Jeremías 14:14 - Biblia Enxet

¹⁴ Tén axta Wesse' egegkok aptáha seyátegmowágkokxo s'e: “Aptemék agkok chá'a apkelxeyenma sekpeywa apkellegasso nak chá'a sekpeywa xa ektáha nak, apkelmopwancha'a amya'a. Malapháseykha ko'o m'a, magkéssók nahan sekpeywa xama enxoho, malpaqhetchessók nahan. Háwe naqsók ma'a aqsok apkelwete, mékoho agko' ma'a apkelya'áseykegkoho nak ektémakxa aqsok ekpowásamaxche', élchetámeykha agko' apkelwáxok keñamak. Cháxa apkeltémakxa nak chá'a apkellegassama kéxegke xa énxet'ák nak.

Jeremías 14:14 Referans Kwoze

Ezequiel 12:24

Magwetekxók sa' chá'a kaxwók nepyeseksa israelitas ma'a aqsok sẽlxekmóssamo megkamámnaqsoho nak tén han ma'a ekxénamaxche nak yaqwánxa katnehek egmonye' ekmowána amya'a nak,

Jeremías 29:31

“Eltennés sa' apyókxoho énxet'ák kélnaqleykekxa axta megkatnahakxa apkelókxa, sektáha ko'o sélxéna, sektáha nak Wesse': Apxeyenmeyk chá'a aplegassama kéxegke sekpeywa m'a Semaías apkeñama nak Nehelam, megkatnahakxoho eykhe ko'o seyáphasso, apkeltémók nahan chá'a kéxegke megkólya'ássók ma'a aqsok megkamámnaqsoho nak.

Lamentaciones 2:14

Wanchek amya'a m'a aptémakxa nak chá'a apkeltennasso aqsok apkelwete m'a apkelánémap axta chá'a etnahagkok apkellegasso Dios appeywa. Meltennassók ekmasagko ektémakxa yaqwayam enxoho eyaqmagkassesek ma'a ektémakxa nak; apkeltennáseykha chá'a m'a aqsok apkelwete ekmowána amya'a nak, naqsók han chá'a teméssessók.

Miqueas 3:11

Elmok chá'a takha' elxawagkok selyaqye m'a énxet'ák segyekpelchémo nak tegma apwányam, selyaqye aqsa chá'a eltamhok elxawagkok ekyánmaga apkelxekmósso apnámakkok ma'a apkelmaxnéssesso nak Dios énxet'ák apagkok, keñe m'a apkellegasso nak chá'a Dios appeywa, elmok chá'a ekyánmaga apkeltenneykha elxénmakha appasmo m'a Wesse' egegkok, etnehek chá'a apkelpeywa s'e: “Apheyk negyeseksa negko'o Wesse' egegkok; méko xama aqsok ekmaso awanchek hegáhapwak negko'o.”

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Ezequiel 21:29

Háwe naqsók ma'a aqsok kélwete nak chá'a, wanchek nahan amya'a m'a kélxeyenma nak chá'a yaqwánxa katnehek. Kalyaqtennagkok sa' apyespa'ák sókwenaqte xa énxet'ák tekyawa yapmeyk élmasagcha'a nak apkeltémakxa. Wokmek kaxwók néxa kéllegassáseykegkoho.

Zacarías 13:3

Yetneyk sa' agkok chá'a xama énxet apmáheyo exének sekpeywa, sa' etnehek chá'a yának ektáha nak chá'a apyáp apagko' se'e: ‘¡Yetsapok sa' xép, hakte apmopwána amya'a chá'a etnehek xép exének ma'a Wesse' egegkok appeywa!’ ¡Apyáp apagko' sa' nahan chá'a elyetxák sawo yaqhek, eñama apheyásamákpoho m'a aptémakxa nak Dios appeywa aplegasso!

Zacarías 10:2

Aqsok kéláyókxa élpeywa ekteme ekmowána amya'a, wanchek nahan chá'a amya'a apkelxeyenma nak chá'a apkelwete aqsok ma'a énxet'ák ekha nak apmopwancha'a. Mékoho agko' ma'a apkelxeyenma nak chá'a aqsok apkelwete apkelwanmagko, mehentaqmelchessásekxeyk egwáxok ma'a apkelpeywa. Cháxa keñamak apkelweynchámeykencha'a nak aqsa m'a énxet'ák, aptémól'a m'a nepkések, apkellegeykegkohol'a meyke xama m'a ektáha nak apkeltaqmelchesso.

Ezequiel 13:23

Kamassegwók sa' kéxegke m'a ektémakxa nak megkamámnaqsoho aqsok kélwete tén han ma'a kélxeyenma nak chá'a kélmowána amya'a yaqwánxa katnehek ma'a egmonye'. Alwagkasek sa' ko'o teyp énxet'ák ahagkok neyseksa kélmà kéxegke, keñe sa' kólya'ásegwók, ko'o sektáha Wesse'.’”

