios Wesse' kélagkok ma'a ektaqmela sa' makham apteméssesakxa, ektéma axta ekpayheykekxo apwáxok apteméssessamakxa m'a kélyapmeyk nanók axta kéxegke,

Deuteronomio 28:63

Sa' etnehek nahan kaxwók kapayhekxak apwáxok Wesse' egegkok enaqtawasha tén han emasséssók kéxegke m'a ektémakxa axta ekpayheykekxo apwáxok ma'a apteméssessamakxa axta chá'a ektaqmela tén han apxámáseykekxo, hakte énnaqtések sa' apyempehek elántekkesek ma'a apchókxa yaqwánxa sa' kólhamok.

Salmos 80:8

Egipto axta keñamak apleklo anmen yámet; apkelántekkessegkek axta m'a melpeykessamo nak chá'a exchep, tén axta apkeneykekxo m'a apheykegkaxa axta.

Isaías 62:4

Megkóltamhaxcheyk sa' chá'a kaxwók kéxegke “Kéltaqmópéyak”, megkatnehek sa' nahan chá'a kaxwók kaxénaxchek xapop kélagkok “Kéltawáseykha”, Sa' aqsa katnehek kélwesey s'e: “Ko'o sekmámenyého”, keñe sa' ma'a xapop kélagkok nak kaltamhaxchek, “ko'o etáwa'”. Hakte chá'a apmopmenyého m'a Wesse' egegkok, sa' etnehek nahan máxa atáwa' m'a xapop kélagkok nak.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Isaías 60:21

“Énxet meyke apkeltémakxa sa' etnahagkok apyókxoho m'a énxet'ák kélagkok, etnahagkok sa' chá'a apagkok apchókxa meyke néxa, éltekteyapmakxa m'a xama yámet ektáha axta ko'o séneykekxa ahagko', sélane axta ko'o yaqwayam axekmósek ektémakxa seyeymáxkoho.

Ezequiel 36:36

Keñe sa' ma'a énxet'ák apheykha nak kélnepyáwa apkeleymomap nak meletsapma, elya'ásegwók sa' ko'o sektáha nak Wesse', seknaqxétekhásegkokxo makham ma'a aqsok kélpalcheseyam axta tén han sénákxo makham ma'a aqsok kélmassésseyam axta. Ekxénchek ko'o xa sektáha nak Wesse', alának sa' nahan.

Oseas 14:5

Máxa yálye apagkok sa' ko'o atnehek ma'a Israel, keñe sa' máxa etnehek ma'a ektémól'a pánaqte exnók éltaqmalmal'a exnók. Kalyeyha'ak sa' katnehek kepmenák, ektéma nak ma'a egkexe Líbano;