Jeremías 14:16 - Biblia Enxet

¹⁶ Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 14:16 Referans Kwoze

Jeremías 7:33

Máma sa' etnehek aptéyak aphopák xa énxet'ák nak, tén han ma'a aqsok nawha'ák éllo, méko sa' kamenxenchesek.

Proverbios 1:31

¡Kápekxak sa' xa ektémakxa nak chá'a aqsok ekmaso kélláneyák! ¡Kalleklágwók sa' ektémakxa nak ekmaso kéltémakxa'!

Jeremías 18:21

¡Yána kaxwók eletsapok apketchek meyk élnapma, essenhan sókwenaqte kélyetxaqxo; tampe sa' katnahagkok ma'a apnaqteyegka'a nak, tén han meyke étchek! ¡Yána kalnápok negmasse m'a apkelennay'a nak énxet'ák apagkok, keñe sa' wokma'ák eletsapok kempakhakma!

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Jeremías 9:22

Hágkek aphopák náxop ma'a énxet'ák, máxa m'a weyke ekteyáseykha ekhéyak la'a yókxexma, máxa m'a hótáhap apyexna appalleykhal'a neptámen ma'a énxet apkelyaqtónma nak, méko nahan élmákxo.” Wesse' egegkok apxeyenma xa.

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Jeremías 4:18

“Aptémakxa tén han aqsok ekmaso apkelane keñamak ektáha exchep xa; aptémakxa ekmaso meyásak xa ekmáske nak, tén han eklegassásegkoho apwáxok.”

Isaías 9:16

Apkelyetnakhásseykmek énxet'ák se'e apkelámha apmonye'e nak, keñe m'a aptegyéyak nak chá'a ekpékessáseyak apkelxegáneykmo chá'a.

Isaías 51:20

Apkelyelqákpek ma'a étchek, máxa aptamhágkok ma'a popyet kelhanma ekmál'a, aphágkek ma'a ekyókxoho ámay awáxok, eñama ellegassáseykegkoho m'a Wesse' egegkok aplo, eñama appékessáseykekxa aqsok melaqhémo m'a Dios agkok nak.

Jeremías 8:1

Aptáhak Wesse' egegkok se'e: “Cháxa ekhem nak, kólhaxyawássekxak sa' takhaxpop apexchakkok axta m'a apkelwesse'e apkelwányam, tén han ma'a apkelámha apmonye'e axta m'a Judá, tén han ma'a apkelmaxnéssesso axta énxet'ák ahagkok, tén han ma'a apkellegasso axta sekpeywa, tén han ma'a apheykencha'a axta m'a Jerusalén,

Jeremías 8:2

kólnegkenek sa' aqsa neyseksa mayáhat, tén han aptaqmelakxa pelten, tén han neyseksa apkelápogwátéyak ma'a apyókxoho yaw'a, apkelmopmenyého apagko' axta chá'a m'a, apkelánéssama axta chá'a aqsok, tén han apkelyetleykencha'a axta chá'a, apkelpaqhetchásamákpoho axta chá'a, tén han apkelpeykessamo axta chá'a. Méko sa' kalmekxak yaqwayam kalátawanyek. Kaxnagkokxak sa' aqsa náxop, ektémól'a weyke ekteyáseykha.

Jeremías 27:15

Apxeyenmeyk Wesse' egegkok melápháseykencha'a m'a; apkelmopwancha'a amya'a aptamheykegkok apkelxeyenma m'a Wesse' egegkok appeywa. Yexpánchesek sa' kéxegke m'a Wesse' egegkok, keñe sa' kéxegke tén han apkelxeyenma nak chá'a apkellegasso Dios appeywa, kélxeyenma nak chá'a xa aqsok nak, kóletsapok sa'.”

Ezequiel 39:14

Elánékpok sa' nahan elweynchamha nápakha énxet tén han elanok apchókxa xa natámen nak siete pelten, tén han elátawanyek makham ma'a apkeleymomap nak aphéyak náxop megkólátawañe, yaqwayam enxoho yáxñásekxoho'.

Amós 7:17

Keso aptáhakxa nak appeywa Wesse' egegkok se'e: ‘Kelán'a ekyaqmagkáseyak pók énxet ektegye selyaqye sa' katnehek aptáwa' exchep ma'a nepyeseksa nak tegma apwányam, keñe sa' apketchek apkelennay'a tén han kelwán'ák, kólyetxeygkok chá'a sawo kólnápok; xama aqsok sa' katwasaxchek kólexpánchesek ma'a xapop apagkok, yetsapok sa' xépxa m'a xapop apagkok nak énxet'ák melya'áseyak nak Dios, keñe sa' israelitas elmakpok, kólnaqlók makhawók agko' ma'a apchókxa.’

Jeremías 9:20

Kelán'ák, kóleyxho Wesse' egegkok appeywa, kóltaqmelchesho kélháxenmo aptáhakxa nak appeywa. Kóltames éllekxagweykha kélketchek, tén han kélxegexma'a yaqwayam katnehek kallekxagwaha s'e:

Jeremías 20:6

Keñe sa' xép Pashur, kólyentemekxak sa' ma'a Babilonia, yetlo m'a ekyókxoho apnámakkok. Sa' yetsapwók ma'a, sa' kólátawanyegwók nahan xép ma'a, yetlo m'a apyókxoho apkelxegexma'a, cham'a apkellegassama axta chá'a exchep ma'a amya'a megkamámnaqsoho.’”