Jeremías 12:5 - Biblia Enxet

⁵ “Apkennegkek agkok xép apkenye apkelyetlo m'a énxet'ák apkenyehéyak nak náxop, ¿háxko katnehek elteyasakpok ma'a énxet'ák apketchesso nak yátnáxeg? Tásek xép apha m'a xapop meykexa nak ektemegweykmohóxma, ¿háxko sa' eyke etnehek ma'a neyseksa ekmompánaqma nak ma'a Jordán?

Jeremías 12:5 Referans Kwoze

Proverbios 24:10

Kélyelqáxchek agkok kélwet'a enxoho ekmaso kélha, cháxa kélyelqáxkoho xa.

Jeremías 50:44

“Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Babilonia m'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 49:19

Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Edom ma'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Proverbios 3:11

Hatte, ná etaqheksoho m'a ektémakxa nak Wesse' egegkok appékessáseyak, ná enathoho han ma'a appaqhetchesa enxoho;

Jeremías 36:26

apkeltamhók axta aqsa emok yaqxegkesek kañe' negmomaxchexa Jeremías yetlo Baruc aptáxéssesso axta chá'a weykcha'áhak ma'a apketche Jerahmeel, tén han Seraías, Azriel axta apketche tén han ma'a Selemías, Abdeel axta apketche. Apkelpóssek axta eyke m'a Wesse' egegkok.

Jeremías 26:8

Xama axta appenchesa apxeyenma m'a apkeltémo axta exének ma'a Wesse' egegkok, yetlókok axta apma m'a énxet'ák, tén han apkelmaxnéssesso Dios énxet'ák apagkok, tén han ma'a Dios appeywa apkellegasso nak. Aptáhak axta apcháneya s'e: “¡Yetsapok sa' xép!

1 Crónicas 12:15

Cháxa ektáha axta apkeltámeyeykekxa wátsam Jordán ma'a ekhem élyapweykxal'a yenta'a, cham'a ekyáya axta yegmen, ekteyapma axta nekhaw'ék ma'a wátsam nak, apmenxenweykmek axta han apyókxoho énxet'ák apheykha axta m'a ekyapwátegweykenxa axta xapop, ekpayho nak ekteyapmakxa ekhem, tén han ma'a taxnegwánxa ekhem.

Jeremías 11:21

Keñe m'a énxet'ák Anatot, apmáheyo nak chá'a heyaqhek, apkeltémo nak chá'a maxének ma'a Wesse' egegkok apwesey, maltamho enxoho heyaqhek,