Jeremías 18:22 - Biblia Enxet

²² Elpelakkasses yahak ma'a énxet'ák apkelmenyexmo nak; ¡kañexkohok sa' élpayheykha apatña'ák apkelaye! Hakte emétegkessegkek máxek apmáheyo hemok, epekkenchessegkek kelhanma sekpéwomókxa nak chá'a.

Jeremías 18:22 Referans Kwoze

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Salmos 140:5

Epekkenchessegkek ko'o kelhanma emonye' xa apkeleymákpoho nak; etegyéssessegkek yám'én emonye', tén han táma; epekkenchessegkek kelhanma m'a ekpayho nak ámay.

Sofonías 1:16

ekhem kélpáwassamakxa kélaqkahasso tén han kélpáxameykha kélchetámeyak ma'a tegma apkelyawe apkelyennaqte nak tén han ma'a tegma apkelwenaqte apagkok nak.

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Isaías 10:30

¡Kólpáxamha ekyennaqte kélheykha nak Bat-galim! ¡Kóleyxho kélheykha nak yókxexma Laisa! ¡Kólátegmowák, énxet'ák kélheykha nak Anatot!

Salmos 38:12

Kelhanma chá'a epekkenchessók emonye' m'a apmáheyo nak chá'a heyaqhek; hexének chá'a hemasséssók ma'a apmáheyo nak chá'a hetnéssessamhok exma ekmaso, yókxoho ekhem élxeyenma apkelwáxok hesexnenak ko'o.

Salmos 119:85

Emétegkessegkek ko'o máxek ámay ahagkok ma'a éleymáxkoho nak chá'a apkelpeywa, cham'a melyetleykekxa nak xép nélxekmowásamáxche apagkok.

Jeremías 5:26

Apyetneyk nepyeseksa énxet'ák ahagkok ma'a énxet'ák élmasagcha'a nak apkeltémakxa, apkelyexanmeykha nak chá'a, aptémól'a m'a aptegyéyak nátétkók, apnegkenma nak chá'a kelhanma yaqwayam elmok ma'a apnámakkok.

Jeremías 20:16

¡Exhok sa' tegma apkelyawe xa énxet nak apmassesseykmo axta Dios meyke néxa! ¡Eñak sa' chá'a axto'ók élpayheykha kélatña'ák kéllegeykegkoho ekmáske, keñe sa' yetseksók ekhem eñak chá'a sẽltennasso peya kampakhaxche',

Salmos 140:6

Ektáhak ko'o seyáneya Wesse' egegkok se'e: “Xép apteme Dios ahagkok; ¡yeyxho sekwóneykha séltémo hepasmok!

Salmos 142:4

Énmexawók axta ko'o m'a ekpayho nak sélya'assamakxa', méko axta sey'awa yaqwayam hepasmok. ¡Méko xama enxoho semasma! ¡Méko xama enxoho ekyetnakhassamo awáxok ko'o!