Jeremías 16:19 - Biblia Enxet

¹⁹ Wesse', segkésso nak sekyennaqte, tén han setaqmelchesso, semasma nak chá'a ekwa'a enxoho ekmaso sekha; xeyep sa' elyo'ótak pók aptémakxa énxet'ák apkeleñama m'a makhawók agko' nak xapop. Sa' etnehek chá'a yának se'e: “Wánxa axta aqsa apkelxaweykekxo ẽlyapmeyk nano' negko'o m'a aqsok kéláyókxa ekteme nak mékoho, tén han meyke nak ekmowána.

Jeremías 16:19 Referans Kwoze

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Nahúm 1:7

Tásek apwáxok ma'a Wesse' egegkok; negyepetchegweykekxexa m'a ekwa'a enxoho ekmaso negha: eltaqmelchesek chá'a m'a apteme nak melya'ásseyam.

Jeremías 17:17

Ná etne aqsa chá'a ko'o ségwakkasso exchep, hakte xép apteme sekyexánegweykekxexa ekwa'a enxoho chá'a ekmaso sekha.

Jeremías 10:5

Hawók náta kéleyssól'a m'a aqsok kéleykmássesso, kélchenegkessól'a m'a namyep kélcheneykekxexa nak yánsamáne, yawanchek kalpaqmétek kólpatmekxohok nahan chá'a m'a, hakte yawanchek kalxog. Nágkóle chá'a kéxegke m'a, yawanchek katnéssessamhok exma ekmaso xama énxet, yawanchek nahan kataqmelchesek.”

Jeremías 2:11

¿Yetneya xama apheykegkaxa énxet melya'áseyak nak Dios apyaqmagkasso mók ma'a aqsok apkeláyókxa? ¡Ekteme nak eykhe aqsok kéláyókxa élmowancha'a amya'a! Keñe ko'o seyamasma m'a énxet'ák ahagkok, sekteme nak seyeymáxkoho, apkelyetleykekxo m'a aqsok kéleykmássesso ekteme nak mékoho.

Isaías 44:10

Énxet apkelane nak chá'a kéleykmássesso yaqwayam elpeykesho', apteméssesso nak chá'a máxa dios, kaqhok chá'a elána'.

Salmos 86:9

Oh Wesse', xép apkelane apyókxoho pók aptémakxa énxet'ák, sa' han xép elyo'ótak yaqwayam elpeykeshok ma'a, tén han elteméssesek eyeymáxkoho apwesey.

Malaquías 1:11

Apyókxoho pók aptémakxa énxet'ák chá'a ko'o etnehek seyáyo, ekyókxoho yókxexma chá'a hélwatnések ma'a aqsok ánek ekmátsa nak ekpaqneyam éten agkok, tén han hélmések chá'a aqsok sélmésso naqsa ekpayhawo nak chá'a hélmések.

Zacarías 2:11

Temék sa' agkok xa, apxámok sa' pók aptémakxa énxet'ák elyo'ótak ma'a Wesse' egegkok. Sa' etnehek appeywa s'e: “Atnehek sa' nahan énxet'ák ahagkok xa énxet'ák nak. Keñe sa' axek chá'a ko'o kélnepyeseksa kéxegke.” Keñe sa' kólya'ásegwók kéxegke aptáha seyáphasso ko'o m'a Wesse' egegkok ekha nak apyennaqte.

Habacuc 3:19

Hakte Wesse' egegkok segkésso sekyennaqte; egkéssegkek ekyennaqte sekxega, ektémól'a xenaq, éntameykekxeyk ma'a egkexe yaqwánxa sa' awagkasaxchek teyp.

Ezequiel 11:16

Cháxa keñamak séltamho nak etnehek elának se'e: ‘Keso aptáhakxa exchek Wesse' egegkok se'e: Ko'o axta sélántekkesso tén han séxpánchesso nepyeseksa m'a pók aptémakxa nak chá'a énxet, tén han neyseksa m'a apkelókxa megkatnahakxa nak chá'a apkelókxa, yaqwatakxoho eyke. Ko'o sa' atnehek kaxwo' tegma appagkanamap apagkok ma'a apkelmahágkaxa enxoho chá'a apkelókxa.’

