Jeremías 18:19 - Biblia Enxet

¹⁹ ¡Wesse', heyeyxho hana! ¡Yeyxho aptáhakxa nak apkelpeywa m'a sélenmexma!

Jeremías 18:19 Referans Kwoze

Nehemías 6:9

Apkeltamhók axta hẽlyegwakkasek, ekxéna apwáxok hẽlháxexchássók mampenaksek ma'a néltamheykha, ekyánchessekmók axta eyke aqsa ko'o sekwasqapma sektamheykha.

Miqueas 7:8

Énxet'ák sélenmexma nak, nágkalpayhekxa kélwáxok kólwetak ekmaso sekha, ekyaqnenmeyk eykhe ko'o, wampekxak sa' eyke makham néten; ekhegkek eykhe ko'o ekyáqtésakxa exma, Wesse' egegkok akke sélsássesso chá'a exma.

Jeremías 20:12

Wesse' ekha nak Apyennaqte, apkelányo nak chá'a yetlo ekpéwomo agko', apwetayo nak chá'a kañók agko' apwáxok énxet, yoho ko'o alanha ektáhakxa apkellegassáseykegkoho xa énxet'ák nak, hakte ekméssegkek ko'o exchep ma'a setnamakxa nak.

Salmos 109:28

Eltamhok sa' eykhe chá'a hetnégwomhok exma ekmaso, méko katnehek, hakte etaqmelchessegkek chá'a exchep. Elmegqágwakxak sa' ma'a apyókxoho nak, keñe sa' ko'o sektáha nak xép apkeláneykha kapayhekxak ewáxok.

Salmos 109:4

Alásekhohok eykhe chá'a ko'o m'a, hektámenták aqsa chá'a; almaxnéssesagkok eyke chá'a ko'o.

2 Reyes 19:16

Wesse', etaqmelchesho sa' apháxenmo. Wesse' etaqmelchesho sa' apkelányo. Yeyxho sa' amya'a apkeltémo exchek ko'o héllegásseták ma'a Senaquerib, amya'a ekyókxoho énmexma nak xép, Dios memassegwayam.

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Lamentaciones 3:59

Wesse', apweteyak xép megkapéwomo nak sélteméssessamakxa, ¡hélánekxés amya'a!