Isaías 64:3 - Biblia Enxet

³ Kelpexyennegkek axta exchep nápaqtók meteymog élekhahéyak, apweywento axta apkelana m'a aqsok segyegwakkassamo nak agweta' mólhaxanma axta katnehek.

Isaías 64:3 Referans Kwoze

Habacuc 3:3

Apxegakmek Dios apkeñama m'a yókxexma Temán; egkexe Parán apkeñamak apxegakmo m'a Dios Appagkanamap. Sawheykekxók apcheymákpoho m'a ekyókxoho nak néten, cháxa keñamak kélpeykessamo nak ekyókxoho keso nélwanmégkaxa'.

Salmos 106:22

apkeláneya axta chá'a aqsok sempelakkasso agwetak ma'a apchókxa Cam, tén han ma'a aqsok segyegwakkassamo nak agwetak ma'a Wátsam Ekwányam Ekyexwase.

Salmos 66:5

Kólchexyem, kólteyánegwatámho Dios apkelane aqsok, aqsok sempelakkasso apkelánesso axta m'a énxet'ák:

Salmos 66:3

Kólteme kólának Dios se'e: “Keltásók agko' xép aqsok apkelane. Apmopwána ekyawe keñamak xép apkelpexyennama apmonye' m'a apkelenmexma nak;

Deuteronomio 10:21

Hakte cham'a yaqwayam kólteméssesek chá'a kéxegke apcheymákpoho m'a; cham'a Dios kélagkok ma'a, apkelánéssama axta chá'a kéxegke m'a aqsok ekyawe nak tén han ma'a sempelakkasso nak agweta' kélweteya axta kéxegke.

Habacuc 3:6

Epexyennegkesek chá'a xapop ma'a apkenegwánxa enxoho; elpexyennók chá'a pók aptémakxa énxet'ák apkelano enxoho; kalyaqnenagkok chá'a m'a nanók egkexe nak, kalpayhekxak chá'a m'a nanók meteymog élwenaqte nak, megkamassegwomek eyke m'a Dios ámay apagkok.

Isaías 64:1

Egmenye nak la'a negko'o elyeptek néten, keñe eweywenták kalpexyennók nápaqtók ma'a meteymog élekhahéyak nak,

Salmos 76:12

Hakte emasséssamhok chá'a kelwesse'e apkeláneykha nak chá'a apkelókxa', elyegwakkashok han ma'a kelwesse'e apkelwányam nak keso náxop.

Salmos 68:8

yawheykha axta xapop, máméyak axta han ekyawe agko', kelpexyennamomchek axta apmonye' m'a Dios nak Sinaí, cham'a Dios nak Israel.

2 Samuel 7:23

Keñe m'a Israel, énxet'ák apagkok nak xép, ¡méko pók énxet'ák aphawo keso náxop! Apkelwagkassegkek axta exchep teyp Dios, yaqwayam etnehek énxet'ák apagkok, payheykekxeyk axta exchep apwesey apkeláneya m'a aqsok magésso nak agè', tén han ma'a aqsok éltaqmalma nak. Apkelántekkessegkek axta chá'a exchep apmonye'e énxet'ák apagkok ma'a pók énxet'ák nak, tén han ma'a aqsok apkeláyókxa nak, cham'a apkelántekkesseykekxa axta m'a Egipto,

Deuteronomio 4:34

¿Yetnéya xama aqsok kéláyókxa élyéseykha énxet'ák nepyeseksa m'a pók aptémakxa nak énxet, ekyetlómo élane m'a ekxámokma aqsok, tén han ma'a magkenatchesso nak agweta', tén han ma'a sempelakkasso nak agweta' tén han ma'a kempakhakma, yetlo ekmeykha ekyawe ekmowána tén han ma'a ekmowána nak hegyegwakkasek, ekhawo apkeláneya axta kélnápaqta'awók kéxegke Dios Wesse' kélagkok ma'a yókxexma Egipto, eñama apkelmasma kéxegke?

Éxodo 34:10

Aptáhak axta Wesse' egegkok se'e: “Kóltaqmelchesho sa' kélháxenmo s'e: élanak ko'o kaxwók xama ekhémo mók nélpaqhetchásamáxkoho nápaqta'awók ma'a apyókxoho énxet'ák apagkok. Alának sa' ko'o aqsok ekyawe agko' sempelakkasso nak agweta', megkalánamáxko nak makham xama enxoho m'a mók apheykegkaxa nak chá'a énxet keso náxop, elwetak sa' apyókxoho énxet apheykha nak kélnepyeseksa kéxegke sekmowána alának aqsok, ko'o sektáha nak Wesse', hakte katnehek sa' ekwányam agko' sempelakkasso nak agwetak ma'a aqsok sekmako nak ko'o alanaksek kéxegke.

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.