Jeremías 37:19

¿Háxko apkelmahágkaxa m'a Dios appeywa apkellegasso apkelxeyenma axta chá'a mektámegmék kéxegke m'a wesse' apwányam Babilonia, tén han se'e negókxa nak?

Jeremías 29:21

“Aptáhak apxéna Wesse' ekha nak apyennaqte, Dios apagkok nak Israel ma'a Ahab, Colaías axta apketche, tén han ma'a Sedequías, Maaseías axta apketche, apkeltennassama nak chá'a kéxegke aqsok megkamámnaqsoho, apxeyenma m'a Wesse' egegkok appeywa: ‘Wának sa' ko'o elmok ma'a Nabucodonosor, wesse' apwányam nak Babilonia, elnápok sa' kélnápaqta'awók kéxegke.

Jeremías 28:15

Tén axta Jeremías aptáha apcháneya Hananías se'e: —¡Hananías, yeyxho sa' se'e! Megyápháseykha exchep Wesse' egegkok, amya'a megkamámnaqsoho chá'a exchep apkeltémók melya'ássók xa énxet'ák nak.

Jeremías 28:13

“Ey'ókxa sa' Hananías, eltennaksek sa' sektáha ko'o sekpeywa s'e, sektáha nak Wesse': Apkelekkexákxeyk axta exchep yámet, élánéssek eyke ko'o exchep xama sawo ekyentaxno.

Isaías 9:15

(Apqátek ekyetchesamaxkoho m'a apkelámha apmonye'e nak tén han ma'a kelwesse'e apkelwányam nak, keñe épakyek ekyetchesamaxkoho m'a apkellegasso nak chá'a amya'a, apkelxekmósso nak chá'a apnámakkok apmopwancha'a amya'a.)

Deuteronomio 18:20

Keñe sa' ma'a aplegasso nak chá'a sekpeywa, apxeyenma nak chá'a apseykha sekwesey, apxeyenma nak chá'a m'a aqsok megkatnaha nak chá'a ko'o séltémo exének, essenhan apxeyenma nak chá'a m'a mók kéláyókxa nak, yáneykpok sa' ematñekxa'.’

Isaías 56:10

meyke apaqta'ák tamhágkok ma'a apkeltaqmelchesso nak chá'a énxet'ák ahagkok, massék apkelya'ásegko aqsok. Apyókxoho aptamhéyak semheg meyke élpáwá m'a, megkamowánal'a kalpáwa'; exnagkok aqsa, elyenmaha aqsa; atsek emáwhok enaqtének.

Jeremías 8:11

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 20:6

Keñe sa' xép Pashur, kólyentemekxak sa' ma'a Babilonia, yetlo m'a ekyókxoho apnámakkok. Sa' yetsapwók ma'a, sa' kólátawanyegwók nahan xép ma'a, yetlo m'a apyókxoho apkelxegexma'a, cham'a apkellegassama axta chá'a exchep ma'a amya'a megkamámnaqsoho.’”

Jeremías 28:11

axta aptáhak nahan appaqmeta nápaqta'awók apyókxoho énxet'ák se'e: —Aptáhak Wesse' egegkok se'e: ‘Cháxa sektáhakxa nak, alekkesek sa' ko'o aqsok ekyentaxno apyespa'ák ma'a apyókxoho énxet'ák, apkelchexenchesso nak ma'a wesse' apwányam Nabucodonosor apkeñama nak Babilonia ekwokmo sa' apqánet apyeyam, alekkexchesek sa'. Tén axta apxega m'a Jeremías.

Lamentaciones 2:9

Meyke atña'ák táhak ma'a tegma apyawe méko han ma'a kélápeykekxexa nak chá'a: ¡náxop kélchexeyk kélekkexákxo! Kélchexakhagwokmek nepyeseksa énxet'ák melya'áseyak nak Dios ma'a wesse' apwányam tén han ma'a kelwesse'e apagkok; massegwokmek kaxwók ma'a Dios segánamakxa apagkok. ¡Massegwokmek nahan apxekmóssamo chá'a aqsok Wesse' egegkok ma'a apkellegasso nak appeywa, yaqwayam enxoho ellegaksek énxet'ák!

Jeremías 8:10

Cháxa keñamak peya nak ko'o almések pók énxet ma'a apnaqteyegka'a nak, tén han pók énxet yaqwayam etnehek apagkok ma'a xapop apagkok nak. Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Ezequiel 13:2

“Eltennés sa' ko'o sektáhakxa sélxeyenma m'a apkelxeyenma nak chá'a apkellegasso sekpeywa, apheykha nak ma'a Israel, cham'a apkelxeyenma nak chá'a apkellegasso sekpeywa, apkelxeyenma nak chá'a m'a ektémakxa élchetamso agko' apkelwáxok. Etne sa' elának se'e: ‘Kóleyxho Wesse' egegkok appeywa: