Isaías 61:1 - Biblia Enxet

¹ Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Isaías 61:1 Referans Kwoze

Isaías 42:7

yaqwayam enxoho elwetásekxaxma m'a meyke nak apaqta'ák tén han elántekkesek kañe' m'a apkelmomap nak, cham'a kañe' apkelweynchámeykegkaxa nak ekyáqtésakxaxma.

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Isaías 42:1

“Keso seyásenneykha ko'o s'e, sekpasmoma nak chá'a, sélyéseykha axta, ekleklamo nak ewáxok aptémakxa'. Ekméssegkek ko'o espíritu ahagkok xa yaqwayam enxoho etaqmelchessásekxak apheykha m'a apyókxoho pók aptémakxa nak chá'a énxet'ák.

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Isaías 49:9

yaqwayam sa' etnehek elának apkelmomap nak se'e: ‘Kólántép’, yaqwayam sa' etnehek elának apheykha nak ekyáqtésakxaxma s'e: ‘Kólántép élsakókxaxma.’ Kólwetak sa' chá'a pa'at ekyókxoho m'a nekhaw'ék ámay, kaxek sa' chá'a ektéyak kélnaqtósso ekyókxoho m'a egkexe meykexa nak chá'a xama aqsok.

Salmos 34:18

Ketók chá'a exek Wesse' egegkok yaqwayam elwagkasek chá'a teyp ma'a élyentaxno agko' nak chá'a apkelwáxok, tén han ekmassegwayam nak apkelhaxneykha yaqwayam kólpasmok.

Isaías 48:16

Hélyepetchegwatámho ko'o, kóleyxho sa' nahan se'e: Sekxók eyeynókxa axta ko'o sekteme meyxamaxkoho apaqmétek; Ekhegkek axta ko'o ektéma axta ekyókxoho xa aqsok nak. Ekméssek eyke ko'o kaxwók sekmowána m'a, ko'o sektáha nak Wesse', eyáphássek nahan.”

Oseas 6:1

Kólchexyem kélyókxoho, agyo'ókxak makham Wesse' egegkok. Ẽlekkexmeyk axta negko'o m'a, sa' eyke hẽltaqmelchessók makham ma'a; ẽlyensáseykegkek axta, sa' eyke hẽlpextehetchesek makham nélyense m'a.

Salmos 45:7

Yásekhohok chá'a m'a aqsok ektaqmela, etaqnók chá'a m'a aqsok ekmaso nak. Cháxa keñamak apkelyéseyncha'a nak Dios, cham'a Dios apagkok nak, apyánchessamók han apmésso m'a ekpayheykekxa apwáxok, kaxnók ma'a apkelxegexma'a nak.

Salmos 22:26

Kóltawák kéltéyak kéxegke kélnaqtawáseykegkoho nak, ekwokmoho kélyaqkanakmo; kóltemésses sa' apcheymákpoho Wesse' egegkok kéxegke ektáha nak kélchetamso, keñe sa' exámhok apyeyam kélweynchámeykha.

Salmos 102:20

yaqwayam yeyxhok apkelápentegeykha ekmáske m'a apkelmomap nak, tén han elántekkesek ma'a apkelxénamap nak kólnápekxa';

Salmos 51:17

Aqsok negmésso naqsa ekleklamo nak apwáxok Dios, cham'a élekxagweykha nak egwáxok; oh Dios, metaqnókek xép ma'a eyaqhe nak egwáxok nentémakxa!

Salmos 2:6

“Élyéseyha ko'o xama wesse' apwányam ahagkok ma'a néten nak egkexe Sión, ekteme nak egkexe ahagkok sekpagkanma.”

Isaías 59:21

Aptáhak Wesse' egegkok se'e: “Élanak ko'o ekhémo mók sélpaqhetchásamáxkoho kéxegke, ekxénchek nahan megkakxayhek kaxwók xama enxoho kéxegke m'a sekmowána tén han ma'a nélxekmowásamáxche ahagkok sekmésa nak, ekweykekxoho m'a kéltawán'ák kélnentámen megkatnégwayam néxa.”

Daniel 9:24

“Setenta semána sa' kayeykhak kólmasséssók apkeltémakxa élmasagcha'a m'a énxet'ák apagkok tén han melya'assáxma, tén han tegma apwányam appagkanamap nak, yaqwayam sa' megkólyaqmagkásekxeyk ma'a apkeltémakxa élmasagcha'a, tén han keytek ekpéwomo nentémakxa meyke néxa, yaqwayam sa' katnehek ma'a ektémakxa axta aqsok apwete, tén han ekxénamaxche' kéltemessásekxo sa' appagkanamap apagko' ma'a Tegma Appagkanamap nak.

Salmos 69:32

Kalpayhekxak sa' apkelwáxok apkellegeykegkoho nak ekmaso apheykha apkelwet'a enxoho xa, kalyennákxohok sa' apkelwáxok apkelchetamso nak chá'a Dios;

Isaías 66:2

¡Ko'o ahagko' sélane ekyókxoho xa aqsok nak, axta keñamak élánteyapma! Ko'o sekxeyenma xa, sektáha nak Wesse'. “Énxet sekpasmomo nak chá'a ko'o, cham'a énxet apmopyósa nak ekyentaxnamo nak chá'a apwáxok apcháyo nak chá'a m'a sekpeywa.

