Jeremías 30:19 - Biblia Enxet

¹⁹ Sa' kañék katyapok negmeneykmasso negmésso nak ekxeyenma egwáxok Wesse' egegkok ma'a, tén han néktegmeykha ekpayheykekxa egwáxok. Metnekxeyk sa' apqántawo', hakte ko'o sa' axámasagkok. Megkólwanyaha sa' nahan, hakte ko'o sa' atnéssesek ekha kéláyo.

Jeremías 30:19 Referans Kwoze

Jeremías 33:22

Axámassásekxak sa' ko'o aptawán'ák neptámen ma'a séláneykha David, tén han ma'a apkeltamheykha nak chá'a sekhakxa, cham'a Leví aptawán'ák neptámen nak, exhok sa' ma'a apweykenxal'a apxámokma yaw'a m'a néten, tén han yagkamex ma'a ekhéyak nak neyáwa wátsam ekwányam, megkólmowánal'a kólyetsetek.”

Isaías 51:11

Sa' etnahagkok han elwaták ma'a apkelwagkasso nak teyp ma'a Wesse' egegkok, elántexek sa' Sión yetlo apkelwehéseykha élpayheykekxa apkelwáxok; katnahagkok sa' chá'a élátseykha nápaqta'a; elwetak sa' élpayheykekxa apkelwáxok tén han apkeleñémo, kamassegwók sa' ma'a ektémakxa nak apkellekxagweykha tén han apkellegeykegkoho ekmáske.

Isaías 60:22

Exámekxohok apagko' sa' ma'a apqántawók apagko' nak chá'a; énxet apxámokma sa' etnahagkok ma'a apqántawo nak chá'a. Ko'o sekteme Wesse', kaxwók sa' ko'o wának kalanaxchek xa, ekwokmo enxoho ekhem agkok.”

Isaías 35:10

apkelmeykekxa nak neyseksa aqsok ekmaso m'a Wesse' egegkok; elántexek sa' Sión yetlo apkelmeneykmasso élpayheykekxa apkelwáxok, katnahagkok sa' chá'a élpayheykekxa apkelwáxok neyseksa apheykha. Elwetak sa' élpayheykekxa apkelwáxok tén han apkelátseykha, kamassegwók sa' ma'a apkellekxagweykha tén han éllapwáméyak.

Ezequiel 36:37

“Ektáhak ko'o sekpeywa s'e, sektáha nak Wesse': Alának sa' ko'o makham aqsok. Alanaksek sa' chá'a ko'o sélmaxneyakxa enxoho chá'a apkeltamhókxa alanaksek ma'a énxet'ák Israel; axámassásekxak sa' ma'a énxet'ák apagkok aptémól'a m'a nepkések.

Zacarías 10:8

“Alwónmakha sa' ko'o m'a, keñe sa' wánchásekxa', hakte élwagkassek teyp. Exámekxohok apagko' sa' makham, ektéma axta m'a nanók axta.

Jeremías 31:4

Israel, axátekhásekxak sa' ko'o makham xép. Éxyamok sa' makham yetlo appáwasso kélaqtáwasso enéwha ekmátsa agko'.

Zacarías 12:8

Almeyók sa' ko'o m'a apheykha nak Jerusalén, ko'o sektáha nak Wesse'. Apkelyennaqte sa' nahan etnahagkokxak ma'a apkelyelqamákpoho nak, ektéma axta m'a wesse' apwányam David, keñe sa' ma'a David aptawán'ák neptámen nak etnahagkokxak ma'a aptémakxa nak Dios, aptémakxa nak ma'a Wesse' egegkok apchásenneykha, apxegamól'a chá'a apmonye'e.

Zacarías 8:19

“Manto nento, élánamáxche nak chá'a pelten cuatro, cinco, siete tén han diez, katnekxak sa' ekpayheykekxexa egwáxok, apkelsawássessamókxa apkelátseykegkaxa chá'a m'a Judá aptawán'ák neptámen. ¡Kólásekhoho chá'a kéxegke m'a ektáha nak ekmámnaqsoho tén han meyke ektáhakxa negha!”

