Jeremías 22:18 - Biblia Enxet

¹⁸ Aptáhak apxéna Wesse' egegkok Joaquim, wesse' apwányam nak Judá, Josías nak apketche: “Méko sa' kalekxagwaha apketsapa enxoho. Méko sa' kalekxagwaha tén han katnehek ekpeywa s'e: ‘¡Asagke nak la'a ektáhakxa egmók!, ¡Asagke nak la'a ektáhakxa, wesse'!’

Jeremías 22:18 Referans Kwoze

Jeremías 16:6

Eletsapok sa' ekyawe nak kéláyo tén han meyke nak kéláyo s'e apchókxa nak; méko sa' kalátawanyek, tén han kalekxagwaha kalano', méko sa' nahan kalpexyekhasha émpehek kaxekmóshok élapwayam élányo, méko sa' nahan kamopaksohok ektegye ekyese.

1 Reyes 13:30

Apchátawanyeyk axta m'a takhaxpop apagkok apagko' axta, apkelekxagweyha axta apkelanawo, keñe aptáha s'e: “¡Apyósek eyke eykhel'a eyáxeg!”

Jeremías 22:10

Nágkóllekxagwaha aqsa kóllanok ma'a wesse' apwányam Josías; nágkóllekxagwaha aqsa eñama apketsapma; eyke kóllekxagwaha kóllanok ma'a apketche Salum, peya nak exog meyke apweyktamho; méteyekxók sa' chá'a m'a xapop apteyeykemxa axta. Hakte aptáhak apxéna Wesse' egegkok Salum, cham'a Josías apketche nak, wesse' apwányam nak ma'a Judá, apyaqmagkassama nak apteme wesse' apwányam ma'a apyáp nano', apteyapma nak se'e yókxexma nak: “Mewatamók sa' chá'a,

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Jeremías 34:5

Tásek sa' katnehek apketsapma, kólwatnések sa' aqsok ánek ekmátsa nak ekpaqneyam ma'a kélátawanya enxoho, ekhawo ektémakxa axta chá'a kólwatnések kélátawanya enxoho chá'a m'a apyapmeyk nano' nak xép, cham'a aptamheykegko axta kelwesse'e apkelwányam, metnamakxa axta makham xép. Sa' katnehek kalpaqmetaxchek kéllekxagweyncha'a sa' kóllanok xép se'e: ¡wesse', kellegágkók negko'o egwáxok! Ko'o sekxeyenma xa, sektáha nak Wesse', ekméssek nahan sekpeywa.”

2 Crónicas 35:25

Aptáxéssessek axta han Jeremías xama amya'a ekxeyenma nak senlapwayam, weykmók makham se'e negwánxa, élxeyenweykekxoho chá'a apkelwáxok apkelmeneykmasso, tén han kelán'a élmeneykmasso m'a Josías, negmeneykmasso ekxeyenma nak senlapwayam. Élmeneykmásamáxche han temék Israel xa negmeneykmasso nak, naqtáxésamaxcheyk han ma'a eknaqtáxésamaxchexa nak xa negmeneykmasso nak.

2 Samuel 1:26

“¡Élekxagweykha ko'o ekxeyenma ewáxok xép Jonatán, eyáxeg seyásekhayo! ¡Tásók agko' axta exchep setnéssessamakxa'! Yeykhágweykmók xép seyásekhayo m'a ekweykenxal'a segásekhayo kelán'a.

2 Reyes 23:6

Aptekkessek axta yókxexma teyp Jerusalén ma'a kéleykmássesso Aserá, ekyetnama axta m'a Wesse' egegkok tegma appagkanamap apagkok, apwatnegwokmek axta m'a alwáta' Cedrón ekwokmoho ektamhákxo táhap, keñe axta apkexpáncháseyncha'a táhap ma'a kélátawanyamakxa axta chá'a énxet'ák.

2 Reyes 23:36

Veinticinco apyeyam apagkok axta weykmok apkeynamo apteme wesse' apwányam ma'a Joaquim, once apyeyam axta apteme wesse' apwányam ma'a Jerusalén. Zebudá axta ekwesey egken, Pedaías axta apketche, eñama axta m'a Rumá.

2 Reyes 24:6

Xama axta apketsapma, keñe apyaqmagkasa apteme wesse' apwányam ma'a apketche Joaquín.

2 Crónicas 36:5

Veinticinco apyeyam apagkok axta m'a Joaquim, once apyeyam axta apteme wesse' apwányam ma'a Jerusalén. Asagkek axta eyke ektémakxa aqsok apkelane nápaqtók Dios Wesse' apagkok.

Jeremías 22:12

yetsapwók sa' ma'a apchókxa kélya'assamakxa axta, méteyekxók sa' chá'a s'e apchókxa nak.

1 Crónicas 3:15

Josías apketchek: Johanán axta apwesey átnaha apketkok; keñe aptétéyak ma'a Joaquim; tén axta m'a Sedequías; keñe axta m'a Salum, aptáhakxa axta cuatro.

Jeremías 21:11

“Eltennés sa' sektáhakxa ko'o sélxeyenma m'a wesse' apwányam Judá apnámakkok, cham'a wesse' apwányam David aptawán'ák neptámen nak: “Kóleyxho apcháphássesso appeywa Wesse' egegkok: Kóltaqmelchessásekxa chá'a apheykha énxet'ák ekyókxoho ekhem; kólwagkas chá'a teyp neyseksa apmáheyo enaqtawasagkohok ma'a apkelyennaqtésamakpoho nak chá'a, hakte altaqnaweygkok ko'o katnehek kéxegke eñama ekmaso aqsok kélláneyak, máxa táxa eyáléwe katnehek seklo megkólmowánal'a kólsapanchesek.

Jeremías 36:30

Ektáhak ko'o seyáneya exchep se'e Joaquim wesse' apwányam nak Judá, ko'o sektáha nak Wesse', méko sa' xama enxoho aptáwen neptámen etnehek wesse' apwányam apyaqmagkasso m'a David. Kólpekkenek sa' aqsa aphápak xép neyseksa mayáhat ekhem, tén han neyseksa yeyam appok ma'a axta'a,