Jeremías 2:9 - Biblia Enxet

⁹ “Cháxa keñamak sektáha nak ko'o sekpeywa s'e, sektáha nak Wesse': Alxénchásekxohok sa' ko'o kéltémakxa, kéxegke yetlo kéltawán'ák.

Jeremías 2:9 Referans Kwoze

Jeremías 2:35

Naqsók eykhe chá'a kéltéma kélpeywa kélyókxoho s'e: ‘Méko negko'o néltémakxa. Massék negko'o sẽltaqnaweygko m'a Dios.’ Alyekpelkohok sa' ko'o kaxwók kéxegke, hakte kélxeyenmeyk chá'a megkóllánéyak megkólya'assáxma.

Miqueas 6:2

Kéxegke egkexe, kóleyxho sa' se'e tén han xapop awhak: peyk elyekpelkohok kaxwók Wesse' egegkok énxet'ák apagkok, peyk eltennaksek aqsok élsexnenagko m'a énxet'ák Israel.

Éxodo 20:5

Nágyaháxe amonye'e xa, ná elpeykesho nahan, hakte ko'o sekteme Dios Wesse' apagkok, sekteme Dios apkelmeyeykha, sekyaqmagkáseykekxoho nak chá'a ko'o apkeltémakxa élmasagcha'a m'a apyapmeyk ektáha nak chá'a ko'o setaqnagko, tén han ma'a apketchek, tén han ma'a aptawán'ák ekweykekxoho m'a apketchek nak aptawán'ák.

Oseas 2:2

Aptáhak Wesse' egegkok se'e: “¡Kólxénchásekxoho sa' ektémakxa egken, hakte háwe ko'o kaxwók etáwa' m'a, háwe han kaxwók ko'o atáwa'! ¡Kalwataksek sa' ma'a ektémakxa nak ekwetamaxche' ekteme kelán'a ekyaqmagkáseyak pók énxet ektegye selyaqye! ¡Kalwataksek sa' eknegkenchesso yáxña'akxoho nam'agkok ma'a élásekhayókxa nak!

Jeremías 2:29

¿Yaqsa ektéma sélxéneykencha'a nak chá'a ko'o? Kélyókxoho élenmexeykekxak ko'o kéxegke. Ko'o sekxeyenma xa, sektáha nak Wesse'.

Isaías 43:26

Yetneyk sa' agkok yaqwayam hexének ko'o, ólmahagkok sa' ma'a sẽlyekpelchémókxa nak. Exének sa' ma'a aqsok apmáheyo exének kataxchek sa' kexa apteme meyke aptémakxa.

Isaías 3:13

Apkelánekxeyk aptáhakxa Wesse' egegkok yaqwayam elyekpelkoho', appenchessek aptáhakxa yaqwayam elyekpelchásseshok ma'a énxet'ák apagkok.

Levítico 20:5

wanmexek sa' ko'o, tén han ma'a apnámakkok nak, atekkesek sa' han nepyeseksa m'a énxet'ák apagkok, yetlo m'a apyókxoho ektáha nak chá'a apnaqtawásamákpoho xamo', apkelye'eykekxa m'a Moloc.

Salmos 50:4

Apkelwóneyha Dios néten, tén han xapop, apkeltamho katagkohok apmáheyo elyekpelchásseshok ma'a énxet'ák apagkok, cham'a aphamakxa nak netnók agko':

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Oseas 12:3

Axayók axta aptemessáseykekxak apepma Jacob ma'a sekxók axta apmáheyo etyamok, keñe axta aptéma apwányam, apkelnápomákpo han ma'a Dios.