Jeremías 3:17 - Biblia Enxet

¹⁷ Wesse' egegkok aptaháno ektaqmalma sa' kólteméssesek ekwesey m'a Jerusalén; apyókxoho pók aptémakxa énxet'ák sa' yaqnekxak ma'a, yaqwayam hélpeykesho'; kamaskok sa' elyetlakxohok ma'a ektémakxa nak élmámenyého apkelwáxok elanagkok aqsok ekmaso eñama élyennaqte, yaqwayam sa' etnehek ko'o seyáyo, kamaskok sa' etnahagkok élyennaqte apkelwáxok elanagkok ma'a aqsok ekmaso nak.

Jeremías 3:17 Referans Kwoze

Ezequiel 43:7

aptáhak axta seyáneya s'e: “Keso ekyetnamakxa ko'o sektaháno ekyawe ektaqmalma s'e, sektémakxa chá'a wesse' apwányam; sa' axek chá'a nepyeseksa énxet'ák Israel meyke néxa s'e. Metwasha sa' chá'a kaxwók sekwesey ektaqmalma m'a, tén han ma'a kelwesse'e apkelwányam apagkok nak, eñama seyamasma: kamaskok sa' elánésagkok chá'a takhaxpop apagkok ma'a kelwesse'e apkelwányam apagkok, cham'a apkeletsapa enxoho chá'a,

Jeremías 17:12

Nentaháno eyeymáxkoho m'a tegma appagkanamap egagkok nak, kélpekkenma axta nanók agko', eyeynamo m'a sekxók agko' axta.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.

Jeremías 11:8

Makke heháxenmo', mehelyaheykekxohok nahan, apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok ekmaso. Memáheyók elanagkok ma'a séltémo axta chá'a ko'o elanagkok, keñe séltamho káhapwak kéllegassáseykegkoho ekhawo ekxeyenma nak ma'a ekhémo mók nélpaqhetchásamáxkoho.”

Isaías 66:20

Wának sa' ko'o elchexyók apyókxoho kélókxa xamo' nak kéxegke, apkelenyeykta m'a ekyókxoho apkelókxa apkelchánte m'a yátnáxeg, yátnáxeg apkelyenyawasso, tén han ma'a yántéseksek kélpatmeykegkól'a énxet, élyeheykok tén han ma'a yányátnáxeg. “Etnehek sa' xama aqsok sélmésso naqsa ko'o m'a kañe' Jerusalén, egkexe ekpagkanamaxchexa ahagkok nak, ektémól'a m'a aqsok sélmésso naqsa apkelseykental'a chá'a israelitas egheykok élmópeyo m'a tegma appagkanamap ahagkok. Ko'o sekxeyenma xa, sektáha nak Wesse'.

Isaías 56:6

Keñe sa' ma'a énxet'ák apkeleñama nak mók nekha sey'eykekta ko'o, yaqwayam etnehek sétleykha tén han seyásekhayo, yaqwayam nak etnahagkok séláneykha, apchekawók agkok ma'a ekhem sábado metwáseyncha'a enxoho, melyensakmo enxoho apkelyeheykekxoho m'a ekhémo mók sélpaqhetchásamáxkoho,

Jeremías 31:23

Aptáhak Wesse' ekha apyennaqte, Dios apagkok nak Israel se'e: “Ekyaqmagkassessek sa' agkok ko'o mók ektémakxa nak apheykha m'a énxet'ák Judá, apkelhákxo sa' makham ma'a xapop apagkok nak, tén han ma'a tegma apkelyawe apagkok nak. Sa' etnehek makham apkelpeywa s'e: ‘¡Etaqmelchesek sa' Wesse' egegkok se'e egkexe ekpagkanamaxche nak, ekyetnamakxa nak ekpéwomo nentémakxa!

Jeremías 18:12

Sa' etnehek elátegmowágkok xép se'e: ¡Kaqhok eyke exchep henlenxanmok! Egmenyeyk negko'o anlanagkok ma'a ekleklamókxa nak chá'a egwáxok, tén han ólyennaqtések egwáxok ólyetlakxak ma'a ekxeyenmakxa nak chá'a egwáxok.”

Jeremías 16:12

Kéxegke so eyesagchawo agkok aqsok kélláneyak, kélyeykhásseykmók ma'a kélyapmeyk nano' axta, kélyennaqtéssegkek aqsa chá'a kélwáxok kélxama kélyetleykekxo m'a ektémakxa nak chá'a élchetámeykha kélwáxok ekmaso, mehelyeheykekxohok nahan ko'o.

Jeremías 14:21

¡Náhẽlyetnakhés aqsa eñama apkelmeyeykha m'a apwesey, ná etwasagkoho aqsa m'a tegma apwányam ekyetnamakxa nak xép aptaháno eyeymáxkoho! ¡Kaxénwakxoho apwáxok ma'a ekhémo mók nélpaqhetchásamáxkoho senlánésso axta exchep, elána sa' ekyókxoho!

Jeremías 9:14

Apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok, apkelpeykessamók ma'a aqsok kéláyókxa élmowancha'a amya'a nak, cham'a ektémakxa axta apkelxekmowáseyak ma'a apyapmeyk nano'.

Jeremías 7:24

Axta eyke hélyeheykekxoho', axta nahan heháxenmók, apkelyennaqtéssegkek axta aqsa apkelwáxok apkelyetleykekxo m'a ektémakxa axta chá'a élchetámeykha apkelwáxok ekmaso. Axta hey'ékekták ko'o, eyheykekxeyk axta aqsa apkap'ák.

