Isaías 7:2 - Biblia Enxet

² Kéllegássekxeyk axta wesse' apwányam Ahaz xa amya'a nak tén han ma'a ekheykha nak apxagkok: “Appasmeykxeyk énxet'ák Siria m'a Efraín énxet'ák apagkok.” Yetlókok axta nahan apkelpexyennama m'a wesse' apwányam tén han ma'a énxet'ák, máxa axta aptamhágkok ma'a ektémól'a yámet kalpexyennegkesek éxchahayam ma'a yókxexma.

Isaías 7:2 Referans Kwoze

Isaías 8:12

“Nágkóltemésses aqsa kéxegke ekwesey negaqneykekxa negmáheyo anteméssessamhoxma ekmaso egmók, apteméssessama nak chá'a ekwesey negaqneykekxa negmáheyo anteméssessamhoxma ekmaso egmók apyókxoho xa énxet'ák nak. Nágkalyegwakkas aqsa ekyókxoho aqsok élyegwakkassama nak chá'a m'a, nágkole nahan.

Isaías 7:13

Tén axta aptáha Isaías se'e: “Kóleyxho kéxegke s'e, wesse' apwányam David aptawán'ák neptámen. ¿Kélanagkamcheya kexyókók kólya'aksek exma énxet, kélmako nak han kólya'aksek exma m'a Dios ahagkok?

Isaías 9:9

apkelya'ásegkók axta nahan apyókxoho m'a Efraín énxet'ák apagkok nak, apheykha axta m'a Samaria. Aptáhak axta apkelpaqmeta yetlo éleymáxkoho apkelwáxok se'e:

Proverbios 28:1

Méko eykhe chá'a kayaqmaksek ma'a ekyeyháxma nak, exyenmok aqsa chá'a, méko eyke katnehek chá'a apkelakakxa m'a apkelpéwomo nak, máxa etnahagkok ma'a ektémól'a yámakméwa.

Oseas 12:1

Apteykegkek éxchahayam ma'a énxet'ák Efraín: yókxoho ekhem chá'a apkelyetleykha m'a éxchahayam eñama nak ekteyapmakxa ekhem. Apxámáseykekxeyk apkelmopwancha'a amya'a, tén han apkelyennaqteyáseykha chá'a apyempe'ék apnaqtawáseykegkoho apnámakkok, aphéssamók chá'a mók apkelpaqhetchásamákpoho m'a Asiria, apkeláphassegkek chá'a apkelmésso naqsa pexmok égmenek ma'a Egipto.”

Isaías 37:35

Amyók sa' ko'o s'e tegma apwányam nak, awagkasek sa' nahan teyp, eñama seyásekhayo m'a séláneykha David tén han seyásekhamaxchekxoho ahagko' ko'óxa.’”

Isaías 37:27

Méko aqsok elanagkok ma'a apheykha nak kañe', elmeneygkohok apagko' nahan, elmegqáwhok nahan, máxa aptamheykegkok ma'a pa'at élámha nak yókxexma, ektémól'a m'a pa'at ektaqmalmal'a áwa', máxa m'a pa'at ekteyapwayam la'a néten tegma élyamágwayam la'a áwa' amonye' yaqwayam kawana'.

Isaías 22:22

Kéláyo sa' atnéssesek, agkések sa' ketchessam'átog David apxagkok nak; Méko sa' kápekxak chá'a apmeykesa enxoho chá'a m'a, méko sa' nahan kameykásekxak chá'a m'a apchápeykxo enxoho chá'a.

Isaías 11:13

Kamaskok sa' ektémakxa nak apkelyásekkesso m'a Efraín énxet'ák, kamaskok sa' nahan apkello m'a énxet'ák Judá, melyásekkesek sa' chá'a kaxwók Efraín énxet'ák ma'a Judá énxet'ák nak, megkaxének sa' nahan kaxwók apwáxok eltaqnawák Judá énxet'ák ma'a Efraín énxet'ák apagkok nak.