Isaías 49:6

“Mopwanchek xép etnehek séláneykha wánxa apkelánekxésso apheykha m'a Jacob énxet'ák apagkok tén han yaqwayam enaqlanták makham ma'a énxet'ák Israel apkeleymomap nak meletsapma; atnéssesek sa' nahan ko'o exchep élseyéxma apagkok ma'a apyókxoho pók aptémakxa énxet'ák, yaqwayam sa' eswok nélwagkásamáxche teyp ahagkok ma'a makhawók agko' nak keso náxop.”

Salmos 62:2

Wánxa apteme sewagkasso teyp ma'a, tén han setaqmelchesso. Meheltemessásekxeyk sa' kóneg, hakte cha'a apteme sekyexánegweykekxexa m'a.

Jeremías 3:23

Kaqhok negko'o ólmeyekxak chá'a m'a néten egkexe nak, essenhan ólpáxamágwakxak chá'a m'a néten meteymog élwenaqte nak; wánxa aqsa egwanchek negko'o agwetak nélwagkásamáxche teyp, negko'o nentáha nak énxet'ák Israel ma'a Dios Wesse' egegkok nak.

Isaías 62:2

Elwetak sa' kéltémakxa ekpéwomo m'a pók aptémakxa nak chá'a énxet'ák, elwetak sa' kéleymáxkoho m'a apyókxoho kelwesse'e apkelwányam nak. Keñe sa' kaxek axnagkok kélwesey; Wesse' egegkok apagko' sa' nahan etegyeksek kélwesey.

Isaías 32:2

Máxa sa' etnehek chá'a xama m'a negyexánegkesseykekxexal'a éxchahayam, segmasmal'a kawak ma'a éxchahayam ekyennaqte agko', máxa sa' etnahagkok ma'a ektémól'a yegmen atamnek ényél'a m'a neyseksa ekyamáyekxa nak xapop, máxa sa' etnahagkok ma'a ektémól'a meteymog ekyawe agko' pessesse agkok émha m'a meykexa nak énxet.

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Salmos 68:31

Egipto sa' eleñék apkelámha apmonye'e kélásenneykha; elya'ássesek sa' néten apmék Dios elmaxneyagkok ma'a énxet'ák Etiopía.

Salmos 62:7

Dios keñamak ko'o sekwayam teyp, tén han kélteme chá'a séláyo; cha'a apteme chá'a setaqmelchesso m'a, tén han sekyexánegweykekxexa'.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 46:1

Dios apteme negko'o segmasma, tén han segyennaqtésso, apteme han sempasmo ekwa'a enxoho ekmaso negha.

Salmos 27:5

Wa'ak sa' agkok ekhem ekmaso, hekpósek sa' Wesse' egegkok ma'a kañe' nak tegma appagkanamap apagkok, hexnések sa' hetaqmelchesek ma'a kóneg nak. ¡Hewagkasek sa' teyp hexnéssók ma'a netnók agko' nak meteymog!

Salmos 19:14

Oh Wesse', apteme nak sekyexanmo, tén han sewagkasso teyp, ema sa' yetlo ektaqmeleykha apwáxok sekpeywa tén han élchetámeykha ewáxok.

1 Reyes 20:23

Keñe axta aptáha apkelpaqmeta m'a sẽlpextétamo apkelwesse'e apagkok axta m'a wesse' apwányam Siria: —Neykhe aqsok apcháyókxa israelitas ma'a aqsok kéláyókxa ekhéyak nak néten meteymog élwenaqte; la'a maghawo nak. Nélnápexcheyk agkok ma'a ekpayhegweykenxa nak xapop mehenxoho'.

Isaías 44:20

Máxa apteykegko enxoho táhap xa. Apchahayók élyexancháseykencha'a m'a ektémakxa nak élchetámeykha apkelwáxok megkamámnaqsoho. Mopwanchek elwagkasakpok teyp xa énxet'ák nak. Mopwanchek elyekpelkohok apkelmeykencha'a m'a ektémakxa nak apkelmopwancha'a amya'a.

