Jeremías 22:15 - Biblia Enxet

¹⁵ ¿Apkenagkamcheya anxek aqsa segwakhe yámet cedro nenteme nak wesse' apwányam? Payheykekxeyk axta apwáxok neyseksa apha m'a apyáp nano', apkeláneyak axta eyke chá'a aqsok yetlo ekpéwomo aptémakxa, tén han ekpayhawo nak chá'a etnehek, axta keñamak ektaqmalma chá'a aqsok apkelane.

Jeremías 22:15 Referans Kwoze

2 Reyes 23:25

Méko axta xama wesse' apwányam aphawo, cham'a metyapmakxa axta tén han neptámen axta, apye'eykekxoho axta Wesse' egegkok ekweykmoho kañók agko' apwáxok, tén han ma'a élchetámeykegkaxa nak apwáxok, tén han ekweykmoho apyennaqte, ekhawo ektémakxa nak Moisés segánamakxa apagkok.

Isaías 3:10

Apkeleñémo énxet appéwomo, hakte tásek sa' chá'a katnehek ma'a aqsok apkelane, kataksek sa' ektaqmalma apha m'a aptamheykha eñama apwasqápeykekxoho.

Eclesiastés 10:17

¡Éleñémo apchókxa apteme nak wesse' apwányam apagkok meyke nak aptémakxa, keñe m'a apkeltaqmelchesso nak apchókxa, etawagkok chá'a aptéyak ekwákxo enxoho chá'a apteykegkaxa aptéyak, yaqwayam elmekxak makham apkelyennaqte, háwe eyke yaqwayam kalnápok anmen!

Proverbios 25:5

nentekkessek agkok xama énxet ekmaso aptémakxa aptamheykha nak ma'a aphakxa nak wesse' apwányam, keñe keytek chá'a apkelánekxésso ektaqmalma apheykha énxet'ák ma'a aptémakxa nak wesse' apwányam.

Proverbios 29:4

Wesse' apwányam apkelánekxésso nak chá'a ektaqmalma apheykha apnámakkok, exátekhaksek chá'a apchókxa'; yetsagkasek eyke chá'a m'a apkelmomo nak chá'a selyaqye apnegkenéyak ma'a énxet'ák nak.

2 Reyes 22:2

Leklamók axta apwáxok Wesse' egegkok ektémakxa aqsok apkelane m'a Josías, hakte apyetlamchek axta ekyókxoho m'a aptémakxa axta m'a David, apyapmeyk nanók axta, meyke apyetnakhásseyam xama enxoho.

Jeremías 42:6

Ólyahakxohok sa' apkeltamhókxa enxoho antéhek ma'a Dios Wesse' egegkok, megkalchehek sa' eykhe egwáxok, essenhan kalkohok sa' eyke nahan egwáxok, cham'a néltamho nak xép hegyo'ókxések, yaqwayam enxoho kataqmelek negheykha.

Proverbios 21:3

Nenlane nak nentémakxa ekpéwomo tén han nenláneseykekxa ektaqmela apheykha m'a énxet'ák, cháxa ekleklamókxa nak apwáxok Dios antéhek xa, kaxnók ma'a kélnaqtósso ektekyawa nak negmésso.

1 Reyes 10:9

¡Apcheymákpoho sa' kólteméssesek ma'a Dios Wesse' apagkok, ektaqmeleykencha'a nak chá'a apwáxok apkelányo, apméssama nak apteme wesse' apwányam ma'a Israel! ¡Apkelásekhayo meyke néxa han keñamak Wesse' apagkok énxet'ák Israel, apteméssessama exchep wesse' apwányam, yaqwayam enxoho etnehek chá'a apkeláneykha ekpéwomo aptémakxa, keñe han apkelánekxésso chá'a apheykha!”

2 Samuel 8:15

Aptemegkek axta wesse' apwányam David ma'a ekyókxoho nak Israel, aptaqmelchessamók axta han chá'a apkeláneykha m'a apyókxoho énxet'ák apagkok, meyke apteméssesso m'a megkapayhawo nak chá'a etnéssesek.

Jeremías 23:5

Aptáhak Wesse' egegkok se'e: “Kammok sa' ekhem yaqwánxa exek xama aptáwen neptámen apagko' ma'a David, xama wesse' apwányam ekpéwomo aptémakxa, etnehek sa' wesse' apwányam yetlo apya'áseykegkoho, elánekxések sa' chá'a apheykha énxet'ák, yetlo ekpéwomo aptémakxa tén han ekpayhawo nak chá'a etnehek se'e apchókxa nak.