Isaías 7:17

“Yának sa' káhapwak xép Wesse' egegkok ma'a ekhem ekmaso megkawaya axta m'a sekxók axta éxpánchesamaxko Israel apchókxa m'a Judá, ekweykekxoho m'a énxet'ák apagkok tén han ma'a wesse' apwányam apxagkok nak.” (Wesse' apwányam Asiria xa.)

Isaías 6:13

Apkeleymekpek sa' agkok nahan chá'a ektáhakxa diez xama m'a énxet'ák, kólmasséssók sa' nahan ma'a, ektémól'a kólyaqtennek ma'a xama yámet roble essenhan ma'a yámet encina, wánxa aqsa keymaxchek ma'a awhak nak.” (Katyapok sa' eyke xama éltektépeykekxa ekpagkanamaxche xa awhak nak)

Salmos 11:1

Ekye'eykekxeyk ko'o sekyexánegweykekxo m'a Wesse' egegkok. Kaqhok katnehek amya'a wánéxchek se'e: “Emhók exyenmok ma'a élámhakxa nak meteymog, ektémól'a náta.

2 Crónicas 28:12

Tén axta apchaqnágwokmo apmonye'e apkelweykekxa axta apkelenyékta kempakhakma m'a Azarías, Johanán axta apketche, Berequías, Mesilemot axta apketche, Ezequías, Salum axta apketche, tén han Amasá, Hadlai axta apketche, apteme axta apkelámha apmonye'e m'a Efraín.

2 Crónicas 25:10

Tén axta Amasías apkeltaqheyásawo makham apxanák ma'a sẽlpextétamo apkeleñama axta Efraín yaqwayam eykhe epasmok. Apkeltaqnaweygkek axta eyke m'a énxet'ák Judá, apkellókók apagko' axta apkeltaqháwo apxanák.

1 Reyes 13:2

Apyennaqtésawók axta appeywa appaqhetchesa m'a ekwatnamáxchexa nak aqsok, hakte Wesse' egegkok axta apkeltémo etnehek. Aptáhak axta: “Ekwatnamáxchexa aqsok: Aptáhak apxéna exche' Wesse' egegkok se'e: ‘Etyamok sa' xama sakcha'a apkeñama David axta aptawán'ák neptámen, Josías sa' etnehek apwesey, elnápok sa' enegkenek xeye' néten ma'a apkelmaxnéssesso nak chá'a énxet'ák agkok ma'a aqsok kéláyókxa', cham'a apkelwatnama nak chá'a néten xeye' m'a aqsok ekmátsa nak ekpaqneyam éten agkok; elwatnek sa' han kélexchakkok ma'a néten nak xeye'.’”

1 Reyes 12:16

Xama axta apkelwet'a énxet'ák Israel melyahákxo aptáhakxa apkelpeywa m'a wesse' apwányam, aptáhak axta apcháneya s'e: “¡Mogmenyeyk negko'o David! ¡Méko xama aqsok sempekkencháseykekxa Jesé axta apketche! ¡Énxet'ák Israel, óltaqhekxa'! ¡Eltaqmelcheshok sa' apagkok ekheykha apxagkok ma'a David!” Yetlókok axta apkeltaqheykekxa apxanák apyókxoho m'a israelitas.

1 Reyes 11:32

Xama apheykegkaxa énxet'ák sa' aqsa weygkesek ma'a Salomón, eñama seyásekhayo m'a séláneykha David, tén han ma'a Jerusalén, tegma apwányam sélyéseykha axta ko'o nepyeseksa m'a apyókxoho tegma apkelyawe apagkok nak énxet'ák Israel.

2 Samuel 7:16

Méko sa' chá'a katnehek apheykha aptawán'ák neptámen, tén han aptémakxa nak wesse' apwányam, hakte altaqmelchesek sa' chá'a ko'o, megkamassegwomek sa' aptamhéyak apkelwesse'e m'a aptawán'ák neptámen nak.’”

Isaías 7:5

Apkelánekxeyk apkelpaqmeyesma apmako etnéssessamhoxma ekmaso m'a sirios tén han ma'a énxet'ák Israel yetlo m'a wesse' apwányam apagkok Remalías apketche. Aptáhak apkelpeywa s'e: