Jeremías 31:11 - Biblia Enxet

¹¹ Hakte apkelmeykekxeyk Wesse' egegkok ma'a Jacob énxet'ák apagkok, apkexakkáseykekxeyk ma'a énxet'ák apkelyennaqte apagko' axta.

Jeremías 31:11 Referans Kwoze

Isaías 48:20

Kólántép Babilonia, kólxegánem nepyeseksa m'a énxet'ák caldeos. Kóllegés yetlo kélpáxameykha kélátseykha s'e amya'a nak, kólya'assásegwók ekweykmoho m'a néxa xapop nak. Kólteme kólpaqmétek se'e: “¡Apwagkassek teyp Wesse' egegkok ma'a Jacob cham'a apkeláneykha nak!”

Isaías 44:23

¡Néten, kalpáxamha kátsaha kalanok ma'a apteméssesakxa nak Wesse' egegkok! ¡Kólwehesha, máxek élmattawóneg agko' nak keso náxop! ¡Meteymog élekhahéyak, kólpáxamha ekwányam agko' kólátsaha, tén han ma'a naxma yetlo m'a ekyókxoho yenta'a élyawe agkok nak, hakte apxekmóssek apcheymákpoho Wesse' egegkok apwagkasa teyp ma'a Israel, cham'a Jacob!

Jeremías 15:21

Magwohok sa' emok ma'a énxet'ák élmasagcha'a nak apkeltémakxa, ¡awagkasek sa' teyp neyseksa apmáheyo emok ma'a énxet'ák apkelyennaqteyáseykha nak chá'a apyempe'ék!”

Isaías 49:24

¿Kélwancheya kólyementók aqsok apkelma axta neyseksa kempakhakma m'a xama énxet apyennaqte? ¿Apwancheya nahan xama énxet apmomap exyánegkesek ma'a wesse' aplo nak?

Salmos 142:6

Yeyxho sekwóneykha ekyennaqte, hakte massék ko'o ekha sekyennaqte. Hemallahanches ko'o nepyeseksa sélenmexma, hakte apmelyeyha'ak ma'a, maxnawok ko'o.

Oseas 13:14

¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”

Jeremías 50:33

Aptáhak Wesse' ekha apyennaqte s'e: “Kélnaqtawáseygkók ma'a énxet'ák Israel tén han Judá. Apkelmeyk ma'a apkelenmexma nak, memakók han ekxeykxa'.

Éxodo 15:16

“Wesse' egegkok, ¡elyegwakkas!, ¡yána' yeygkok! ¡tásek exmakha aqsa ektémól'a kaxnagkok ma'a meteymog eñama xa apmopwána ekyennaqte nak, ekwokmoho sa' apkelyeyk'a m'a énxet'ák apagkok, cham'a énxet'ák apteme nak xeyep apagkok!

Isaías 51:11

Sa' etnahagkok han elwaták ma'a apkelwagkasso nak teyp ma'a Wesse' egegkok, elántexek sa' Sión yetlo apkelwehéseykha élpayheykekxa apkelwáxok; katnahagkok sa' chá'a élátseykha nápaqta'a; elwetak sa' élpayheykekxa apkelwáxok tén han apkeleñémo, kamassegwók sa' ma'a ektémakxa nak apkellekxagweykha tén han apkellegeykegkoho ekmáske.

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Zacarías 9:16

Cháxa ekhem yaqwánxa sa' elwagkasek teyp énxet'ák apagkok ma'a Dios Wesse' kélagkok, aptémól'a kólwagkasek teyp ma'a nepkések, kalyenmok sa' ektáha nak apagkok ma'a apchókxa apagko' nak, ektémól'a meteymog éltaqmalmal'a élyenma m'a xama kélháxaqxo.

Isaías 49:25

Apxénchek Wesse' egegkok kélwanchek kólyementók: “Kólyementemekxak sa' apkelma axta m'a énxet apyennaqte nak, kólyementemekxak sa' aqsok ekxámokma axta apkelma m'a wesse' aplo nak. Ko'o sa' alátegmoweyxchek chá'a m'a apmáheyo nak chá'a elátegmoweykpok; ko'o ahagko' sa' nahan alwagkasek teyp ma'a étchek nak xeye'.

Lamentaciones 3:58

Wesse', epasmomchek axta exchep, megyahayók watsapok.