Jeremías 19:4 - Biblia Enxet

⁴ Hakte eyamasmeyk ko'o israelitas, yókxexma negkenatchesso aptemessáseykekxak se'e xapop nak; apkelméssegkek chá'a aqsok ánek ekmátsa nak ekpaqneyam éten agkok mók aqsok kéláyókxa s'e kañe' nak, cham'a melya'áseykegko nak tén han melya'áseykegko axta m'a apyapmeyk nano', tén han ma'a kelwesse'e apkelwányam nak Judá, apkelnapmeyk énxet meyke nak apkeltémakxa s'e yókxexma nak.

Jeremías 19:4 Referans Kwoze

Jeremías 2:34

Apkeltexneymákpek kélnaqta éma apagkok ma'a énxet'ák meyke nak aqsok apagkok, tén han ma'a meyke nak apkeltémakxa, énxet'ák megkólweteya axta chá'a kéxegke elanagkok xama enxoho m'a aqsok ekmaso agko'.

Isaías 65:11

Keñe sa' kéxegke sélyamasma nak ko'o, sektáha nak Wesse', élwagqáméyak nak ma'a egkexe ekpagkanamaxchexa ahagkok, kélmésso nak chá'a kélto tén han vino m'a Gad tén han Mení, kéláyókxa kélxeyenma nak cha'a segmésso negmásewho,

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

Deuteronomio 28:20

“Yáphássesek sa' kéxegke Wesse' egegkok ekmaso nak negha, magya'áseyak nak nentáhakxa tén han ekyentaxnamo egwáxok ekyókxoho aqsok kéllanakxa enxoho chá'a, kaxwók sa' nahan emasséssók kélyókxoho, eñama kélyamasma, kéllánéyak ma'a kéltémakxa ekmaso.

Jeremías 7:9

Kélmenyexeykegkek chá'a, kélnapmeyk chá'a kélnámakkok, kélnaqtawáseykegkók chá'a kélnaqteyegka'a kéllánegweykmo chá'a mók kelán'a, kélméssegkek chá'a kélpeywa Wesse' egegkok kélmowána amya'a, kélméssegkek chá'a aqsok ánek ekmátsa nak ekpaqneyam ma'a Baal, kélpeykessamók chá'a aqsok kéláyókxa megkólya'ásegko nak kéxegke,

Jeremías 17:13

Wesse', xép apteme apkelhaxanma m'a Israel. Elmegqágwakxohok sa' apyókxoho m'a apyamasma nak xép. Elmassegwók sa' apyókxoho m'a apyetnakhasso nak xép, ektémól'a kélwesey kéltáxéssól'a yagkamex, eñama apyamasma exchep, apteme nak ekteyapmakxa yegmen ektaqmalma.

Jeremías 11:13

Xámok agko' aqsok apkeláyókxa m'a énxet'ák Judá, hawók ma'a tegma apkelyawe apagkok nak, keñe m'a énxet'ák apheykha nak Jerusalén, apxámassamók apagko' apkelánéyak ma'a apkelwatnamakxa aqsok yaqwayam elmések chá'a aqsok ánek ekmátsa nak ekpaqneyam éten agkok ma'a Baal, hawók ma'a ektémakxa nak ekxámokma ámay ma'a tegma apwányam.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 2:17

Temegkek kéxegke xa ektáha nak eñama sélyamasma ko'o, sektáha nak Dios Wesse' kélagkok, sekpékessáseyak nak chá'a ámay kélagkok.

Jeremías 2:13

“Apkeláneykegkek ánet melya'assáxma m'a énxet'ák ahagkok: eyamasmeyk ko'o, sektáha nak ekteyapmakxa yegmen ekyennaqtéssamo nak egnények, apkelánéyak apagko' aptamheykegkok ma'a apkelyátamakxa nak yegmen, yámelchet élyagqaxe megkeytno nak yegmen ma'a kañe'.

Isaías 59:7

wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Jeremías 26:23

apyentameykenteyk axta Urías apkeñama m'a Egipto, tén axta kélyentegkásekekxo m'a wesse' apwányam Joaquim, apkeltémók axta nahan ematñekxa', tén han kólyenyók aphápak ma'a máxek kélchexakhamakxa axta chá'a kélhapák.

