Jeremías 17:10 - Biblia Enxet

¹⁰ Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Jeremías 17:10 Referans Kwoze

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”

Jeremías 11:20

Wesse' ekha nak apyennaqte, xép akke apteme segyekpelchémo appéwomo; apya'ásegkók xép ekweykmoho kañók agko' elchetámeykha apwáxok énxet. Yána ko'o alanha yaqwánxa etnéssesek apkellegassáseykegkoho xa énxet'ák nak, hakte ekméssek ko'o exchep ma'a setnamakxa nak.

Jeremías 32:19

Awanhók agko' xép ma'a aqsok ekxeyenma nak apwáxok elána', keltássók agko' ma'a aqsok apkelane nak. Apweteyak xép ekyókxoho aqsok apkeláneyak nak chá'a énxet'ák, egkések nahan chá'a xama xama m'a ekpayhawo nak chá'a egkések, ekhawo ektémakxa nak chá'a aqsok apkeláneyak.

Jeremías 20:12

Wesse' ekha nak Apyennaqte, apkelányo nak chá'a yetlo ekpéwomo agko', apwetayo nak chá'a kañók agko' apwáxok énxet, yoho ko'o alanha ektáhakxa apkellegassáseykegkoho xa énxet'ák nak, hakte ekméssegkek ko'o exchep ma'a setnamakxa nak.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Proverbios 17:3

Kólwatnohok chá'a kóllanok ektémakxa m'a sawo ekyátekto ekmomnáwa, tén han sawo ekmope nak; Wesse' egegkok akke negko'o apkelányo chá'a ektémakxa élchetámeykha egwáxok.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Salmos 7:9

Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!

1 Crónicas 29:17

Dios ahagkok, ekya'ásegkók ko'o apteme apkelányo chá'a egwáxok, tén han apchásekhayo m'a ekpéwomo nentémakxa. Cháxa keñamak sélmésa nak xép ekyókxoho s'e aqsok nak yetlo eyáxñeyo ewáxok. Payhékxeyk kaxwók ewáxok sekwet'a énxet'ák apagkok apchaqnákxo nak se'e, apkelmésa chá'a aqsok apkelmésso naqsa yetlo melmeyágweykekxa.

Miqueas 7:13

Meyke xama aqsok sa' katnekxak ma'a xapop nak, eñama apkeltémakxa m'a énxet'ák apheykha nak ma'a, ekyaqmageykekxa apkeltémakxa ekmaso.

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Eclesiastés 9:3

Ékeso étsagkassamo nak chá'a ekyókxoho aqsok ektémakxa nak chá'a keso náxop: kaxhok chá'a mók élhaxanma m'a apyókxoho nak. Keñe nahan élchetámeykha nak apwáxok énxet láneyók aqsok ekmaso; yetnegkek apwáxok aqsok ekyeyháxma neyseksa apha; keñe chá'a apwagkasa enxoho néxa apha, emhagkok chá'a élmaheykegkaxa nak eghagák.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Ezequiel 11:5

Apweywenteyk axta ko'o tekhéxet Wesse' egegkok espíritu apagkok, tén axta apkeltamho atnehek sekpeywa s'e: “Keso aptáhakxa exchek Wesse' egegkok se'e: ‘Cháxa ekxeyenma nak chá'a kélwáxok kéxegke kóltéhek xa, israelitas. Ekya'ásegkók ko'o ektémakxa élchetamso kélwáxok.

Ezequiel 14:5

“Alpaknegkessamhok sa' ko'o apkelwáxok apyókxoho israelitas ektáha nak seyamasma eñama apkelpeykessamo m'a kéleykmássesso apagkok nak.

Job 34:11

Eyaqmagkásekxohok eyke chá'a ektémakxa aqsok apkelane xama énxet ma'a; etnéssesek chá'a m'a ekpayhawo nak chá'a etnéssesek.

Salmos 7:10

Cha'a semasma ko'o m'a Dios apha nak néten, apwagkassamo nak chá'a teyp ma'a énxet apkelyeheykekxoho nak chá'a.

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Jeremías 23:2

Aptáhak Wesse' egegkok, Dios apagkok nak Israel apkeláneya keláneykha nepkések, apkeláneykha nak chá'a m'a énxet'ák apagkok: “Kélhayók kéxegke aptekyóma m'a nepkések seknaqtósso, kélmenxenme', megkólláneykha. Ataqmelchesagkohok sa' ko'o allegássesagkohok kéxegke, eñama ekmaso aqsok kélláneyak. Ko'o sekxeyenma xa, sektáha nak Wesse'.