Jeremías 21:10 - Biblia Enxet

¹⁰ Hakte xénchek ko'o ewáxok wahak aqsok ekmaso s'e tegma apwányam nak, háwe m'a aqsok ektaqmela nak. Agkések sa' ko'o yaqwayam emok ma'a wesse' apwányam Babilonia, ewatnekxohok sa' nahan ma'a. Ko'o sekxeyenma xa, sektáha nak Wesse'.

Jeremías 21:10 Referans Kwoze

Jeremías 44:11

“Cháxa keñamak sektáha nak ko'o séláneya kéxegke, ko'o sektáha nak Wesse' ekha sekyennaqte, Dios apagkok nak Israel: Ekxénchek ko'o alhak kéxegke aqsok ekmaso, tén han amasséssók ekyókxoho apchókxa Judá.

Amós 9:4

kélnaqlákxeyk sa' agkok nahan ma'a megkatnahakxa apkelókxa apnaqleykekxa enxoho m'a apkelenmexma nak, wának sa' ko'o etekyawágwók ma'a. ¡Alanha sa' chá'a ko'o m'a, háwe eyke yaqwayam ataqmelchessesek apheykha aqsok ekmaso sa' waha'!”

Jeremías 44:27

Hakte alanha sa' ko'o, yaqwayam wahak ma'a aqsok ekmaso, háwe m'a aqsok ektaqmela nak. Apyókxoho énxet'ák Judá apheykha nak Egipto, kólmasséssók sa' apyókxoho eñama kempakhakma tén han meyk.

Ezequiel 15:7

Sélenmexma sa' ko'o atnehek xa énxet'ák nak. Elmallánek sa' ma'a xama táxa, keñe sa' ma'a mók táxa nak kalwatnek. Ekxénchek sa' agkok ko'o sektáha sélenmexma m'a, kólya'ásegwók sa' kéxegke sektáha ko'o Wesse'.

Jeremías 52:13

apwatneykxeyk axta tegma appagkanamap, keñe han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Jeremías 39:8

Apwatnékxeyk axta caldeos ma'a wesse' apwányam apxagkok, tén han ma'a tegma nak tegma apwányam, apkelyaqnegkásegkek axta han kélhaxtegkesso nak Jerusalén.

Jeremías 38:18

Sa' agkok egkeyásekpok xép ma'a, emok sa' caldeos tegma apwányam, keñe sa' ewatnekxa', mopwanchek sa' xép yegketakpok.’

Jeremías 38:3

Aptáhak Wesse' egegkok se'e: ‘Keso tegma apwányam nak, wesse' apwányam Babilonia sẽlpextétamo apagkok sa' emok. Méko sa' kanókasha.’”

Jeremías 34:2

“Éltamhók ko'o ey'ókxak xép Sedequías wesse' apwányam nak Judá etnehek yának se'e: Keso aptáhakxa exchek Wesse' egegkok se'e: wának sa' ko'o emok wesse' apwányam Babilonia s'e tegma apwányam nak, tén han ewatnekxoho'.

2 Crónicas 36:19

Apwatneykxeyk axta han ma'a Dios tegma appagkanamap apagkok, apkelyaqnegkásegkek axta m'a meteymog kélhaxtegkesso axta nepyáwa' m'a Jerusalén, apkelwatnéssek axta m'a apxanák apkeltaqmalma nak, apmasséssekmek axta ekyókxoho aqsok élmomnáwa ekhéyak axta m'a.

Jeremías 38:23

Axta aptáhak Jeremías apcháneya wesse' apwányam se'e: —Kólmések sa' caldeos ekyókxoho apnaqteyegka'a nak xép, wesse', ekweykekxoho m'a apketchek, megyegketek sa' xép xa énxet'ák nak, kólmések sa' wesse' apwányam Babilonia, kólwatnek sa' ma'a tegma apwányam.

Salmos 34:16

Elenmexekxak chá'a Wesse' egegkok ma'a élmasagcha'a nak apkeltémakxa, yaqwayam enxoho emasséssók chá'a apkelxénamap keso náxop.