Isaías 45:14

Aptáhak apcháneya Wesse' egegkok Israel se'e: “Elyelqakpok sa' aqsa nápaqtók xép ma'a énxet'ák Egipto apkeltamheykha nak chá'a yókxexma, tén han ma'a énxet'ák ekha nak chá'a aqsok apkexeykekxa m'a Etiopía, tén han ma'a énxet'ák Sabá, cham'a énxet'ák apkelwenaqte nak, apkelásenneykha naqsa sa' etnehek; elxog sa' neptámen xép yetlo kélpextete cadenas, eltekxeyagkok sa' aptapnák xóp apmonye' exchep tén sa' etnehek yának se'e: ‘Naqsók apha kélnepyeseksa kéxegke Dios, méko pók, méko pók kéláyókxa.’”

Jeremías 2:8

Mehektamsók ko'o m'a apkelmaxnéssesso énxet'ák ahagkok, mehey'ásegkok ko'o m'a énxet'ák apkelxekmósso nak segánamakxa énxet'ák ahagkok, élmexeykekxeyk ko'o m'a apkelámha apmonye'e nak, keñe m'a apkellegasso nak sekpeywa, apkelxeyenma chá'a m'a Baal ekwesey, apkelyetleykekxeyk ma'a aqsok kéleykmássesso ekteme nak mékoho.

Jeremías 4:2

kélwanchek sa' hélmések kélpeywa yetlo kélxeyenma sekwesey, ekmámnaqsoho agko', tén han ektaqmalma tén han ekpéwomo. Sekwesey sa' chá'a elmaha elmaxnéssesek aqsok éltaqmalma apnámakkok ma'a pók aptémakxa énxet'ák, tén han ektaqmalma apkelxénamap.”

Jeremías 12:16

Naqsók eyke apkelxekmóssama énxet'ák ahagkok apteméssesso chá'a naqsók apkelmésso apkelpeywa m'a Baal, apwanchek eyke kaxwók exmakha nepyeseksa énxet'ák ahagkok, ektáha enxoho naqsók apmáheyo etnahagkok ma'a aptamheykegkaxa nak chá'a hélpeykeshok ma'a énxet'ák ahagkok, tén han etnehek chá'a apkelpeywa exének sekwesey ekmámnaqsoho s'e: ‘Memassegwomek sa' chá'a Wesse' egegkok.’

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Joel 3:16

Appaqmetchek ekyennaqte agko' Wesse' egegkok ma'a egkexe Sión, kextegyókek appeywa m'a Jerusalén, kelpexyennegkek néten tén han xapop. Wesse' egegkok akke apkelyexánegweykekxexa chá'a m'a ektáha nak énxet'ák apagkok, apkelmasma apyennaqte m'a énxet'ák Israel.

Amós 2:4

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Judá, megkatnehek sa' mallegassáseykegkoho; hakte aptaqnagkamchek ma'a nélxekmowásamáxche ahagkok, ko'o sektáha nak Wesse' apagkok, melyaheykekxak ma'a segánamakxa ahagkok nak, apkelpeykessamók aqsa chá'a m'a kéleykmássesso apkelpeykessamo axta chá'a m'a apyapmeyk nano'.

Salmos 18:3

Wesse' egegkok, payhawók xép kólpeykesho'; ekwóneyha agkok chá'a, hewagkasek chá'a teyp nepyeseksa sélenmexma.

Salmos 65:3

Ẽlmomchek negko'o m'a nentémakxa ekmaso, makke exchep eyaqmagkáseykekxak nentémakxa mólya'assáxma.

Jeremías 10:3

Aqsok mékoho agko' apkeltémakxa nak chá'a xa énxet'ák nak. Eyaqtennek chá'a yámet awhak ma'a naxma, eleykmássesha chá'a m'a énxet apmopwána nak eleykmássesha emha m'a xama aqsok apmeykencha'awól'a,

Jeremías 14:8

Xép, apkelhaxanma nak chá'a énxet'ák Israel, sẽlwagkasso nak chá'a teyp ekwa'a enxoho ekhem ekmaso negheykha, ¿yaqsa ektéma aptéma máxa apkeñama mók nekha s'e negyeseksa nak negko'o, aptémól'a m'a énxet apxegál'a, aphayam la'a sekxók yaqwayam etyenek axta'a?