Jeremías 23:2 - Biblia Enxet

² Aptáhak Wesse' egegkok, Dios apagkok nak Israel apkeláneya keláneykha nepkések, apkeláneykha nak chá'a m'a énxet'ák apagkok: “Kélhayók kéxegke aptekyóma m'a nepkések seknaqtósso, kélmenxenme', megkólláneykha. Ataqmelchesagkohok sa' ko'o allegássesagkohok kéxegke, eñama ekmaso aqsok kélláneyak. Ko'o sekxeyenma xa, sektáha nak Wesse'.

Jeremías 23:2 Referans Kwoze

Miqueas 7:4

Máxa yámet ekha nak am'ák apkelxénamap nak chá'a éltaqmalma apkeltémakxa xa énxet'ák nak, máxa pegke m'a apkelxénamap nak chá'a ekha kéláyo. Xegakmek eyke ekhem yaqwánxa kólyaqmagkásekxak apkeltémakxa, apkeltennassama axta m'a énxet apkelhaxneykha cham'a aplegasso nak Dios appeywa. Keñe sa' katyapok nepyeseksa melya'áseyak aptamhágkaxa.

Éxodo 32:34

Exeg, enaqlow sa' énxet'ák ma'a yókxexma séltennassamakxa axta. Seyásenneykha sa' eyke exog apmonye'. Wokmek sa' agkok ma'a ekhem yaqwánxa allegássesagkoho', allegássesagkohok sa' ko'o eñama m'a apkeltémakxa melya'assáxma.

Jeremías 23:34

Yetneyk sa' agkok xama aplegasso sekpeywa, essenhan apkelmaxnéssesso énxet'ák ahagkok, essenhan xama énxet apteme appeywa s'e: ‘Wesse' egegkok appeywa xa,’ ko'o sa' añássesagkoho', ekweykekxoho m'a apnámakkok.

Oseas 2:13

Añássesagkohok sa' ko'o ektémakxa axta m'a nentámen axta élméssama axta chá'a kéleykmássesso m'a aqsok ekmátsa nak ekpaqneyam éten agkok, élnáxegkáseykencha'a axta chá'a élatchessessama aphék ma'a élatchesso aphék, tén han élnatanma, yaqwayam kalyetlók ma'a élpathetéyak nak chá'a, ekmassama axta ekxeyenma awáxok ko'o. Ekxénchek ko'o xa, sektáha nak Wesse'.

Jeremías 13:21

“Jerusalén, ¿háxko sa' katnehek, aptáha sa' wesse' agkok ma'a énxet élxekmósso agko' axta exche'? Kañegkohok sa', ektémól'a kelán'a kamáwhok katnehek naqláwa.

Jeremías 11:22

aptáhak apkeláneya Wesse' ekha nak apyennaqte s'e: “Ayaqmagkásekxak sa' ko'o mók kéltémakxa kéxegke: neyseksa kempakhakma sa' eletsapok ma'a wokma'ák, keñe sa' kélketchek apkelennay'a tén han kelwán'ák kaletsapok meyk élnapma.

Jeremías 8:12

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.’”

Jeremías 5:29

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 5:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?

Jeremías 10:21

—Élyeyháxma apkelámha apmonye'e apagkok nak xa énxet'ák nak; melchetamsók ma'a Wesse' egegkok. Cháxa keñamak megkatyapma nak chá'a aqsok apmáheyo elanagkok, apkexpánmeyk apyókxoho m'a nepkések apnaqtósso.

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 13:20

Kólyeheykha, kóllano ektáhakxa apkelxegáyam kélenmexma m'a ekpayho nak nexcheyha. ¿Háxko apkelmahágkaxa m'a nepkések séltémo axta ko'o héltaqmelchessesek, cham'a nepkések eyaqheykencha'a axta kéxegke kélwáxok?

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.

Ezequiel 34:5

Meyke éláneykha aptáhak ma'a nepkések ahagkok keñe apkexpaqna, tókagkek ma'a aqsok nawha'ák éllo.

Zacarías 11:16

Hakte apekkenek sa' ko'o xama keláneykha nepkések megkeytnakhassamo nak chá'a apwáxok nepkések apyetnakhágwayam apxega s'e apchókxa nak, mektemek sa' nahan chá'a m'a apxegányam nak, metaqmelchessásekxeyk sa' nahan chá'a m'a apyense nak, megyagkek sa' nahan chá'a apto m'a apkelyelqamap nak, etwok sa' eyke chá'a m'a ekmel'akxa agko' nak aphápetek, kawomhok sa' megyáyam ma'a apophék nak.

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Zacarías 10:3

Cháxa keñamak aptáha nak appeywa Wesse' egegkok se'e: “Éltaqnaweygkók ahagko' ko'o m'a apkeláneykha nepkések nak, allegássesagkohok sa' ma'a ektáha nak chá'a apnaqleykha énxet'ák ahagkok.” Yátnáxeg apyennaqte kempakhakma apagkok sa' etnessásekxak Wesse' ekha nak apyennaqte, apkeláneykha nak chá'a nepkések apnaqtósso m'a Judá aptawán'ák neptámen.