Isaías 59:8 - Biblia Enxet

⁸ Melya'ásegkok ma'a ekyetnamakxa nak meyke ektáhakxa egwáxok, méko ekpéwókxa enxoho m'a aqsok apkelánéyak. Éltaqhahéyak ma'a ámay apkelyetlamakxa nak chá'a; melweteyk meyke ektáhakxa egwáxok ektáha nak apkelyetlo xa ámay nak.

Isaías 59:8 Referans Kwoze

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.

Isaías 48:22

Méko ektaqmalma apheykha m'a élmasagcha'a nak apkeltémakxa. Wesse' egegkok apxeyenma xa.

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Proverbios 3:17

Atse' katnehek negyetlawa enxoho; méko katnehek ektáhakxa negha negyetlawa enxoho ámay agkok ma'a.

Proverbios 2:15

apkelyetleykha nak ámay megkapéwomo apkelyetnakhágwayam nak apkelyetlo m'a ámay ekpéwomo nak.

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Isaías 59:9

Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Isaías 59:11

Máxa méwa élyexwéweykha nentemék negko'o negyókxoho nélpáxameykencha'a, máxa yágwáx'ay apkelpáweykha nentemék nélápentegeykencha'a; nélhaxanmeyk eykhe m'a nélwagkásamáxche teyp, makke kaweyk; nélhaxanmeyk eykhe m'a sẽlmallahanchesso nak aqsok ekmaso, tayépe eyke ekyetnamakxa.

Proverbios 2:13

cham'a énxet'ák apkelwáteséyak nak apkelyetlo ámay ektaqmela, apkelyetleykekxa nak ámay ekyáqtéssamakxa nak exma',

Proverbios 21:8

Háwe ekpéwomo m'a apkeltémakxa nak chá'a énxet'ák élmasagcha'a nak aptémakxa'; tásek eyke chá'a katnehek aqsok apkelane m'a énxet meyke nak aptémakxa'.

Isaías 65:2

Yókxoho ekhem ko'o sélhaxanma sekmáheyo eykhe almok takha' m'a énxet'ák sénmexeykekxa nak chá'a, apkelmahéyak nak ma'a eyesagkexa nak ámay apkelyetleykekxo m'a ekmáheyókxa agko' nak chá'a apkelwáxok elanagkok;