Ezequiel 37:26

Alának sa' ko'o ekhémo mók sélpaqhetchásamáxkoho m'a, yaqwayam sa' katnehek naqsók meyke ektáhakxa apheykha. Katnehek sa' xama ekhémo mók nélpaqhetchásamáxkoho meyke néxa. Wának sa' exámekxohok apagko', meyke néxa sa' nahan apekkenchesek nepyeseksa m'a tegma appagkanamap aptaqmalma ahagkok.

Isaías 12:1

Sa' kóltéhek kólpaqmétek kéxegke xa ekhem nak: “Wesse', ekméssek xép ekpayheykekxa ewáxok, hakte etaqnagkamchek axta eykhe ko'o exchep, massék eyke m'a aplo, egkeyásékxeyk makham meyke ektáhakxa ewáxok.

Nehemías 8:12

Apyókxoho énxet'ák axta apkeltaqhákxak aptásweykxo aptéyak, tén han apyenágko, tén han appasmeykxo chá'a aptéyak pók, tén han apkelánegko apkelsawássessamo ekyawe, hakte apkelya'ásegwokmek axta ektáhakxa kélxekmósso.

Esdras 6:22

Siete ekhem axta han apkeláneyak yetlo élpayheykekxa apkelwáxok ma'a apkelsawássessamo nak kelpasmaga meyke kempáseyak, hakte Wesse' egegkok axta apkelpeykessásekxak agko' apkelwáxok, apkeltamho kataqmalmakha apwáxok elanok ma'a wesse' apwányam Persia, tén han epasmok apxátekháseykekxa m'a Dios tegma appagkanamap apagkok, Dios nak Israel.

Isaías 60:19

“Kamaskok sa' kólámenyéhok ekhem yaqwayam kalsássesexma m'a ekhem, kamaskok sa' nahan kólámenyéhok pelten yaqwayam elsássesexma m'a axta'a, hakte ko'o sa' atnehek, cháléwasso kélagkok meyke néxa, sektáha nak Wesse'; ko'o sa' atnehek élseyéxma kélagkok sektáha nak Dios kélagkok.

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Zacarías 2:4

Aptáhak axta apcháneya s'e: “Yenye hana etnehek yának wokma'ák apseykha nak kelyetsáteyak ekwenaqte s'e: ‘Exnekxak sa' makham énxet ma'a Jerusalén, apxámok apagko' sa' makham etnehek énxet apheykha m'a kañe' tén han ma'a aqsok kélnaqtósso. Méko sa' katnehek kélhaxtegkesso meteymog ma'a nepyáwa'.

Jeremías 31:27

Aptáhak Wesse' egegkok se'e: “Kammok sa' ekhem yaqwánxa axámásekxak ko'o énxet tén han aqsok kélnaqtósso m'a Israel tén han ma'a Judá.

Isaías 51:3

Kapyóshok sa' ko'o alanok ma'a Sión, tegma apwányam apmopsagko nak apyókxoho. Namyep éltaqmalma sa' atnessásekxak ma'a ekyamáyekxa nak exma xapop yókxexma meykexa nak énxet, ektéma axta m'a Edén apkeneykekxexa axta aqsok ma'a Wesse' egegkok. Keytek sa' ekpayheykekxa egwáxok ma'a tén han negátseykha, tén han negmeneykmasso tén han negháxenmo m'a kélpáwasso ekmátsa.

Isaías 27:6

Kataqmelekxak sa' apheykha Jacob énxet'ák apagkok se'e egmonye' nak, máxa yámet élatchessól'a kepmenák xapop sa' etnahagkok, máxa yámet éltektépeykekxa sa' etnahagkok elántépekxak ma'a énxet'ák Israel, tén han ma'a ektémól'a kalyapwa', kasawhekxohok sa' aqsok ekyexna apagkok keso nélwanmégkaxa.

