Jeremías 13:21 - Biblia Enxet

²¹ “Jerusalén, ¿háxko sa' katnehek, aptáha sa' wesse' agkok ma'a énxet élxekmósso agko' axta exche'? Kañegkohok sa', ektémól'a kelán'a kamáwhok katnehek naqláwa.

Jeremías 13:21 Referans Kwoze

Isaías 13:8

elyegwáwhok apagko' sa'. Káhapwak sa' ekyawe agko' apkelyegwakto tén han apkellegeykegkoho ekmáske, máxa sa' etnahagkok elpexyawha m'a ektémól'a kelán'a káskok awáxok kamáwhok katnehek naqláwa. Égweyk sa' aqsa chá'a elanok ma'a pók, kalyexwásekxak sa' nápaqta'a apkelmegqakto.

Jeremías 4:31

Ekleg'ak ko'o ekpayheykha kélátog kéllegeykegkoho ekmáske, ektémól'a xama kelán'a kaxwe ekmáheyól'a kótak étche kategkesek apkemha apmonye' étche; Sión ekpayheykha átog ma'a, élya'asa nak néten amék, ektáha ekpaqmeta s'e: ¡Ko'o laye! ¡Peyk heyaqhek ma'a tekyawa yapmeyk nak!”

Jeremías 38:22

kólántekkesek sa' ekyókxoho kelán'ák éleymomáxche nak makham ma'a wesse' apwányam Judá apxagkok, kólmésagkok sa' ma'a sẽlpextétamo apkelwesse'e apagkok nak wesse' apwányam Babilonia, sa' katnehek kalpaqmétek se'e: ‘Apkelyexancháseykha apkelxegexma apagko' nak ma'a wesse' apwányam, mékoho aptemessáseykekxa'; aptaxnéssegkek yelpa', keñe apyamasma aqsa.’

Jeremías 5:31

Wanchek amya'a m'a apkelxeyenma nak chá'a Dios appeywa apkellegasso; etnahagkok nahan chá'a apmakókxa enxoho etnahagkok apkeláneykha apchókxa m'a apkelmaxnéssesso nak Dios énxet'ák apagkok, ¡kalkohok nahan apkelwáxok énxet'ák ahagkok katnehek xa ektáha nak! ¿háxko sa' eyke kéxegke kóltéhek ekwokmo sa' néxa ekhem?’”

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Ezequiel 28:9

¿Melwátéssemeya sa' apkeltemessásamap aphémo xama aqsok kéláyókxa ekha nak ekmowána, apkenmeyncha'a sa' apmonye'e m'a apmáheyo nak yaqhek? ¡Énxet apagko' sa' etnehek ma'a yaqwayam nak yaqhek, cham'a apma nak xép!

Jeremías 48:41

Emok sa' apkelenmexma m'a tegma apkelyawe nak, tén han ma'a tegma apkelyennaqte nak. Elpexyennók sa' kempakhakma yapmeyk Moab xa ekhem nak, máxa sa' etnahagkok ma'a kelán'a ekmáheyól'a katnehek naqláwa.

Jeremías 30:6

Kóltegyaha hana sa' amya'a, apwanchek kexaha etnehek apnaqláwa xama énxet apkenna'. ¿Yaqsa eyke ektáha sekwet'a nak ko'o apkelyettelegweyncha'a m'a énxet'ák, máxa aptamhágkok ma'a ekmáheyól'a etnahagkok apnaqláw'ák? ¿Yaqsa ektáha élmópeykxo nak nápaqta'a m'a apyókxoho nak?

Jeremías 22:23

Tásek eyke kaxwók kéxegke kélheykha neyseksa yenta'a, neyseksa m'a yámet cedro éleñama nak kélseykenta m'a Líbano, ¡kóllegagkohok sa' eyke, ekwa'a sa' kéllegeykegkoho ekmáske, kóllegagkohok sa' ekmáske ektémól'a kelán'a katnehek naqláwa!”

Jeremías 6:24

Aptáhak apkelpaqmeta énxet'ák Jerusalén se'e: “Nenleg'ak negko'o amya'a, ẽlyélaqtéssek han negaye; néllegagkók élyentaxno egwáxok tén han ekmáske, máxa m'a kelán'a ekmáheyól'a katnehek naqláwa.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

2 Reyes 16:7

Keñe axta Ahaz apkeláphasa apseykha amya'a m'a aphakxa nak Tiglat-piléser, wesse' apwányam nak Asiria, yaqwayam etnehek yának se'e: “Máxa apketche apagko' ko'o exchep, sektáha nak apkeláneykha. Exegma sa', hewagkas teyp neyseksa apmáheyo hemok wesse' apwányam Siria, tén han wesse' apwányam Israel, sektamakmo nak ko'o.”

Jeremías 2:25

“¡Énxet'ák Israel, nágkólnaqtawasha kélmagkok kólnaqtémha meyke kélatchesso kélmagkok, nágkólho kalyameyk kélyespa'ák! Keñe axta kéltéma makham se'e: ‘Ma', mogwanche'; nélásekhayók negko'o m'a apkeleñama nak mók nekha, ólyetlakxak sa' negko'o m'a.’

Jeremías 4:30

Tegma apwányam, aptamhákxo nak nápakha'a apketkók, ¿yaqsa ektáha aptaxnékxo nak apáwa hómáyok? ¿yaqsa ektáha apwakhésakpo nak aqsok étkók éltaqmalma sawo ekyátekto élmomnáwa? ¿yaqsa ektáha apkelpeysegkesa nak apaqta'ák? Kaqhok etaqmelchesakpok elnáxamha, aptaqnawágwokmek kaxwók xép ma'a apkelásekhayókxa nak, peyk yaqhek kaxwo'.