Jeremías 25:30 - Biblia Enxet

³⁰ “Jeremías, eñes sa' sektáhakxa ko'o sekpeywa s'e ekyókxoho aqsok nak. Sa' etnehek elának se'e: “Kextegyókek appeywa Wesse' egegkok ma'a netnók agko' nak, cham'a kañe' ekpagkanamaxchexa aphamakxa nak. Apkelpáxegkáseyha apkeltaqnaweygko m'a nepkések apnaqtósso, máxa aptáhak ma'a apkelteyáyam la'a anmen yámet ekyexna, apkeltaqnaweygkek ma'a apyókxoho énxet'ák apheykha nak keso náxop.

Jeremías 25:30 Referans Kwoze

Amós 1:2

Xama axta éxtegyawa appeywa Wesse' egegkok appaqmeta m'a egkexe Sión, cham'a Jerusalén nak, kelyameygkek axta pa'at ma'a yókxexma, yamakak axta nahan exma m'a naw'a nak egkexe Carmelo.

Joel 3:16

Appaqmetchek ekyennaqte agko' Wesse' egegkok ma'a egkexe Sión, kextegyókek appeywa m'a Jerusalén, kelpexyennegkek néten tén han xapop. Wesse' egegkok akke apkelyexánegweykekxexa chá'a m'a ektáha nak énxet'ák apagkok, apkelmasma apyennaqte m'a énxet'ák Israel.

Isaías 42:13

Máxa xama énxet apyennaqte sa' etnehek etyapok ma'a Wesse' egegkok; elnapakpok sa' yetlo apwasqapma aptémól'a m'a kempakhakma yáp; epaqmétek sa' ekyennaqte, elpáxamha sa' yempakha', emenxenek sa' nahan ma'a apkelenmexma.

Isaías 16:9

Cháxa keñamak sélekxagweyncha'a nak ko'o sélano m'a anmen yámet kélcheneykekxa nak Sibmá, tén han ma'a Jazer, pallénteyk ahaqtek égmenek sélano m'a Hesbón tén han ma'a Elalé, hakte legáxcheyk kélpáxameykha ekyennaqte kempakhakma m'a neyseksa nak aqsok ekyexna apkeneykekxa m'a énxet'ák tén han ma'a aqsok ekyexna eknakxamáxche nak.

Zacarías 2:13

¡Kólwanmeyák sa' kélyókxoho nápaqtók Wesse' egegkok, hakte apwayak negyeseksa apkeñama m'a kañe' ekpagkanamaxchexa, aphamakxa nak chá'a!

Amós 3:8

¿Yaqsa megkalpexyennemek eyeye, ekyexweweyncha'a enxoho méwa? ¿Yaqsa megkaxénhek Wesse' egegkok appeywa apkeltamho enxoho kaxének ma'a?

Oseas 5:14

Sa' atnehek ko'o aktamagkok Efraín, tén han Judá m'a ektémól'a méwa kaktamagkok aqsok, ko'o ahagko' sa' han atnéssesagkok nápakha'a apketkók, tén sa' axñekxak makham, alyenyawasagkokxak sa', méko sa' kalwagkasek teyp.

Jeremías 48:33

Massék eklegáxko kélátseykha m'a namyep ektaqmalma nak xapop ma'a Moab. Méko entáhak vino m'a kélyátamakxa nak chá'a. Méko kaxwók énxet apkelyaqhapma anmen yámet ekyexna, massék élmeneykmásexko m'a negmeneykmasso ekpayheykekxa nak egwáxok.

Jeremías 17:12

Nentaháno eyeymáxkoho m'a tegma appagkanamap egagkok nak, kélpekkenma axta nanók agko', eyeynamo m'a sekxók agko' axta.

Salmos 132:14

“Keso egkexe sekmáheyókxa nak chá'a ko'o axek meyke néxa s'e; axek sa' chá'a ko'o s'e, hakte émenye'.

Salmos 78:65

Apxatakha'ak axta eyke Wesse' egegkok, máxa axta aptáhak ma'a xama énxet apteyenmal'a exatakha', aptémól'a kempakhakma yáp exátekhágwók natámen éllágwayam eyaqhe vino,

Salmos 58:5

yaqwayam enxoho megkañék apmeneykmasso m'a yohóxma yéwa yáp nak.

Salmos 11:4

Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

2 Crónicas 30:27

Tén axta apkelchampákxo néten ma'a apkelmaxnéssesso Dios énxet'ák apagkok tén han levitas, apkelmaxnéssesa aqsok éltaqmela m'a énxet'ák; aphaxnawok axta han ma'a Wesse' egegkok, wákxók axta han néten ma'a apkelmaxneyéyak, aphakxa nak ma'a Dios appagkanamap.

1 Reyes 9:3

aptáhak axta apcháneya: “Eklegayak ko'o m'a apkelmaxnagko sélmaxnagko axta ko'o exchep, ekteméssessek han appagkanamap se'e tegma apkelane axta, yaqwayam katnehek ekyetnamakxa sekwesey meyke néxa'. Alanha sa' chá'a ko'o xa, malwátéssemek sa' ekxeyenma ewáxok.

Deuteronomio 26:15

Yenmexentámho chá'a apxagkok ekpagkanamaxchexa neyseksa apha m'a néten, etaqmelchesses chá'a apheykha m'a énxet'ák apagkok Israel, tén han ma'a xapop segmésso axta, ényahamakxa nak weyke nagkeygmenek tén han yányawhéna' apyegmenek ektémól'a kañehek ma'a yegmen, ekhawo apkeltennassama axta egkések ma'a ẽlyapmeyk nano' axta.’

2 Samuel 15:25

Keñe axta wesse' apwányam aptáha apcháneya Sadoc: —Esakxa makham tegma apwányam xa Dios yántéseksek apagkok nak, hakte taqmeláha agkok ko'o apwáxok sélano m'a Wesse' egegkok, yának makham ataqhoho', tén óteyekxak makham ma'a yántéseksek, tén han ma'a ekyetnamakxa nak chá'a.

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Isaías 33:3

Legáxcheyk agkok chá'a exchep appeywa ekyennaqte, elyexanmok chá'a énxet'ák, apkempákxeyk agkok chá'a néten yexpaqnek chá'a m'a apyókxoho énxet'ák apheykha nak keso náxop;

Jeremías 25:38

Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.

Oseas 11:10

Enaqlakxak sa' Wesse' egegkok ma'a, keñe sa' éxwéwha m'a ektémól'a méwa. Éxwéwha sa', keñe sa' elyo'ótak yetlo apkelaye m'a ektáha nak énxet'ák apagkok, apkeleñama m'a ektaxnegwánxa ekhem.