Salmos 53:6

¡Émenye nak la'a ko'o kawak apkelwagkásamap teyp énxet'ák Israel, eñama m'a egkexe Sión! Aptaqmelchessásekxeyk sa' agkok makham apheykha énxet'ák apagkok ma'a Dios, kalpayhekxak sa' apkelwáxok Jacob aptawán'ák neptámen, cham'a apyókxoho nak énxet'ák Israel.

Nehemías 8:17

Apkelánegkek axta apyókxoho énxet'ák apkelpakxenéyak apkelweykta axta makham, kélnaqleykekxa axta megkatnahakxa apkelókxa', apháha axta m'a kóneg, hakte axta kalánamáxchekxak chá'a xa ektéma nak aqsok, wánxa axta m'a aphamakxa axta Josué, Nun axta apketche. Kelpayhekxeyk axta apkelwáxok énxet'ák.

Isaías 60:9

Yántakpayhe xa élmeyókmo nak kélhágkaxa, Tarsis yántakpayhe élyawe m'a élámha amonye'e nak élxegayam, makhawók apkelenyekták eknaqlántegkesa m'a énxet'ák kélagkok, yetlo m'a sawo ekyátekto élmomnáwa apagkok tén han ma'a sawo ekmope élmomnáwa, eñama m'a Wesse' kélagkok, Dios Aptaqmalma nak ma'a Israel, apteméssessama nak kéleymáxkoho.

Isaías 55:5

Elwónmakha sa' xép ma'a énxet'ák melya'ásegko nak; enaqtémegmak sa' elya'áwak xép ma'a énxet'ák melweteya nak, hakte ekteméssessegkek ko'o exchep ekha kéláyo ko'o sektáha nak Wesse' apagkok, Dios Aptaqmalma nak ma'a Israel.

Jeremías 17:26

Elwak sa' chá'a énxet'ák apkeleñama nak tegma apkelyawe Judá, cham'a apheykencha'a nak nepyáwa Jerusalén, tén han ma'a apkeleñama nak Benjamín xapop apagkok, tén han ma'a ekpayhegweykenxa nak xapop, tén han ma'a yókxexma ekxámokmakxa nak meteymog élekhahéyak, tén han ma'a Négueb. Enaqlanták sa' chá'a tegma appagkanamap ma'a aqsok apnaqtósso yaqwayam etnehek apkelwatno, tén han yaqwayam etnehek apkelnapma, tén han apkelmésso naqsa nak aqsok ekyexna apkeneykekxa, tén han ma'a aqsok ánek ekmátsa nak ekpaqneyam éten agkok, tén han ma'a aqsok apkelmésso naqsa apmésso nak ekxeyenma apkelwáxok ma'a Wesse' egegkok.

Ezequiel 37:10

Élpaqhetchessek axta ko'o m'a yetlo sekxeyenma Wesse' egegkok apwesey, ekhawo m'a apkeltamhókxa axta atnehek, kelxegakmek axta m'a kélennama segméssamo nak negyennaqte, kelántaxnegwa'ák axta m'a kélhapák nak, naqxétekhágwokmek axta nahan ma'a, kelchampákxeyk axta néten eyaqneyncha'a. Xámok agko' axta nahan ma'a, énxet apxámokma apagko' axta tamhágkok.

Isaías 26:15

Wesse', apxámáseykekxeyk xép pók aptémakxa énxet'ák; apxámáseykekxeyk yaqwayam kataxchek chá'a m'a apcheymákpoho, apyáncháseykegkek chá'a m'a ekyókxoho nak néxa xapop apkelókxa.

Jeremías 3:16

Kélxámakxeyk sa' agkok kéxegke m'a apchókxa, apxámákxo enxoho m'a kélketchek, méko sa' kaxének kaxwók ma'a yántéseksek ekhémo mók nélpaqhetchásamáxkoho nak Wesse' egegkok, méko sa' kaxének kaxwók awáxok ma'a, tén han kaxénwakxohok chá'a awáxok, megkóllánekxeyk sa' han axnagkok, hakte kamaskok sa' kólámenyého'. Ekméssek ko'o sekpeywa, sektáha nak Wesse' kélagkok.