Jeremías 18:20 - Biblia Enxet

²⁰ ¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Jeremías 18:20 Referans Kwoze

Salmos 57:6

Epekkenchessegkek ko'o emonye' kelhanma m'a sélenmexma nak, yaqwayam enxoho heyelaqtések; emétegkessegkek máxek ámay ahagkok, appalleykekxók apagko' eyke m'a máxek apagkok nak.

Salmos 35:7

Meykexho sektémakxa epekkenchessók emonye' kelhanma; meykexho sektémakxa emétegkessók emonye' máxek, yaqwayam enxoho ko'o atyamok ma'a kañe'.

Salmos 106:23

Apxeyenmeyk axta eykhe Dios emasséssók; apnókáseykha axta eyke m'a Moisés, cham'a aptáha axta apkelyéseykha, apmasséssessegkek axta aplo m'a Dios, apmasma emasséssók.

Salmos 35:12

Ekmaso chá'a apyaqmagkáseykekxak sekteméssessamakxa ektaqmela, cháxa eyaqha agko' nak ko'o ewáxok xa;

Jeremías 18:22

Elpelakkasses yahak ma'a énxet'ák apkelmenyexmo nak; ¡kañexkohok sa' élpayheykha apatña'ák apkelaye! Hakte emétegkessegkek máxek apmáheyo hemok, epekkenchessegkek kelhanma sekpéwomókxa nak chá'a.

Eclesiastés 10:8

Énxet apmeta nak máxek, etyemekxohok chá'a apagko'. Énxet appáxqatma nak tegma kélhaxtegkesso, yéwa chá'a katakxek.

Proverbios 26:27

Énxet apmeta nak chá'a máxek, etyemekxohok apagko' chá'a kañe'; énxet apyeygéyak nak chá'a xama meteymog ekyaqye, kápekxohok agko' chá'a.

Salmos 119:95

Apkelhaxanmeyk ko'o kataqmelekxak seté m'a élmasagcha'a nak apkeltémakxa yaqwayam heyaqhek, makke ko'o ayenseykmok ekxéneykha ewáxok ma'a apchánamakxa nak antéhek.

Jeremías 14:20

Wesse', nélya'asegwákxók negko'o m'a néltémakxa ekmaso, tén han apkeltémakxa melya'assáxma axta m'a ẽlyapmeyk nano'; nenláneykegkek negko'o mólya'assáxma nenmexeykekxo exchep.

Jeremías 11:14

Jeremías, ná elmaxnésses aqsa xa énxet'ák nak; ná hey'ásegma aqsa ko'o apkelmaxnagko, náhewónmakha aqsa héltennaksek, hakte magweyxók sa' ko'o apkeltamho enxoho apasmok neyseksa aqsok ekmaso m'a.

Jeremías 7:16

“Jeremías, ná elmaxnésses aqsa s'e énxet'ák nak, náhelmaxna aqsa ko'o yának apasmok, náhewónmakha aqsa héltennaksek. Náhelenxánem aqsa, hakte magweyxók sa' ko'o exchep.

Proverbios 17:13

Megkamassegwomek sa' ekyetno apxagkok énxet aqsok ekmaso apyaqmagkáseykekxa nak chá'a aqsok ekmaso m'a kélteméssessamakxa ektaqmela.

Salmos 38:20

Ekmaso chá'a apyaqmagkáseykekxak sekteméssessamakxa ektaqmela; élenmexeykekxeyk chá'a ko'o eñama séltémo alának aqsok ektaqmela.

Salmos 7:15

Apmetmeyk máxek ekmattawóneg agko', etyemekxohok sa' eyke apagko' ma'a máxek apagkok nak.

Job 6:27

¡Kélwanchek kéxegke kóltawasagkohok ma'a apyéheykha nak, kawomhok kélyamasma ekha ekyánmaga m'a kélmók kélagko' nak!

1 Samuel 19:4

Appaqhetchessek axta Jonatán ma'a Saúl, ektaqmeleyncha'a appeywa apxéna m'a David. Axta aptáhak apcháneya: —Wesse', ná etnéssessamho aqsa exma ekmaso m'a David, hakte metnéssesseykmohok xép exma ekmaso m'a wesse', awanhek aqsa aptaqmelchesso;

Jeremías 5:26

Apyetneyk nepyeseksa énxet'ák ahagkok ma'a énxet'ák élmasagcha'a nak apkeltémakxa, apkelyexanmeykha nak chá'a, aptémól'a m'a aptegyéyak nátétkók, apnegkenma nak chá'a kelhanma yaqwayam elmok ma'a apnámakkok.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 18:19

¡Wesse', heyeyxho hana! ¡Yeyxho aptáhakxa nak apkelpeywa m'a sélenmexma!

Jeremías 27:18

Naqsók agkok aptamhéyak apkellegasso sekpeywa, tén han sélpaqhetchessama chá'a ko'o, tásek hélmaxnak chá'a ko'o, sekteme nak Wesse' ekha sekyennaqte, magwohok ko'o kólsakxak Babilonia m'a aqsok kélmeykegkaxa éleymomáxche nak ma'a tegma appagkanamap, tén han ma'a wesse' apwányam Judá apxagkok nak, tén han ma'a Jerusalén.’

Lamentaciones 3:59

Wesse', apweteyak xép megkapéwomo nak sélteméssessamakxa, ¡hélánekxés amya'a!

Jeremías 17:18

Yána' elmegqeyk ma'a sénmexeykha nak chá'a ko'o, ko'o eyke ná hetnésses; yána elyegweyk ma'a, ko'o eyke ná hégwakkas. Yána káhapwak ekmaso apheykha m'a, emasséssem ekmanyehe agko'.