Salmos 25:9

enaqlakxak chá'a ámay apagkok ma'a énxet'ák megkaleymáxkoho nak apkelwáxok; ¡elxekmósek chá'a m'a nentémakxa ekpéwomo nak!

Salmos 149:4

Hakte leklamók apwáxok Wesse' egegkok ma'a énxet'ák apagkok; egkések chá'a apkelmallane m'a énxet'ák meleymákpoho, máxa kélnáxegkáseykha chá'a etnéssesek.

Jeremías 34:8

Appaqhetchessek axta Wesse' egegkok Jeremías, cham'a natámen axta apkelane ekhémo mók apkelpaqhetchásamákpoho wesse' apwányam Sedequías apyókxoho m'a apheykha nak Jerusalén, yaqwayam enxoho ekxeykxak ma'a énxet'ák kélásenneykha naqsa nak.

Isaías 52:9

¡Kólwehesha ekyennaqte agko' kólátsaha, kélheykha nak Jerusalén tegma apwányam kéltawáseykha nak, hakte apkelásekhákxók Wesse' egegkok ma'a énxet'ák apagkok, apwagkassek teyp ma'a Jerusalén!

Isaías 29:19

Elpeykessásekxak sa' makham apkelwáxok Wesse' egegkok ma'a énxet'ák apmopyóseka nak, kalpayhekxak sa' apkelwáxok xamók Dios aptaqmalma nak Israel ma'a énxet'ák meyke agko' nak aqsok apagkok.

Isaías 30:19

Énxet'ák Sión, kélheykha nak Jerusalén: megkóllekxagwaha sa' kaxwók kéxegke. Kélyósekak sa' elanok kéxegke Dios apleg'a enxoho kélpáxameykha ekyennaqte kólmaxnak yaqwayam epasmok, ketse' aplege sa' katnehek kélpeywa, yohók sa' chá'a yátegmowagkok.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Isaías 32:7

Keñe m'a énxet apmopwána nak elyexanchesha pók yásenneykxak chá'a m'a ektémakxa nak apmopwána apteme apmopwána amya'a, elánekxak chá'a yaqwánxa etnehek elának ma'a aqsok ekmaso agko' nak; apmopwána amya'a chá'a etnehek etwássesha apheykha m'a énxet'ák meyke nak aqsok apagkok tén han ma'a ekha nak chá'a eyeyméxchexa aqsok ma'a apxanák apkeltémo nak chá'a kóltaqmelchessásekxak apheykha.

Isaías 40:9

Yenát sa' egkexe néten nak Sión, énnaqtés sa' appeywa exének amya'a ektaqmela. Nágye aqsa énnaqtések appeywa m'a Jerusalén, etne sa' ellegaksek tegma apkelyawe nak Judá s'e: “¡Keso Dios kélagkok se'e!”

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Isaías 57:18

Ekweteyak ko'o apkeltémakxa m'a, altaqmelchásekxak sa' eyke, agkések sa' yaqwayam ellókasagkok apkelyampe tén han ektaqmalma agko' apheykha. Alpeykessásekxak sa' ko'o apkelwáxok ma'a élyaqhápeykha nak chá'a apkelwáxok.

Miqueas 3:8

Keñe sa' ko'o, heyánchesseshok segkésso sekyennaqte m'a Wesse' egegkok espíritu apagkok, tén han ekpéwomo nentémakxa, tén han magwaye emonye', yaqwayam sa' magwéssekxeyk alxénchásekxohok apkelenmexeykekxoho Dios ma'a énxet'ák Israel tén han melya'assáxma.

Éxodo 28:41

“Elántaxneyásekxa sa' apkelnaqta m'a apepma Aarón tén han ma'a apketchek nak, tén sa' eyegkenchesek apqátek ma'a pexmok égmenek, yaqwayam sa' egkések kaxwók apkeltamheykha tén han elpagkanchesek yaqwayam etnehek apkelmaxnéssesso énxet'ák ahagkok.

Éxodo 29:7

Ema sa' pexmok égmenek kélexpaqhayól'a kólteméssesek appagkanamap énxet, yexpaqhásses sa' apqátek etnéssesek apkelmaxnéssesso énxet'ák ahagkok ma'a Aarón.

Levítico 7:35

Aqsok kélmésso naqsa kélwatnésso nak chá'a Wesse' egegkok, cháxa yaqwayam nak chá'a elxawagkok ma'a Aarón, yetlo aptawán'ák neptámen, sekxók aptemessásegko enxoho chá'a Wesse' egegkok apkelmaxnéssesso énxet'ák apagkok.

Salmos 68:7

Oh Dios, xama axta apxegama exchep apmonye'e m'a énxet'ák apagkok, apyeykheykekxo m'a yókxexma meykexa nak aqsok,

Jeremías 52:33

Massegkek axta han apkelmeykha Joaquín ma'a apkelnaqta apkelmeykencha'awo axta chá'a neyseksa apmomap, etwohok axta chá'a apto xamo' wesse' apwányam ekwokmoho apketsapa.