Jeremías 12:11 - Biblia Enxet

¹¹ Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Jeremías 12:11 Referans Kwoze

Jeremías 23:10

Apxámok énxet apnaqtawáseykegkoho nak chá'a apnaqteyegka'a apkelane chá'a mók se'e apchókxa nak, énxet'ák ekmanyehe nak chá'a elanagkok aqsok ekmaso, apchásenneykekxa nak chá'a apkelyennaqte yaqwayam melánekxések apheykha énxet'ák. Cháxa keñamak apyamanma nak Wesse' egegkok ma'a xapop, keñe ekyamáya, kelyameykegkek nahan pa'at ma'a yókxexma meykexa nak énxet.

Isaías 42:25

Axta keñamak apkeltaqnaweykegko m'a, apkellegassáseykegkók axta apchahaya kempakhakma ekmaso agko' nak, apwakhéssegkek axta m'a táxa; axta eyke emáheyók elya'ásegwók.

Jeremías 14:2

“Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Malaquías 2:2

Hélyahákxoho sa' chá'a ko'o kéxegke, kólteme sa' chá'a naqsók séláyo. Sa' agkok chá'a kóltáhak xa ektáha nak, allegássesagkohok sa'. Xama aqsok ektaqnómaxche sa' ko'o atnessásekxak aqsok éltaqmalma kélwete nak chá'a kélteme kélmaxnéssesso énxet'ák ahagkok, eñama megkólteméssesso chá'a naqsók séláyo.” Ko'o sekxeyenma sektáha nak Wesse' ekha sekyennaqte.

Zacarías 7:5

“Etne sa' elának apyókxoho énxet'ák apheykha nak apkelókxa s'e tén han ma'a apkelmaxnéssesso nak énxet'ák ahagkok: ‘Setenta apyeyam apwokmok kélláneyak kéxegke m'a manto nak nento tén han éllapwáméyak, cham'a ekwákxo enxoho chá'a pelten cinco, tén han pelten siete. Háwe eyke yaqwayam héláwhok chá'a ko'o kélláneykegko xa,

Jeremías 19:8

Meyke xama aqsok sa' atnessásekxak se'e tegma apwányam nak, ekyamassamo nak egwáxok agweta'. Apyókxoho énxet'ák apkelyeykhágwayam enxoho chá'a m'a, kalpexchak sa' chá'a apyempe'ék elweta', elyegweyk sa' chá'a elwetak ektémakxa kélmassésseyam apyókxoho.

Jeremías 10:25

Eyke eyenyenta aplo nepyeseksa m'a énxet'ák melya'ásegko nak xép, cham'a énxet'ák mewóneykha nak chá'a exchep, hakte apkelnapmeyk ma'a Jacob nak énxet'ák apagkok, apmassésseykmek apyókxoho, ekmaso aptemessáseykekxak ma'a apchókxa.

Jeremías 10:22

¡Kóltaqmelchesho kélháxenmo! ¡Wa'ak xama amya'a! Xegakmek éxtegyawà ekyawe eñama m'a apchókxa nexcheyha, yaqwayam sa' katnessásekxak yókxexma meykexa énxet ma'a tegma apkelyawe nak Judá, wánxa sa' aqsa katnehek élleykegkaxa m'a semheg nawha'ák éllo.

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Jeremías 6:8

Kastégho sa', Jerusalén, sa' agkok kastégak, ayenyók sa' eñama megkaleklo ewáxok, yókxexma meyke xama aqsok sa' atnessásekxa', meyke énxet apheykha kañe' sa' atnessásekxa'.”

Isaías 57:1

Apkeletsekkek agkok ma'a énxet meyke nak apkeltémakxa méko keytnakhaksohok awáxok; apmassegwokmek agkok nahan ma'a énxet éltaqmalma nak apkeltémakxa, méko kay'asagkohok apkeletsapa apkelmallana m'a aqsok ekmaso

Eclesiastés 7:2

Tásek agmahagkok ma'a éllapwámegkaxa nak énxet, eñama apketsapma pók, megkaxnawok agmahagkok ma'a élpayheykxexa nak apkelwáxok énxet; hakte nétsapma ekteme ekweykekxoho apyókxoho énxet, kéméxcheyk chá'a kaxének apkelwáxok ma'a énxet'ák meletsapa nak makham.

Levítico 26:32

“Amasséssók sa' kélókxa, keñe sa' kélenmexma apkelhe enxoho m'a, kalyamaksek sa' apkelwáxok elanok ektémakxa.

Jeremías 4:20

Wa'akteyk aqsa chá'a amya'a ekmaso; ekmaso tamhákxak ma'a ekyókxoho apkelókxa. Kélmasséssekmek ekmanyehe agko' ma'a sélpakxenéyak nak, éltawassáseyha agko' ma'a sekpakxanma nak.

Jeremías 4:27

Aptáhak Wesse' egegkok se'e: “Ekmaso sa' kóltemessásekxak ekyókxoho xapop, mamasséssemek sa' eyke ekyókxoho.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Jeremías 25:11

Kólmasséssók sa' ekyókxoho s'e apchókxa nak, ekmaso sa' kóltemessásekxa'. Setenta apyeyam sa' kawomhok apteme apkeláneykha Wesse' apwányam Babilonia xa énxet'ák nak.

Joel 1:10

Meyke aqsok táhak ma'a namyep; yaqhapchek exma'. Apkelepsagkek ma'a hótáhap apaktek, kelyameygkek ma'a anmen yámet, apák entáhak ma'a olivos.

Jeremías 9:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.