Jeremías 20:6 - Biblia Enxet

⁶ Keñe sa' xép Pashur, kólyentemekxak sa' ma'a Babilonia, yetlo m'a ekyókxoho apnámakkok. Sa' yetsapwók ma'a, sa' kólátawanyegwók nahan xép ma'a, yetlo m'a apyókxoho apkelxegexma'a, cham'a apkellegassama axta chá'a exchep ma'a amya'a megkamámnaqsoho.’”

Jeremías 20:6 Referans Kwoze

Lamentaciones 2:14

Wanchek amya'a m'a aptémakxa nak chá'a apkeltennasso aqsok apkelwete m'a apkelánémap axta chá'a etnahagkok apkellegasso Dios appeywa. Meltennassók ekmasagko ektémakxa yaqwayam enxoho eyaqmagkassesek ma'a ektémakxa nak; apkeltennáseykha chá'a m'a aqsok apkelwete ekmowána amya'a nak, naqsók han chá'a teméssessók.

Ezequiel 22:28

Apkelpóssegkek chá'a aqsok ekmámnaqsoho m'a apkellegasso nak chá'a amya'a, máxa m'a énxet apmópessól'a nápakhaw'ék tegma; elxének chá'a elwetak ma'a aqsok, keñe ellegaksek chá'a m'a aqsok ekwetamaxkoho nak chá'a megkatnaha ekmámnaqsoho. Elxének chá'a ellegaksek ma'a sekpeywa, makke ko'o alpaqhetchessók chá'a m'a.

Jeremías 20:4

Hakte aptáhak Wesse' egegkok se'e: ‘Apkelmeneykha apxakkók sa' ko'o atnessásekxak xép, yeyk sa' nahan chá'a m'a apyókxoho apnámakkok nak; nápaqtók sa' xép elnáhakkasek apkelenmexma m'a apnámakkok nak. Almések sa' ko'o apyókxoho énxet'ák Judá m'a wesse' apwányam Babilonia, enaqlakxak sa' ma'a Babilonia essenhan elnápok.

Zacarías 13:3

Yetneyk sa' agkok chá'a xama énxet apmáheyo exének sekpeywa, sa' etnehek chá'a yának ektáha nak chá'a apyáp apagko' se'e: ‘¡Yetsapok sa' xép, hakte apmopwána amya'a chá'a etnehek xép exének ma'a Wesse' egegkok appeywa!’ ¡Apyáp apagko' sa' nahan chá'a elyetxák sawo yaqhek, eñama apheyásamákpoho m'a aptémakxa nak Dios appeywa aplegasso!

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Jeremías 29:32

Ekxénchek ko'o añássesagkohok ma'a Semaías, ko'o sektáha nak Wesse' ekweykekxoho m'a aptawán'ák neptámen. Metepagkek sa' aptawán'ák neptámen nepyeseksa énxet'ák ahagkok, métyehek sa' aqsok ektaqmela peya nak ko'o atnéssesek ma'a énxet'ák ahagkok, hakte appeywa chá'a keñamak apkeltémo ko'o hénmexekxak ma'a énxet'ák. Ko'o sekxeyenma xa, sektáha nak Wesse'.”

Jeremías 23:32

Ekxénchek ko'o alenmexek xa apkelxeyenma nak chá'a apkellegasso sekpeywa, apkelxeyenma nak chá'a apkelwanmagko ekmowána amya'a; apkeltémo nak chá'a elyetnakhássók énxet'ák ahagkok eñama apkelmopwancha'a amya'a, tén han apkelpaqméteykha naqsa. Malapháseykha ko'o, magkéssók han sekpeywa xama enxoho séltémókxa etnahagkok, mopwanchek epasmok énxet'ák ma'a. Ko'o sekxeyenma xa, sektáha nak Wesse'.

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Isaías 9:15

(Apqátek ekyetchesamaxkoho m'a apkelámha apmonye'e nak tén han ma'a kelwesse'e apkelwányam nak, keñe épakyek ekyetchesamaxkoho m'a apkellegasso nak chá'a amya'a, apkelxekmósso nak chá'a apnámakkok apmopwancha'a amya'a.)

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.

Levítico 26:17

Alenmexekxak sa' ko'o kéxegke, emenxenek sa' kéxegke m'a kélenmexma nak; elmok sa' ma'a apkeltaqnagko nak chá'a, kólenyahagkok sa' aqsa, méko sa' eykhe kamenxenek.

Jeremías 20:1

Xama axta apleg'a Pashur, apxéna Jeremías yaqwánxa katnehek, cham'a Pashur apteme axta apkelmaxnéssesso Dios énxet'ák apagkok, Imer axta apketche, apteme axta han apkelányo chá'a aqsok ma'a tegma appagkanamap,

Jeremías 14:13

Tén axta ko'o sektáha seyátegmowágko s'e: “Wesse'; apkeltennassegke neykhe apkellegasso nak xép appeywa megkatyephek kempakhakma m'a énxet'ák, tén han meyk segaqhe, tén han apkeltennassama exchep apmáheyo etaksek meyke ektáhakxa apheykha ekwenaqte s'e yókxexma nak.”

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.