Jeremías 23:10 - Biblia Enxet

¹⁰ Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.

Jeremías 23:10 Referans Kwoze

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Isaías 24:6

Cháxa keñamak ekmasséssekmo nak xapop ma'a sẽlyemneykha ekmaso nak, tén han apkellegágkoho kéllegassáseykegkoho m'a énxet'ák apheykha nak kañe'. Cháxa keñamak apweywento nak énxet apheykha keso náxop, apqántawók apagko' apkeleymékpok.

Joel 1:10

Meyke aqsok táhak ma'a namyep; yaqhapchek exma'. Apkelepsagkek ma'a hótáhap apaktek, kelyameygkek ma'a anmen yámet, apák entáhak ma'a olivos.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 7:9

Kélmenyexeykegkek chá'a, kélnapmeyk chá'a kélnámakkok, kélnaqtawáseykegkók chá'a kélnaqteyegka'a kéllánegweykmo chá'a mók kelán'a, kélméssegkek chá'a kélpeywa Wesse' egegkok kélmowána amya'a, kélméssegkek chá'a aqsok ánek ekmátsa nak ekpaqneyam ma'a Baal, kélpeykessamók chá'a aqsok kéláyókxa megkólya'ásegko nak kéxegke,

Levítico 5:1

“Yetneyk sa' agkok énxet kéláneyeykha yaqwayam exének ma'a aqsok apweteykegkoho nak, essenhan ma'a aplege nak, sa' agkok exénak, apkelanak mey'assáxma, kaphewakxak sa' apsexnánémap.

Isaías 5:18

¡Kéxegke laye, kélseykha nak chá'a kéltémakxa élmasagcha'a yetlo kélmowána amya'a, kélyenyawáseykha nak chá'a megkólya'assáxma, ektémól'a kólyenyawaksek ma'a yátnáxeg apyenyawasso!

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Oseas 7:4

Apyókxoho apnaqtawáseykegkoho apnaqteyegka'a xa apkelane chá'a mók, aphawók ma'a táxa axagkok la'a, cháléweyk agkok ma'a, kamaskok apkelwatchásegko táxa m'a ektáha nak apkelwatno, ekwokmoho apkempágko m'a hótáhap kélyélaqtésso.

Esdras 10:18

Keso apkelmaxnéssesso Dios énxet'ák apagkok ekwetamaxche axta apkelméyak kelán'ák megkatnaha apkelpeywomo xamo' se'e: Maaseías, Eliezer, Jarib, tén han Gueladías, Josué axta aptawán'ák neptámen, Josadac axta apketche, tén han ma'a apnámakkok nak,

Jeremías 6:13

“Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Sofonías 3:4

Éleymáxkoho apkelwáxok ma'a énxet'ák apagkok apkellegasso nak chá'a Dios appeywa tén han apkelyexancháseykha chá'a pók; aptawáseykha tegma appagkanamap ma'a énxet'ák apagkok apkelmaxnéssesso nak chá'a Dios énxet'ák apagkok, meláneykegkok ma'a Wesse' egegkok segánamakxa apagkok.