Isaías 8:21 - Biblia Enxet

²¹ Máxa sa' elmahagkok ma'a énxet'ák, yetlo élyaqhápeykha apkelwáxok tén han meyk élnapma, Kallókashok agko' sa' ma'a meyk élnapma. Elyemnaha sa' ma'a wesse' apwányam apagkok tén han ma'a aqsok apkeláyókxa nak chá'a. Elsekhekxohok sa' néten,

Isaías 8:21 Referans Kwoze

Proverbios 19:3

Aptémakxa ekyeyháxma chá'a keytnakhássók apxega m'a énxet, keñe ephéssekxak chá'a apteméssesso m'a Wesse' egegkok.

Jeremías 52:6

Yágwokmók axta meyk ma'a tegma apwányam, cham'a ekhem nueve aptáhakxa nak cuatro pelten ma'a apyeyam nak, méko axta entáhak aptéyak ma'a énxet'ák.

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Job 2:9

Keñe axta aptáwa' ektáha eyáneya s'e: —¿Apkelenxanakmóya apteme ekpéwomo aptémakxa'? ¡Eyemnaha Dios keñe sa' yetsapok!

Job 2:5

Aplegassásegkók agkok xép ma'a apyókxa nak énxet, keñe sa' étak eyemnaha nápaqtók xép ma'a.

Job 1:11

Elyementemekxa hana ekyókxoho aqsok apagkok, keñe sa' étak eyemnaha nápaqtók xép ma'a.

2 Reyes 25:3

Keñe axta ekhem nueve, pelten cuatro xa apyeyam nak, ekyágwokmoho meyk segaqhe m'a tegma apwányam, méko axta entáhak aptókagkaxa énxet.

Éxodo 22:28

“Nágyenmexmakha chá'a Dios, ná eltamho nahan chá'a katnégwomhok exma ekmaso m'a apkeláneseykha nak chá'a apchókxa.

2 Reyes 6:33

Neyseksa apkelpaqhetchesso axta apwa'a kélásenneykha m'a aphakxa nak Eliseo. Aptáhak axta apcháneya: —Wesse' egegkok keñamak senteméssesso negko'o s'e aqsok ekmaso nak, ¡kaqhok ko'o aleyxek elának mók aqsok ma'a!

1 Samuel 8:18

Megyeyxók sa' han kéxegke Wesse' egegkok kélpaqmétencha'a sa' kalleklamagkok aptémakxa xa wesse' apwányam kélyéseykencha'a nak.

Job 18:12

Masséssek apyennaqte meyk eyaqhe; peyk káhapwak ma'a ekmaso apha.

Isaías 9:21

Apmasséssekmek Manasés ma'a Efraín, keñe Efraín apmasséssekmo m'a Manasés, cháxa apketámeykegko nak Judá xa apqánet nak. Makke kamassak makham aplo m'a Wesse' egegkok; xénchek makham apwáxok ellegássesagkohok xa énxet'ák nak.

Isaías 14:30

Keytek sa' pa'at yaqwayam elagkok apnaqtósso énxet'ák ahagkok meyke nak aqsok apagkok ma'a yókxexma ahagkok nak, tásek sa' katnehek apkellókasso apkelyampe m'a énxet'ák meyke nak aqsok ma'a apxanák. Keñe sa' ko'o wának emaskok meyk élnapma m'a énxet'ák apagkok, alnáhakkasek sa' nahan ma'a apkeleymomap enxoho apqántawo'.

Isaías 51:19

Keso ánet aqsok ekmaso eyáhapwaya nak kéxegke s'e: kélmassésseykmek ma'a kélókxa kelmomaxcheyk nahan aqsok ekhéyak ma'a kañe', apkeletsepmeyk nahan énxet'ák kélagkok meyk élnapma tén han kempakhakma. ¿Yaqsa sa' kayóshok kalanok kéxegke? ¿Yaqsa sa' kalpeykessásekxak kélwáxok?

Isaías 59:9

Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Isaías 65:13

Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';