Jeremías 12:13 - Biblia Enxet

¹³ Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 12:13 Referans Kwoze

Hageo 1:6

Xámok kéxegke kélcheneykekxa aqsok, ántawók eyke kélnakxo ekyexna; kélteykegkek eykhe kéltéyak, makke kólyaqkáneykmok; kélyeneykegkek eykhe vino, makke kamassék élnapma ekhem; kélántaxneykekxeyk eykhe kélántaxno apkelyentaxno, makke kalmexanmak kélyempe'ék; keñe m'a énxet kélyánmagkasso nak chá'a apkeltamheykha xama ekhem, megkawakxók chá'a ekyánmaga aptamheykha m'a aqsok élmomnáwa.

Miqueas 6:15

Eknekxak sa' eykhe chá'a aqsok aktek, menakxek sa' eyke chá'a ekyexna; elyaqhápok sa' eykhe olivo ekyexna, memha sa' eyke m'a pexmok agkok; elteyammok sa' eykhe m'a anmen yámet ekyexna, ménhek sa' eyke m'a égmenek nak.

Deuteronomio 28:38

Kólchenekxak sa' chá'a ekxámokma m'a aqsok aktek, ántawók sa' eyke chá'a kólnakxek ma'a ekyexna, hakte sawa' sa' esawhaksek.

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Levítico 26:16

sa' atnéssesek ko'óxa kélxegkáxa s'e: wáphássesek sa' aqsok segyegwakkassamo nak, tén han negmasse segaqhamo nak, ekmexanma egyempehek, tén han negmasse élmaso nak egaqta'ák, tén han ma'a ekyelqamáxche egyempehek; kaqhok sa' kólchenekxak aqsok, hakte kélenmexma sa' etókasek ma'a aqsok kélcheneykekxa kélnakxo.

Habacuc 2:13

Wesse' egegkok ekha apyennaqte sa' etnéssesek eyaqhémo m'a kéltamheykha nak, tén han kélwasqapma, hakte táxa sa' kamasséssók ma'a ekyókxoho aqsok kélláneyak nak.

Jeremías 4:26

Eksawheykha axta exma, ekwet'ak axta ektamhákxo meyke xama aqsok ma'a kélcheneykekxexa nak pánaqte exnók, tén han aptamhákxo nápakha'a apketkók apyókxoho m'a tegma apkelyawe nak. Wesse' egegkok aplo ekmaso keñamak ekteméssesso ekyókxoho xa.

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Jeremías 9:5

Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Salmos 78:62

Apméssegkek axta yaqwayam elnápok énxet'ák apagkok ma'a apkelenmexma, hakte apkeltaqnaweykegkók apagko' axta.

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Hageo 1:9

Kólleyxek chá'a kéxegke kólwetak ekxámokma agko' aqsok, ántawók eyke chá'a kólweta'; keñe m'a aqsok kéltaqmelchesso nak kélxanák, alchempaksek chá'a ko'o awátekhápok. ¿Yaqsa ektéma sektéma ko'o xa? Exagkok apmopso keñamak, keñe kéxegke wánxa aqsa ekyetnakhassamo kélwáxok ma'a kélxanák nak. Ko'o sekxeyenma xa, sektáha nak Wesse'.