Jeremías 25:34 - Biblia Enxet

³⁴ ¡Kólwehesha, keláneykha nepkések, kólwehesha eñama kéllegeykegkoho ekmáske! ¡Kéxegke, kélnaqleykha nak chá'a nepkések, kólpexyawha náxop! Hakte wokmek ekhem nentekyómakxa', kóltekyók sa' kéxegke, aptémól'a etekyók ma'a nepkések apkelennay'a apnaqmele.

Jeremías 25:34 Referans Kwoze

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Amós 5:11

Megkólhakha sa' ma'a kélxanák apkeltaqmalma kélláneyak axta meteymog eñama kélnaqtawáseykegkoho m'a meyke nak aqsok apagkok tén han kéltémo elyánmagkasek chá'a hótáhap apaktek elmések kéxegke, megkólyenagkek sa' nahan vino éleñama m'a kélcheneykekxa nak.

Daniel 11:8

Elsakxak sa' nahan Egipto m'a aqsok apkeláyókxa nak, tén han kéleykmássesso élánamáxche nak sawo égmenek kélpeykáseykekxa', tén han mók aqsok élmomnáwa sawo ekyátekto élmomnáwa, tén han sawo ekmope élmomnáwa. Yeyk'ak sa' agkok pók xama apyeyam meyke kempakhakma xa ánet apkelókxa nak,

Ezequiel 34:20

Ekeso éñamakxa sektáha nak ko'o séláneya kéxegke s'e, sektáha nak Wesse': Alyekpelkohok sa' chá'a ko'o nepyeseksa m'a nepkések apnaqmele nak tén han ma'a apkelyamhagko nak.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Jeremías 50:27

¡Kólnáhap apyókxoho m'a sẽlpextétamo apagkok nak, kólnaqlakxa yaqwánxa nak etekyók! ¡Apyósekak eyke eykhel'a! ¡Wokmek ekhem yaqwánxa kóllegássesagkoho'!

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 27:7

Apkelásenneykha sa' etnehek ma'a apyókxoho pók aptémakxa énxet'ák nak, ekweykekxoho m'a apketche, tén han aptáwen, ekwokmoho sa' nahan ekmáxko m'a Babilonia. Apkelásenneykha sa' etnehek ma'a pók énxet'ák apkelókxa élyawe nak, tén han ma'a kelwesse'e apkelwányam apkelyennaqte nak.

Jeremías 25:36

Apkelwehéseyha m'a keláneykha nepkések, apkelwehéseyha apkellegágkoho ekmáske m'a apnaqleykha nak chá'a nepkések, hakte apmasséssessekmek Wesse' egegkok ma'a pa'at apagkok.

Jeremías 25:23

tén han Dedán énxet'ák apagkok, Temá tén han Buz, tén han ma'a énxet'ák apkelmópéssamo nak chá'a apkelyésesso élpayhakxa nápaqta'a;

Jeremías 25:12

Wokmek sa' agkok setenta apyeyam, ayaqmagkásekxak sa' ko'o aptémakxa mey'assáxma m'a wesse' apwányam Babilonia tén han ma'a apchókxa nak, cham'a caldeos apchókxa nak, amasséssók sa' meyke néxa. Ko'o sekxeyenma xa, sektáha nak Wesse'.

Jeremías 22:28

¿Jeconías ya apteme xama yátegwáxwa appaqxo megkólmowánal'a kólmaha, enxeykel'a nahan ma'a aqsok élpaqxo megkólmámenyéhol'a? ¿Yaqsa ektéma kélyenseykmo nak yetlo apketchek ma'a xapop megkólya'áseykegkaxa nak?

Jeremías 3:19

“Énxet'ák Israel, ekxeyenmeyk axta ko'o kéxegke atnehek étchek ahancha'awo', tén han agkések ma'a xapop, étsapmo nak kélnények kóllano', apchókxa ektaqmalma agko' nak, megkaxnawo nak ma'a mók apkelókxa nak keso náxop. Énagkamchek axta ko'o kéxegke héltéhek kélyáp, tén han mehélyenyewek chá'a xama enxoho.

Isaías 34:6

Kaltexneyxchek sa' éma m'a Wesse' egegkok sókwenaqte apagkok tén han pexmok, ektémól'a etekyók nepkések tén han yát'ay ma'a kélméssól'a yaqwayam etekyók. Elának sa' aqsok ektekyawa Wesse' egegkok ma'a Bosrá, nentekyawa ekyawe sa' elának ma'a tegma apwányam Edom.

