Jeremías 16:21 - Biblia Enxet

²¹ “Cháxa keñamak peya nak ko'o axekmósek ma'a sekmowána, keñe sa' elya'ásegwók sekwesey ko'o Wesse'.

Jeremías 16:21 Referans Kwoze

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

Jeremías 33:2

“Ektáhak ko'o seyáneya exchep se'e, ko'o sektáha nak Wesse', sélane axta xapop, sekpekkenma axta ekyennaqte m'a ekyetnamakxa nak:

Salmos 83:18

¡Elya'asagkohok sa' xép apteme wánxa Wesse' egegkok, tén han apteme wánxa Dios Meyke Ekhémo ekyókxoho keso náxop!

Amós 5:8

Wesse' egegkok, apkelane nak ma'a élántépeyam tén han ma'a yaw'a apchaqneykekxa nak, cham'a aptemessáseykekxa han chá'a axta'a ekhem ma'a, keñe nahan ekhem aptemessáseykekxa chá'a axta'a ekyáqtéssóxma; cham'a apkelwóneykha nahan chá'a yegmen ma'a wátsam ekwányam nak, keñe eyegkenek chá'a keso náxop; cha'a apteme han apketsagkasso chá'a tegma apyennaqte nak ma'a, ekweykmoho m'a kélhaxtegkesso nak ekyennaqte nepyáwa'. Wesse' egegkok, cháxa apwesey xa.

Isaías 43:3

Hakte ko'o sekteme Wesse' apagkok, apwagkasso teyp, Dios Sektaqmalma nak ma'a Israel. Ekmomchek axta ko'o exchep; ekyánmagkassegkek axta ekyaqmageykekxa exchep ma'a Egipto, Etiopía tén han Sabá,

Éxodo 15:3

Wesse' egegkok apteme xama kempakhakma yáp apwányam apagko'. Wesse' egegkok apwesey xa.

Ezequiel 25:14

Axnéshok sa' ko'o mók setnéssessamakxa m'a énxet'ák Edom, énxet'ák ahagkok Israel sa' eyke wásenneykxa'; sa' etnéssesek Edom ma'a éltamhókxa enxoho etnéssesek ma'a seklo nak. Keñe sa' elya'ásegwók ektémakxa m'a sekhéssamo nak chá'a ko'o mók sélteméssesakxa. Ko'o sekxeyenma xa, sektáha nak Wesse'.

Ezequiel 24:27

Kamaskok sa' ekteme exchep meyke appeywa xa ekhem nak, apwanchek sa' elpaqhetchesakpohok ma'a ektáha nak apxegányam. Xeyep sa' etnehek apkelyekpelchássesseyam ma'a énxet'ák, keñe sa' elya'ásegwók ko'o sektáha Wesse'.’”

Ezequiel 24:24

Ezequiel sa' kóltéhek kéxegke apkeltennasso chá'a aqsok, kóllának sa' chá'a kéxegke m'a ekyókxoho apkelanakxa enxoho chá'a. Temék sa' agkok xa ektáha nak, kólya'ásegwók sa' ko'o sektáha Wesse'.

Ezequiel 6:7

Kélwet'ak sa' agkok apxámokma apagko' apkeletsapma énxet kélnepyeseksa kéxegke, kólya'ásegwók sa' sektáha ko'o Wesse'.

Éxodo 14:4

Eynaqtéssesek sa' eyke ko'o apwáxok ma'a faraón, wának sa' nahan emenxenek; tén sa' axekmósek ko'o ekwánxa sekmowána ekweykekxoho m'a apyókxoho sẽlpextétamo apagkok, tén sa' ma'a egipcios elya'ásegwók ko'o sektáha Wesse'.” Aptamhágkek axta nahan israelitas xa ektáha nak.

Éxodo 6:3

Ekxekmowásamáxkók axta ko'o Abraham, Isaac, tén han ma'a Jacob sekwesey Dios ekha sekyennaqte, axta eyke alya'assáseykegkohok ma'a ektémakxa sekwesey ahagko': WESSE'.