Jeremías 26:15

Eyke kólya'asagkohok sa' se'e: élaqhak sa' agkok ko'o, kéxegke sa' kólsexnáneyxche', tén han apheykha nak se'e tegma apwányam nak eñama kélaqhe xama énxet meyke aptémakxa, hakte naqsók ko'o seyáphasso Wesse' egegkok apkeltémo apékesseshok séllegasso kéxegke s'e ekyókxoho aqsok nak.”

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Jeremías 18:15

Kelwagqámeykegkek eyke ko'o m'a énxet'ák ahagkok, apkelméssegkek chá'a aqsok ánek ekmátsa nak ekpaqneyam éten agkok ma'a aqsok kéláyókxa élmowancha'a amya'a nak. Apkelyetnakhágweykmek ma'a ámay apagkok nak, cham'a nanók ámay nak, apkelyetleykekxeyk ma'a ámay melya'áseykegkaxa nak.

Jeremías 16:11

Sa' etnehek yátegmowagkok xép se'e: ‘Aptáhak Wesse' egegkok se'e: temegkek kéxegke xa, eñama seyamasma ko'o m'a kélyapmeyk nano' axta kéxegke, apkelyetleykekxo m'a mók aqsok kéláyókxa, yaqwayam enxoho etnahagkok éláneykha tén han elpeykesho', keñe ko'o seyamasma, meláneykegkok ma'a séltémókxa axta etnahagkok sekmésso axta ko'o.

Jeremías 15:6

Eyamasmeyk xép, massegkek sélányo. Ko'o sekxeyenma xa, sektáha nak Wesse'. Cháxa keñamak séleklágweykmo nak séláneykha aqsa, ekya'ássek néten émek peya añássesagkoho', keñe sekmasséssekmo.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Jeremías 2:30

Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Deuteronomio 28:64

Yexpánchesha sa' Wesse' egegkok elya'aksek ma'a ekyókxoho apkelókxa apheykegkaxa nak chá'a pók aptémakxa énxet'ák, eyeynamo m'a xama nekha nak xapop ekweykekxoho m'a mók nekha xapop nak, sa' kólpeykeshok chá'a mók aqsok kéláyókxa nak chá'a m'a, cham'a aqsok kéláyókxa élánamáxche nak chá'a m'a yántéseksek tén han ma'a meteymog, megkólweteya nak kéxegke tén han melweteya axta m'a kélyapmeyk nanók axta.

Deuteronomio 28:36

“Yának sa' kólnaqlakxak kéxegke Wesse' egegkok yetlo wesse' apwányam kélagkok ma'a xama apchókxa megkólya'ásegkaxa nak kéxegke tén han melya'ásegko nak ma'a kélyapmeyk nak. Sa' kólpeykeshok chá'a mók kéláyókxa nak chá'a m'a, élánamáxche nak chá'a m'a yántéseksek tén han ma'a meteymog,

Deuteronomio 13:13

énxet, melyeheykekxa nak Dios, apkelyetnakhásseyam nak apnámakkok apheykha nak ma'a kañe' nak tegma apwányam, apkelyáteyeykegkoho nak yának elpeykeshok ma'a pók kéláyókxa melya'ásegko nak,

Deuteronomio 13:6

“Apyexákpók sa' agkok nahan yának elpeykeshok pók kéláyókxa méteya nak xép tén han melweteya axta m'a apyapmeyk nano', cham'a apyáxeg apagko' nak essenhan ma'a apketche apkenna nak, tén han ma'a kelwána nak, essenhan ma'a aptáwa' apchásekhayo nak, essenhan ma'a pók meyenyaweykha apagko' nak chá'a,

2 Reyes 23:10

Aptawáseyha axta han Josías ma'a kélwatnamakxa axta chá'a kélketche ekyetnama axta m'a ekyapwátegweykenxa nak xapop ma'a Ben-hinom, yaqwayam enxoho mewatnések chá'a apketche apkenna xama énxet essenhan kelwána yaqhássesek ma'a Moloc.

Jeremías 1:16

Keso apkellegeykegkoho peya nak ko'o allegássesagkohok ma'a énxet'ák melya'assáxma, seyamasma nak ko'o; apkelwatnéssama nak chá'a aqsok ekmátsa nak ekpaqneyam éten agkok ma'a aqsok kéláyókxa éleñama nak mók nekha', apkeláneyak apagko' nak chá'a tén han apkelpeykessamo.

