Jeremías 2:37 - Biblia Enxet

³⁷ Kóltaqhohok sa' makham kéxegke kéleñama Egipto, yetlo ekyawe agko' kélmegqakto, hakte élyetnakhássek ko'o m'a kélásenneykekxo nak chá'a kéxegke, méko sa' kataksek kéxegke kélteme kélxegexma'a m'a.”

Jeremías 2:37 Referans Kwoze

2 Samuel 13:19

kexpaqha'ak axta apqátek táhap, kelyepteyk axta ektaxno apwenaqte ektaxneykekxa', kelekxagweygkokxeyk axta ámay ekpathetágkokxo apqátek.

Jeremías 17:5

Aptáhak Wesse' egegkok se'e: “Etaqnaweykpok sa' chá'a m'a ekyamasma nak chá'a ko'o apwáxok, apchásenneykekxa nak chá'a m'a énxetók xamo', apye'eykekxa nak chá'a eltamhok epasmok.

Jeremías 32:5

Éntemekxak sa' Nabucodonosor Sedequías ma'a Babilonia, yaqwánxa sa' exnamok ekwokmoho sekxéna ko'o yaqwánxa kólteméssesek. Kólnapaxchek sa' eykhe kéxegke m'a caldeos, megkólxók sa' eyke. Ko'o sekxeyenma xa, sektáha nak Wesse'.”

Jeremías 2:36

¿Yaqsa ektáha kélpekhésa nak kólyaqmagkasek pók kélxegexma'a? Elyexanchesha sa' eyke nahan kéxegke m'a énxet'ák Egipto, ektéma axta m'a énxet'ák Asiria.

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

Números 14:41

Keñe axta Moisés aptáha apkeláneya s'e: —¿Yaqsa ektáha megkólyahákxoho nak apkeltamhókxa kóltéhek Wesse' egegkok? ¡Megkatyepek sa' aqsok kéllane kéltáha enxoho xa!

Jeremías 14:3

Apkelápháseyha etegyagkok yegmen apkeláneykha m'a kelwesse'e; apkelmeyákxeyk chá'a m'a yámelchet, makke elwetágweykxak chá'a yegmen, apkelchexyekmek aqsa chá'a meyke yegmen ma'a yátegwáxwa apagkok; melya'ásegkok aptamhágkaxa, apkelaqlássek apqatkok yetlo ekyawe agko' apkelmegqakto.

Jeremías 14:4

Melya'ásegkok aptamhágkaxa m'a apkeltamheykha nak chá'a namyep, apkelaqlásegkek apqatkok, hakte megkammayék, yamáyók agko' ma'a xapop.

Jeremías 22:30

Aptáhak Wesse' egegkok se'e: “Kólteme sa' énxet meyke apketchek xa énxet nak, kólxén sa' apteme énxet megkatyapma aqsok apkelane neyseksa apha. Metepagkek sa' aptawán'ák neptámen yaqwayam etnahagkok kelwesse'e apkelwányam apyaqmagkasso m'a David, yaqwayam enxoho etnahagkokxak kelwesse'e apkelwányam ma'a Judá.”

2 Samuel 11:12

Keñe axta aptáha apcháneya David se'e: —Exa sa' aqsa sekxók makham sakhem se'e, saka sa' wáphaksek makham etaqhohok émpakháxchexa'. Cháxa ektáhakxa axta aphákxo Urías ma'a Jerusalén ekweykmoho mók ekhem.

Isaías 28:18

Kólmasséssók sa' ma'a kélhéssamo axta mók kélpaqhetchásamáxkoho m'a nétsapma, keñe sa' ma'a kélpaqhetchásamáxkoho axta m'a apkelmaheykegkaxa nak chá'a apkeletsapma, meyke ekyennaqte sa' katnehek. Kawak sa' ma'a aqsok ekmaso agko' nak, keñe sa' kéxegke megkólenmaxaxche'.

Jeremías 22:20

“¡Énxet'ák Judá, kólchenát sa' néten egkexe Líbano, tén sa' kólyennaqtések kélpeywa! ¡Kólpáxamha sa' ma'a ekpayho nak élámhakxa meteymog Basán! Kólwónches sa' ma'a ekpayho nak naw'ék egkexe Abarim, hakte apmenxenákpek ma'a appasmeykekxa axta kéxegke!

Lamentaciones 4:17

Kelyampayak egaqta'ák nélhaxanma, nélhaxanmeyk eyke aqsa, chaqhémok nélhaxanma hempasmok. Nélhaxanmeyk eykhe elwak énxet'ák megkalmopwána nak hempasmok.