Isaías 33:1

¡Xép laye, apmassésseyam nak chá'a aqsok memassegwayam nak makham! ¡Xép laye, appelakkassesso nak chá'a esexnenak pók, megkólpelakkassesso nak makham kólsexnena'! Appenchessek sa' agkok apmassésseyam aqsok, kólmasséssók sa' xép, appenchessek sa' agkok appelakkassesso chá'a apsexnenagko pók kólpelakkassesek sa' xépxa kólsexnena'.

Isaías 30:14

máxa sa' kóltéhek kólmasséssók ma'a ektémól'a yátegwáxwa apkelánamap la'a yelpa', appaqxamól'a apyókxoho, megyeymomap la'a xama nápakha'a apketkok appaqxo negmowána enxoho agmaha antahanchesek átex ólmok ma'a neyseksa táxa nak, essenhan yaqwayam enxoho agyáwak yegmen ma'a yámelchet.”

Isaías 10:12

Appenchessek sa' agkok Wesse' egegkok ekyókxoho aqsok apmáheyo nak elának ma'a egkexe Sión tén han ma'a Jerusalén, eñássesagkohok sa' ma'a wesse' apwányam Asiria eñama eyaqheykha apwáxok se'e aptamheykha nak, tén han eñama megyésso yeykpoho', tén han eyeymáxkoho apwáxok.

Isaías 2:16

tén han apyókxoho m'a apkene nak exnawok ma'a yántakpayhe élyawe éleñama nak Tarsis essenhan ma'a yántakpayhe éltaqmalma nak.

Salmos 2:9

Elnápok sa' kelwesse'e apkelwányam meyke apmopyósa apkelányo; ¡máxa sógweygke kéllanel'a yelpa' kélteméssesso nak nápakha'a apketkók sa' etnéssesek elnápok!”

2 Crónicas 36:10

Apkeltémók axta kólyentemekxak Babilonia wesse' apwányam Nabucodonosor ma'a aphaxnagkok apyeyam nak, yetlo m'a aqsok kélmeykegkaxa élmomnáwa ekhéyak axta m'a Wesse' egegkok tegma appagkanamap apagkok, apteméssessek axta han wesse' apwányam Judá tén han Jerusalén ma'a Sedequías, apnámakkok axta m'a Joaquín.

Isaías 34:7

Máxa yágweyke sa' etnahagkok eletsapok tén han weyke étkók tén han weyke kelennay'a; kayássesek sa' éma m'a xapop apagkok, kamlaksek sa' nahan yagkamex ma'a pexmok apagkok.

Jeremías 18:22

Elpelakkasses yahak ma'a énxet'ák apkelmenyexmo nak; ¡kañexkohok sa' élpayheykha apatña'ák apkelaye! Hakte emétegkessegkek máxek apmáheyo hemok, epekkenchessegkek kelhanma sekpéwomókxa nak chá'a.

Jeremías 48:38

“Kéllekxagweykha aqsa chá'a legáxcheyk ma'a ekyókxoho néten tegma nak ma'a Moab, tén han ma'a ámay nak, hakte nápakha'a apketkók ko'o ektemessásekxak ma'a Moab, aptémól'a yátegwáxwa megkólmámenyéhol'a kólmaha. Ko'o sekxeyenma xa, sektáha nak Wesse'.”

Oseas 8:8

¡Kélsawhomakyek ma'a Israel! Máxa aqsok meyke eyásekhamaxchel'a aptemék apkelányo m'a pók énxet'ák nak,

Zacarías 10:3

Cháxa keñamak aptáha nak appeywa Wesse' egegkok se'e: “Éltaqnaweygkók ahagko' ko'o m'a apkeláneykha nepkések nak, allegássesagkohok sa' ma'a ektáha nak chá'a apnaqleykha énxet'ák ahagkok.” Yátnáxeg apyennaqte kempakhakma apagkok sa' etnessásekxak Wesse' ekha nak apyennaqte, apkeláneykha nak chá'a nepkések apnaqtósso m'a Judá aptawán'ák neptámen.

Zacarías 11:3

Meleyságkohok apkellekxagweyncha'a m'a keláneykha nepkések, hakte kéltawáseyha m'a pa'at ektaqmalma nak. Legáxcheyk ekyexwéweykha m'a yámakméwa, hakte kélmasséssekmek ekyentaxnakxa nak naxma m'a neyáwa Jordán.

Jeremías 23:1

Aptáhak Wesse' egegkok se'e: “¡Keláneykha nepkések la'aye, apchahayo nak aqsa chá'a elxeganmok seknaqtósso nepkések, tén han yexpaqnek!”