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Isaías 26:8

Wesse', negyekpelchémók negko'óxa ektaqmalma nélxega m'a ámay senxekmóssamakxa nak ma'a segánamakxa apagkok. Egmenyeyk chá'a negko'o exchep kaxének egwáxok.

Isaías 6:1

Ekwet'ak axta ko'o Wesse' egegkok apha néten taháno ekyawe ektaqmalma netnók agko' ma'a apyeyam apketsapa axta m'a wesse' apwányam Ozías; apsawhékxók axta nahan napwe'ék apchaqlamap ma'a kañe' tegma appagkanamap.

Salmos 87:3

Dios tegma apwányam apagkok, tásók agko' nak la'a chá'a exchep katnehek apxénamap:

Salmos 78:8

metnahagkek ma'a aptamheykegkaxa axta apyapmeyk nano', élyennaqte apkelwáxok, tén han élyeyháxma, ekmanyehe eyaqmagkasek mók élchetamso apkelwáxok, ¡énxet'ák apkelyenseyam nak apkelyetleykha Dios!

Jueces 2:19

keñe axta apketsapa enxoho chá'a xa apkemha apmonye' apyennaqte nak, enaqtawasakpekxak axta chá'a, kayeykhágwomhok axta chá'a élmaso apkeltémakxa, megkaxók axta m'a apkeltémakxa axta apyapmeyk nano', elpeykeshok axta chá'a m'a mók aqsok kéláyókxa nak, axta elyamasmak apkelánéyak apkeltémakxa ekmaso, tén han ma'a ektémakxa axta ekyennaqte apkeltémakxa.

Deuteronomio 29:29

“Yetneyk aqsok magya'áseyak nak chá'a: Dios Wesse' egegkok akke apagkok xa; yetneyk eyke nahan ma'a aqsok nenxawe nak chá'a negko'o yaqwayam agweta' tén han ma'a egketchek nak yaqwayam enxoho ólyahakxohok chá'a: ekyókxoho éltémókxa nak antéhek se'e segánamakxa nak.

Números 15:39

Kéllanawók sa' agkok chá'a kéxegke m'a apkelmakheykha nak, kaxénwakxohok sa' chá'a kélwáxok ma'a ekyókxoho séltémókxa nak chá'a kóltéhek, sekmésso axta ko'o kéxegke, keñe sa' kóllának chá'a, tén sa' megkólyetlakxeyk chá'a m'a ektémakxa nak chá'a élchetámeykha agko' kélwáxok, tén han kélmámenyého kóllána', élwátessesseykmo nak kéxegke kélteme mehelyenyaweykha ko'o.

Génesis 8:21

Xama axta aptekhana Wesse' egegkok xa ekmátsa nak ekpaqneyam, aptáhak axta s'e: “Wánxa kaxwók sektaqnagko keso náxop, eñama apkeltémakxa énxet'ák, hakte apketkok apkeynmókxa énxet wánxa kaxénmakha apwáxok elának aqsok ekmaso. Mamasséssemek han chá'a kaxwók ma'a ekyókxoho aqsok nawha'ák, sektáhakxa nak se'e kaxwo' nak.”

Ezequiel 1:26

Ekwet'ak axta nahan ekho taháno ekyawe ektaqmalma m'a néten nak aqsok élyaqye élyenma, hawók axta m'a meteymog élpaxqamáxchel'a élyápaqmate élyenma ektáxama, keñe axta m'a néten nak ekho taháno ekyawe sekwet'a apha xama aphémo énxet.

Jeremías 3:19

“Énxet'ák Israel, ekxeyenmeyk axta ko'o kéxegke atnehek étchek ahancha'awo', tén han agkések ma'a xapop, étsapmo nak kélnények kóllano', apchókxa ektaqmalma agko' nak, megkaxnawo nak ma'a mók apkelókxa nak keso náxop. Énagkamchek axta ko'o kéxegke héltéhek kélyáp, tén han mehélyenyewek chá'a xama enxoho.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Jeremías 12:15

Keñe sa' natámen sélántekkesso, alásekhekxohok makham, wának sa' elmeyenták makham ma'a xapop apagkok nak, tén han ma'a apkelókxa apancha'awo nak.

Jeremías 12:16

Naqsók eyke apkelxekmóssama énxet'ák ahagkok apteméssesso chá'a naqsók apkelmésso apkelpeywa m'a Baal, apwanchek eyke kaxwók exmakha nepyeseksa énxet'ák ahagkok, ektáha enxoho naqsók apmáheyo etnahagkok ma'a aptamheykegkaxa nak chá'a hélpeykeshok ma'a énxet'ák ahagkok, tén han etnehek chá'a apkelpeywa exének sekwesey ekmámnaqsoho s'e: ‘Memassegwomek sa' chá'a Wesse' egegkok.’

Jeremías 16:19

Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Ezequiel 48:35

Nueve mil metros sa' kammok ekyókxoho ekwenaqte m'a meteymog kélhaxta nak nepyáwa tegma, keñe sa' katnehek kaxwók apwesey xa tegma apwányam nak: ‘Apheyk Wesse' egegkok se'e.”

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

1 Reyes 8:41

“Tén han ma'a énxet apkeñama nak mók nekha, metnaha nak énxet'ák apagkok, apkeñama nak xapop makhawók agko', eñama aplege exchep apwesey

Salmos 102:23

Matnamók sekwányamók semasséssessama sekyennaqte; eyaqwátéssessamók sekweynchámeykha.