Jeremías 7:6

megkólnaqtawásegkoho enxoho m'a apkeleñama nak mók nekha, tén han ma'a élyéheykha nak, tén han ma'a xentampe'e nak, tén han megkólnapa enxoho chá'a énxet'ák meyke nak apkeltémakxa s'e yókxexma nak, tén han megkólpeykásawo enxoho m'a mók aqsok kéláyókxa, yaqwayam enxoho kólsexnánéxkohok kélagko' kéxegke,

Jeremías 17:20

Etne sa' elának énxet'ák se'e: ‘Kelwesse'e apkelwányam, tén han énxet'ák kélheykha nak ekyókxoho kañe' Judá, tén han kélheykha nak ekyókxoho kañe' Jerusalén kélántaxnegweyktámho nak chá'a s'e atña'ák nak, kóleyxho Wesse' egegkok appeywa.

Jeremías 22:3

Kóllána chá'a ektaqmalma kéllánekxésso apheykha énxet'ák se'e yókxexma nak, tén han ekpayhawo nak chá'a kóltéhek, kólwagkas sa' chá'a teyp neyseksa apmáheyo enaqtawasagkohok ma'a apkelyennaqtésamakpoho nak chá'a, nágkólyennaqtésha chá'a kélyempe'ék kóllának ma'a apkeleñama mók nekha, tén han ma'a élyéheykha nak, tén han ma'a xentampe'e nak. Nágkólaqha chá'a énxet apkeñama mók nekha s'e yókxexma nak.

Jeremías 44:3

eñama m'a aqsok ekmaso apkeláneyak, hakte elókassegkek axta ko'o apkelpeykessamo m'a mók aqsok kéláyókxa nak tén han apkelméssama chá'a m'a aqsok ánek ekmátsa nak ekpaqneyam éten agkok; aqsok kéláyókxa melya'ásegko nak ma'a, tén han megkólya'ásegko nak kéxegke, tén han melya'áseykegko axta m'a kélyapmeyk nano'.

Ezequiel 7:22

Atyapok sa' ko'o s'e apkelókxa nak, wohok sa' aqsa kóltawasha m'a tegma appagkanamap ahagkok, apteme nak seyásekhayo ko'o. Elxegmak sa' ma'a énxet'ák élmasagcha'a agko' nak apkeltémakxa tén sa' etwasha.

Ezequiel 20:26

Eyhayók axta aqsa apnaqtawásamákpo, apkelseykekxéssama chá'a aqsok apmésso naqsa apagkok ma'a aqsok kéleykmássesso, tén han apkelnáhakkassama chá'a apketchek átnaha apketkók apkelwatnéssama. Axta ekteméssessók ko'o xa, yaqwayam enxoho kayáwhok agko' apkelaye tén han elya'asagkohok sektáha ko'o Wesse'.’

Daniel 11:31

“Etwasha sa' sẽlpextétamo apagkok ma'a tegma apyennaqte nak, emágwók sa' élánamáxche nak chá'a aqsok ektekyawa yókxoho ekhem, enegkenwók sa' aqsok élmasagcha'a agko' ma'a.

Jueces 5:8

“Yetneyk axta chá'a apkelyéseykha kaxwe aqsok apcháyókxa, neyseksa émpakhamaxche m'a nekha atña'ák nak tegma apwányam, méko axta eyke xama enxoho apmeykha apcháhakkásamap tén han sawhéwa nepyeseksa m'a cuarenta mil israelitas.

Salmos 106:38

Apkelnapmeyk axta m'a meyke nak éltémakxa, cham'a apketchek apkelennay'a nak, tén han kelwán'ák, apkelméssegkek axta chá'a m'a aqsok kéláyókxa nak Canaán. Kenyetséssegkek axta xapop ma'a éma agkok nak,

Ezequiel 8:11

Setenta apkelámha apmonye'e israelitas axta nahan apchaqnáha apkelpeykásawo xa kéleykmássesso nak, apheyk axta nahan nepyeseksa m'a Jaazanías, Safán apketche. Xama xama axta nahan chá'a apkelmeykha m'a egheykok ekwatnamáxkohol'a awáxok ma'a aqsok ekmátsa agko' la'a ekpaqneyam éten agkok, meyákxeyk axta néten ekpánma ekyentaxno agko' éten agkok ma'a aqsok ekmátsa nak ekpaqneyam.