Jeremías 24:7 - Biblia Enxet

⁷ Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.

Jeremías 24:7 Referans Kwoze

Ezequiel 37:23

Kamaskok sa' nahan enaqtawasakpok elpeykeshok ma'a aqsok kéleykmássesso élmasagcha'a agko' nak tén han apkelánéyak chá'a ekyókxoho m'a mók ektémakxa nak chá'a melya'assáxma. Alwagkasek sa' ko'o teyp neyseksa m'a ekyókxoho apkeltémakxa ekmaso, aláxñassásekxak sa' ma'a melya'assáxma. Énxet'ák ahagkok sa' ko'o atnehek ma'a, keñe sa' ma'a etnahagkok ko'o Dios apagkok.

Zacarías 8:8

anaqlanták sa' ma'a Jerusalén, yaqwayam sa' exmakha m'a. Énxet'ák ahagkok sa' ko'o etnahagkok ma'a, keñe sa' ko'o etnehek Dios apagkok, yetlo ekmámnaqsoho tén han ekpéwomo sektémakxa.”

1 Samuel 7:3

Keñe axta Samuel aptáha apkeláneya m'a apyókxoho énxet'ák nak Israel: “Kélya'aweykxeyk sa' agkok kéxegke Wesse' egegkok, yetlo kélmésso ekweykmoho kañók agko' kélwáxok, kéméxcheyk kólchexák ma'a aqsok kéláyókxa éleñama nak mók nekha, keñe han ma'a kéleykmássesso nak Astarté, kólmés kélwáxok ma'a Wesse' egegkok, kólpeykesho wánxa m'a. Keñe sa' elwagkasek teyp neyseksa apkelma m'a filisteos.”

Ezequiel 37:27

Axek sa' chá'a ko'o nepyeseksa m'a, ko'o sa' etnehek Dios apagkok, keñe sa' ko'o atnehek énxet'ák ahagkok ma'a.

Jeremías 3:10

Axta nahan ko'o hey'ékekták Judá, yetlo segkéssamo agko' awáxok, cham'a seyenseykmo nak ko'o sétleykha, natámen élane xa ekyókxoho aqsok nak, élyexancháseykha axta aqsa chá'a. Ko'o sekxeyenma xa, sektáha nak Wesse'.”

Isaías 51:16

ekpeykessegkek axta ko'o m'a néten éláneyak axta nahan xapop. Ekméssegkek axta ko'o exchep nélxekmowásamáxche ahagkok, eyáhakkassegkek axta emék sekmasma. Axta ektemék ko'o sélanagkama énxet'ák apheykha nak Sión se'e: ‘Kéxegke kélteme énxet'ák ahagkok.’”

2 Crónicas 6:38

apya'aweykto enxoho yetlo ekmáyheykegkoho agko' apkelwáxok ma'a apchókxa kélya'assamakxa axta kélnaqleykekxo apkelmomakpo, apkelpayhentámho enxoho elmaxneyagkok se'e xapop apméssamakxa axta apyapmeyk nano', tén han se'e tegma apwányam apkelyéseykegkaxa axta, keñe han se'e tegma appagkanamap sélánésso axta ko'o exchep,

Salmos 119:2

Apkeleñémo apkelane nak chá'a m'a apchánamakxa nak chá'a antéhek, apketamsamo apagko' nak chá'a ekweykmoho kañók agko' apkelwáxok,

Jeremías 7:23

Wánxa axta aqsa chá'a ko'o séltémo hélyahakxoho'; keñe hetnehek ko'o Dios apagkok, keñe ko'o atnehek énxet'ák ahagkok ma'a. Éltémók axta nahan chá'a etnahagkok ma'a séltamhókxa enxoho chá'a etnahagkok, yaqwayam enxoho kataqmelek apheykha.

Jeremías 11:4

Hakte cháxa ekhémo mók nélpaqhetchásamáxkoho sélánéssama axta ko'o m'a apyapmeyk nano', sélántekkessama axta m'a Egipto, apchókxa ekhémókxa axta táxa axagkok kélpeykeseykekxexal'a sawo. Axta ektemék ko'o sélanagkama s'e: Hélyahakxoho sa', kóllána sa' chá'a ekyókxoho m'a séltamhókxa enxoho chá'a kóllána', keñe sa' ko'o atnehek kéxegke énxet'ák ahagkok, keñe sa' kéxegke héltéhek ko'o Dios kélagkok.

Jeremías 29:10

“Aptáhak Wesse' egegkok se'e: ‘Wokmek sa' agkok setenta apyeyam ma'a Babilonia, kaxénekxak sa' ko'o makham ewáxok kéxegke, alának sa' ma'a aqsok sekxeyenma axta alána', wának sa' kólchexyók makham se'e yókxexma nak.

Ezequiel 14:11

yaqwayam sa' meheyenyewekxók ko'o kaxwo' ma'a énxet'ák Israel, yaqwayam sa' megkalpeysegkásekxeyk kaxwók ma'a aqsok ekmaso nak apkelánéyak. Énxet'ák ahagkok sa' ko'o atnehek ma'a, keñe sa' hetnehek ko'o Dios apagkok. Ko'o sekxeyenma, sektáha nak Wesse'.”

Ezequiel 16:62

Alánekxak sa' ko'o axnagkok ekhémo mók sélpaqhetchásamáxkoho exche', keñe sa' kay'ásegwók ko'o sektáha Wesse'.

Ezequiel 39:22

Elya'ásegwók sa' énxet'ák Israel sektáha ko'o Dios Wesse' apagkok xa ekhem nak.

Ezequiel 11:17

Etne sa' nahan elának se'e: ‘Keso aptáhakxa exchek Wesse' egegkok se'e: Anaqlósawakxak sa' ko'o makham kéxegke m'a apkelókxa nak sélya'assamakxa axta séxpánchessama, nepyeseksa nak ma'a pók aptémakxa énxet, wánchásekxak sa', tén sa' agkeyásekxak makham ma'a apkelókxa Israel.

Oseas 2:22

tén sa' xapop kaxének awáxok katekkesek hótáhap, keñe han vino, pexmok égmenek, keñe sa' Jezreel kaxek xa aqsok nak.