Isaías 8:14 - Biblia Enxet

¹⁴ Sa' etnehek apho kelhanma kélagkok kéxegke m'a; sa' etnehek meteymog yaqwayam kalpelápagkasek ma'a, cham'a yaqwayam sa' kalyaqnegkesagkok ma'a ánet apchókxa ekhéyak nak ma'a kañe' Israel; etnehek sa' ektémól'a xama kelhanma, yaqwayam sa' kalmok ma'a énxet'ák apheykha nak Jerusalén.

Isaías 8:14 Referans Kwoze

Isaías 28:16

Ékeso éñamakxa, aptáha nak appeywa Wesse' egegkok se'e: “Apekkenek sa' ko'o xama meteymog ma'a Sión, meteymog kélyéseykha tén han ektaqmalma agko', yaqwayam sa' katnehek meteymog kélmámenyého kélagko' kólmaha, katnehek sa' ekyennaqtésso tegma apowhak. Énxet apcháyo enxoho xa, méko sa' katnehek apha.

Ezequiel 11:16

Cháxa keñamak séltamho nak etnehek elának se'e: ‘Keso aptáhakxa exchek Wesse' egegkok se'e: Ko'o axta sélántekkesso tén han séxpánchesso nepyeseksa m'a pók aptémakxa nak chá'a énxet, tén han neyseksa m'a apkelókxa megkatnahakxa nak chá'a apkelókxa, yaqwatakxoho eyke. Ko'o sa' atnehek kaxwo' tegma appagkanamap apagkok ma'a apkelmahágkaxa enxoho chá'a apkelókxa.’

Proverbios 18:10

Wesse' egegkok apwesey ekteme segmasma ekyennaqte, apkelmeyeykekxexa nak chá'a elyexánegwakxak ma'a énxet'ák apkelpéwomo nak.

Salmos 69:22

¡Yána katnekxak aqsok ekmaso m'a aptéyak nak, yána katnekxak ekho kelhanma m'a mésa apagkok!

Salmos 11:6

Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Isaías 26:20

Kólxeg, énxet'ák ahagkok, kólántex kañe' kélxanák kólápekxa sa' atña'ák kélagkok. Kólyexánem sekxók yaqwatakxoho, ekwokmoho ekyeyk'a m'a Wesse' egegkok aplo.

Isaías 4:6

yaqwayam kaltaqmelchesek tén han kalmeyók; katnehek sa' pessesse apagkok apkenchesso chá'a m'a mayáhat ekmexanma tén han apkelyexanmomakxa chá'a m'a ekmámeka enxoho tén han éxchahakmo enxoho chá'a ekyennaqte.

Salmos 140:5

Epekkenchessegkek ko'o kelhanma emonye' xa apkeleymákpoho nak; etegyéssessegkek yám'én emonye', tén han táma; epekkenchessegkek kelhanma m'a ekpayho nak ámay.

Isaías 7:16

Keñe sa' amonye' apya'ásegwayam apmeykha élchetámeykha apwáxok ma'a sakcha'a nak, kataqmopagkok sa' ma'a apchókxa nak apqánet kelwesse'e, apcháya apagko' nak chá'a exchep.

Isaías 25:4

Hakte xép apteme apyexanmomakxa m'a énxet apmopyósa nak, apmasma m'a aplegeykegkoho nak aphakxa meyke aqsok, apyexanmomakxa m'a ekwa'a enxoho éxchahayam ekyennaqte, pessesse apagkok ma'a ekmexna enxoho mayáhat. Máxa éxchahayam ekyennaqte éxcheheykmohol'a ekhem apmopsamágexa apkelennama m'a énxet'ák megkalmayósa nak elanok aqsok,

Isaías 59:10

Nélpaknameykha aqsa chá'a nélweynchámeykencha'a, máxa nentemék ma'a énxet meyke apaqta'ák apkelpaknameykhal'a nápakhaw'ék tegma, máxa meyke egaqta'ák nentamheykegkok; ólpelapmok aqsa chá'a ektáhakxoho yetseksók ekhem, máxa axta'a entemék; kalyéha'ak eykhe nahan egyempe'ék máxa néletsapma eyke nentemék.

Jeremías 6:21

Cháxa keñamak aptáha nak Wesse' egegkok se'e: “Wának sa' ko'o elpelapmok se'e énxet'ák nak tén han elyaqnenagkok. Esawhakpohok sa' eletsapok apyókxoho, cham'a apyapmeyk, apketchek tén han ma'a apnámakkok nak.”

Ezequiel 3:20

Apyensakmek agkok aptémakxa ekpéwomo xama énxet appéwomo, apkelánekxo enxoho aqsok ekmaso; keñe élxegkesa enxoho ko'o atlápagkasek, agkok xép epaqhetchásak, yetsapok nahan xa énxet nak. Megkaxénwakxók sa' nahan ko'óxa ewáxok ektémakxa axta aqsok ektaqmela apkelane, yetsapok sa' eñama mey'assáxma, xeyep sa' eyke axének ektáha apsexnenagko apketsapma.

Josué 10:7

Keñe axta aptepa Josué m'a yókxexma nak Guilgal, yetlo m'a apyókxoho sẽlpextétamo apagkok megyeye nak elmahagkok eyesagkexa'.