Levítico 26:17

Alenmexekxak sa' ko'o kéxegke, emenxenek sa' kéxegke m'a kélenmexma nak; elmok sa' ma'a apkeltaqnagko nak chá'a, kólenyahagkok sa' aqsa, méko sa' eykhe kamenxenek.

Levítico 17:10

“Altaqnaweygkok sa' ko'o apyókxoho israelitas, essenhan ma'a apkeleñama nak mók apkelókxa, apheykha nak kélnepyeseksa kéxegke, aptéyak nak chá'a ápetek yetlo éma. Atekkesek sa' chá'a ko'o nepyeseksa m'a énxet'ák apagkok.

Zacarías 1:6

Cham'a sekpeywa tén han seyánamakxa axta chá'a etnahagkok, séltémo axta ko'o eltennasagkok ma'a séláneykha apkellegasso axta sekpeywa, apwagkassegkek axta apheykegkaxa m'a kélyapmeyk nano' axta kéxegke. Tén axta sey'eykekto ko'o m'a, apkelya'ásegweykmo m'a sekteméssessamakxa axta chá'a ko'o sektáha nak Wesse' ekha sekyennaqte eñama m'a apkeltémakxa tén han aqsok ekmaso apkeláneyak.’”

Jeremías 34:22

Wának sa' eyke ko'o elchexyók makham yenmexek se'e tegma apwányam nak tén han ektámenta', emok sa', keñe sa' ewatnekxoho'. Wának sa' ko'o etnekxak meyke xama aqsok ma'a nápakha nak tegma apkelyawe Judá, meyke xama énxet enxoho apha. Ko'o sekxeyenma xa, sektáha nak Wesse'.”

Jeremías 26:6

sa' atnéssesek ko'o sekteméssessamakxa axta Siló s'e tegma appagkanamap nak. Apkelxéneykha ekmaso sa' ko'o atnéssesek apyókxoho énxet'ák apheykha nak keso náxop, cháxa tegma apwányam nak.’”

Jeremías 17:27

Sa' agkok kéxegke kólyahákxohok ma'a séltémókxa nak kóltéhek, mehelpagkanchessesa enxoho m'a ekhem sábado, kélántaxnéssákxo enxoho chá'a kélseykha atña'ák nak Jerusalén xa ekhem nak, alwatnek sa' ko'o m'a atña'ák nak tegma apwányam, táxa sa' kamasséssók ma'a tegma apkelyawe nak ma'a Jerusalén, méko sa' nahan kawának kaspanchesek.’”

Jeremías 39:16

“Exeg, etne sa' yának Ébed-mélec etiope s'e: ‘Aptáhak Wesse' ekha apyennaqte, Dios apagkok nak Israel: Alának sa' ko'o séltennassama axta s'e tegma apwányam nak, yaqwayam kasók apheykha, háwe yaqwayam kataqmelek apheykha. Temék sa' agkok xa, etagkohok sa' xép.

Ezequiel 24:11

keñe sa' epekkenek nátex weygke meyke aqsok apwáxok, ekwokmoho ekyexwásekxoho agko' ma'a sawo ekyexwase nak tén han ekmópekxoho agko' ma'a ekmanyása nak apwáxok; ¡ekwokmoho sa' ekmassa m'a apyéw'ák nak!

Amós 2:5

Cháxa keñamak peya nak ko'o awatnek ma'a Judá, kamasséssók sa' tegma apkelyawe nak Jerusalén xa táxa nak.”

Jeremías 38:17

Keñe axta Jeremías aptáha apcháneya Sedequías se'e: —Aptáhak Wesse' ekha apyennaqte, Dios apagkok nak Israel se'e: ‘Apmeyásékpek sa' agkok xép ma'a sẽlpextétamo apkelwesse'e apagkok nak wesse' apwányam Babilonia, ewagkasakpok sa' xép teyp, yetlo apnámakkok, megkólwatnekxeyk sa' nahan se'e tegma apwányam nak.