Jeremías 22:18

Aptáhak apxéna Wesse' egegkok Joaquim, wesse' apwányam nak Judá, Josías nak apketche: “Méko sa' kalekxagwaha apketsapa enxoho. Méko sa' kalekxagwaha tén han katnehek ekpeywa s'e: ‘¡Asagke nak la'a ektáhakxa egmók!, ¡Asagke nak la'a ektáhakxa, wesse'!’

Jeremías 22:3

Kóllána chá'a ektaqmalma kéllánekxésso apheykha énxet'ák se'e yókxexma nak, tén han ekpayhawo nak chá'a kóltéhek, kólwagkas sa' chá'a teyp neyseksa apmáheyo enaqtawasagkohok ma'a apkelyennaqtésamakpoho nak chá'a, nágkólyennaqtésha chá'a kélyempe'ék kóllának ma'a apkeleñama mók nekha, tén han ma'a élyéheykha nak, tén han ma'a xentampe'e nak. Nágkólaqha chá'a énxet apkeñama mók nekha s'e yókxexma nak.

Isaías 33:16

méko sa' katnehek apha xa, kaxek sa' apyexanmomakxa m'a meteymog élyennaqte nak, kaxek sa' chá'a m'a apto, megkameykkehek sa' nahan chá'a m'a yegmen apyá.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Eclesiastés 2:24

Eyke ektaqmela etnehek énxet se'e: etwok apto, tén han ének apyá, kapeykessásekxak apwáxok ma'a aptekkesso nak chá'a aptamheykha, hakte ekweteyak ko'o ektáha eñama Dios xa.

Proverbios 31:9

Énnaqtés chá'a appeywa, elánekxés chá'a ektémakxa apheykha; ¡epásem chá'a m'a meyke nak aqsok apagkok, tén han ma'a apkelmopyóseka nak!

Proverbios 20:28

Megkamassegwomek chá'a apteme wesse' apwányam aptémakxa nak chá'a wesse' apwányam, apkelánesa enxoho chá'a ektaqmalma apheykha énxet'ák, yetlo apkelásekhayo, tén han ekmámnaqso'.

2 Crónicas 34:2

Leklamók axta apwáxok Wesse' egegkok ektémakxa aqsok apkelane m'a Josías, hakte apyetlamchek axta m'a aptémakxa axta m'a David, apyapmeyk nanók axta, meyke apyetnakhásseyam xama enxoho.

1 Crónicas 3:15

Josías apketchek: Johanán axta apwesey átnaha apketkok; keñe aptétéyak ma'a Joaquim; tén axta m'a Sedequías; keñe axta m'a Salum, aptáhakxa axta cuatro.

Deuteronomio 4:40

Kóllána chá'a m'a segánamakxa apagkok sekmésa nak ko'o kéxegke s'e ekhem nak, tén han ma'a nélánémaxchexa nak chá'a antéhek, keñe sa' tásek chá'a katnehek ektáhakxa kéxegke tén han ma'a kéltawán'ák kélnentámen nak, kólhakha sa' nahan apxámokma apyeyam ma'a apkelókxa apmáheyókxa nak egkések meyke néxa m'a Dios Wesse' kélagkok.”

Jeremías 7:5

“Kéltaqmelchásekxeyk sa' agkok kéltémakxa tén han aqsok kéllánéyak, tén han ekpéwo enxoho chá'a kélteméssesakxa kélnámakkok;

2 Crónicas 35:22

Axta eyke etaqhegwokmok ma'a Josías, apkelenxanakmek axta aqsa elnapakpok ma'a, axta elyahákxak aptáhakxa apchésso m'a Necao, amya'a eñama axta Dios. Apchampakha'ak axta ekyapwátegweykenxa nak xóp ma'a Meguido,

2 Crónicas 35:26

Hágkek eknaqtáxésamaxche, eknaqtáxésamaxchexa axta chá'a weykcha'áhak apagkok apkelwesse'e apkelwányam Israel tén han Judá m'a ektémakxa axta apha Josías, tén han aptamheykha eñama nak Dios, apkeláneya axta ektémakxa axta ekpeywa ektáxésamaxche m'a weykcha'áhak, Wesse' egegkok segánamakxa apagkok, tén han aqsok apkelane, eyeynmo m'a sekxók axta ekwokmoho apketsapa.