Jeremías 31:34 - Biblia Enxet

³⁴ Kamaskok sa' kaxwók elxekmósek pók, tén han apkelxegexma, tén han ma'a apnámakkok apancha'awo nak, yaqwayam enxoho hey'asagkohok ko'o, hakte hey'asagkohok sa' ko'o apyókxoho énxet, cham'a ekyawe nak kéláyo, ekweykekxoho m'a meyke nak kéláyo. Mayaqmagkásekxeyk sa' ko'o aqsok ekmaso apkelánéyak, megkaxénwakxók sa' chá'a kaxwók ewáxok ma'a melya'assáxma nak. Ko'o sekxeyenma xa, sektáha nak Wesse'.”

Jeremías 31:34 Referans Kwoze

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Jeremías 33:8

Aláxñassásekxak sa' ekyókxoho melya'assáxma apkeláneykegko axta sénmexeykekxo ko'o; mayaqmagkásekxeyk sa' ekyókxoho m'a apkeltémakxa ekmaso apkeláneyak, tén han ma'a sénmexeykekxa axta ko'o.

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Miqueas 7:18

Méko pók Dios aphawo nak xép, hakte meyaqmagkásekxeyk chá'a exchep nentémakxa ekmaso, kalwanaqmohok nahan chá'a exchep nénmexeykekxa negko'o néleymomáxche nak egqántawók énxet'ák apagkok. Atsek negko'o eltamhók xép henxekmósek segásekhayo, megkawegqók chá'a aplo.

Jeremías 24:7

Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Habacuc 2:14

Kasawhekxohok sa' ekyókxoho keso náxop apkelya'áseykegkoho énxet'ák Wesse' egegkok apcheymákpoho, ektémól'a yegmen eksawheykekxohol'a ekláneyo m'a wátsam ekwányam.

Isaías 44:22

Máxa yaphope ekmassegwayam la'a aqsa ekteméssessók ko'o sekmassesseykmo m'a aqsok megyaqhémo nak tén han ma'a mey'assáxma. Hey'óta ko'o makham, hakte ko'o axta sekwagkasso teyp xép.”

Isaías 11:9

Méko sa' xama enxoho kalának ekmaso ekyókxoho m'a egkexe ekpagkanamaxchexa ahagkok nak, hakte kasawhekxohok sa' apya'áséyak Wesse' egegkok ma'a ekyókxoho nak apchókxa, sa' katnehek ma'a ektémól'a ekláneyo yegmen ma'a wátsam ekwányam.

Isaías 33:24

Méko sa' xama énxet etnehek appeywa s'e: “Ekháxexcheyk ko'o.” Meyaqmagkásekxeyk sa' mók Dios melya'assáxma m'a énxet'ák apheykha nak Sión.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,

Isaías 38:17

Yaqmagákxeyk kaxwók meyke ektáhakxa ewáxok ma'a eklegeykegkoho nak ewáxok. Emágweykekxeyk xép ketók sekteyeykemxa m'a máxek segmassesseykmoho nak, hakte meyaqmagkáseykekxak mók ekyókxoho m'a may'assáxma.

Jeremías 32:40

Alának sa' ko'o ekhémo mók sélpaqhetchásamáxkoho meyke néxa: altennaksek sa' ko'o malwátessemek chá'a ektaqmalma sekteméssesakxa, ayánchesseshok sa' ko'o apkelmopmenyého etnahagkok seyáyo, tén han memáheyo chá'a heyenyók xama enxoho.

Oseas 2:20

Etáwa' sa' ko'o atnehek xeye', mayenyawha sa' chá'a, keñe sa' xeye' héltéhek Wesse'.

Salmos 25:7

nágkaxén apwáxok ma'a sektémakxa may'assáxma, tén han ma'a aqsok ekmaso sélane sektémakxa axta wokma'ák. Wesse', kaxén apwáxok ko'o, eñama m'a segásekhayo ekyawe nak, tén han ma'a ektaqmeleykha nak apwáxok henlano'.

Isaías 29:24

Kaltámeyagkok sa' aptamhéyak ekha apkelmopwancha'a m'a énxet'ák melya'áseyak nak aptamhágkaxa, emok sa' nahan takha' kélxekmósso m'a énxet'ák apkelpaqméteykha nak chá'a ekmaso exének pók.”

Isaías 33:6

egkések sa' chá'a ektaqmalma apheykha énxet'ák ma'a. Aqsok ekmomnáwa segwagkassamo teyp ma'a ekha nak negya'áséyak tén han negyekpelchémo; ekxámokma aqsok egagkok akke m'a negaye nak Wesse' egegkok.

Isaías 52:6

Kammok sa' eyke ekhem yaqwánxa elyekpelchágwók tén han elya'ásegwók énxet'ák ahagkok sektéma ko'o sélanagkama s'e: ko'o Wesse' kélagkok.”

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.

Miqueas 7:19

Kapyósho makham henlanok negko'o, élteyammekxa nentémakxa ekmaso. Eyenyow mólya'assáxma m'a éttawanyexa agko' nak wátsam ekwányam.