Isaías 59:4 - Biblia Enxet

⁴ Méko kélxama enxoho kélláneykekxa chá'a kéxegke m'a amya'a ekpéwomo nak. Kélmeyákxeyk agkok chá'a m'a sẽlyekpelchémokxa nak megkólxének chá'a m'a amya'a ekmámnaqsoho nak. Wánxa aqsa kélásenneykekxo m'a kélmowancha'a amya'a nak tén han ma'a kélpeywa megkamámnaqsoho nak; kelláneykegkek kélwáxok ma'a kéltémakxa ekmaso, kéltekkessegkek ma'a aqsok ekmaso nak.

Isaías 59:4 Referans Kwoze

Job 15:35

Kelláneykegkók apkelwáxok ma'a apkeltémakxa ekmaso, aptekkessegkek ma'a ekmaso nentémakxa; wánxa ekxeyenma apkelwáxok chá'a elyexanchesha pók.

Jeremías 7:8

“Megkólya'ásseykmok chá'a kéxegke m'a amya'a ekmowána amya'a nak, megkamowána nak kapasmok.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Isaías 30:12

Ékeso éñamakxa aptáha nak appeywa Dios Aptaqmalma nak Israel se'e: “Kéltaqnókek kéxegke s'e amya'a kéltennasso nak, kéláyók ma'a kélyennaqteyáseykha nak kélyempe'ék tén han ma'a ekmaso nak kéltémakxa', kélpasmeykekxék nahan ma'a;

Proverbios 4:16

hakte menaqtének chá'a axta'a melánegko enxoho aqsok ekmaso m'a; megkalnáphek tén ma'a metnéssessekmoho enxoho chá'a exma ekmaso xama énxet.

Isaías 59:16

Teyekmek axta apwáxok Wesse' egegkok apwet'a méko ekyetnakhásawo awáxok xa; tén axta apmeyncha'a aqsa apmopwána apagkok apagko' apkelana aqsok, apkelwagkasso apagko' axta nahan aptáhak teyp ma'a.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Salmos 62:10

Nágkólásenneykxa m'a negyennaqteyáseykha nak egyempehek, ¡nágkaxénmakha kélwáxok kapasmok ma'a aqsok élmenyexamaxche'! Kéltemék sa' agkok ekxámokma aqsok kélagkok, nágkólásenneykxa m'a selyaqye kélagkok nak.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.

Salmos 62:4

Wánxa aqsa élxéneykencha'a kélwáxok hélyaqnegkesek; atsek chá'a kéxegke kóltéhek kélmowancha'a amya'a. Kélpeywa aqsa chá'a kaltaqmalmakha hélxének, keñe m'a kélwáxok nak, élxéneykencha'a chá'a hélteméssessamhok exma ekmaso.

Job 15:31

Nágyásenneykxa aptémakxa nak chá'a apmopwána amya'a, kápekxa katnehek kélyexancháseykha.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Isaías 5:18

¡Kéxegke laye, kélseykha nak chá'a kéltémakxa élmasagcha'a yetlo kélmowána amya'a, kélyenyawáseykha nak chá'a megkólya'assáxma, ektémól'a kólyenyawaksek ma'a yátnáxeg apyenyawasso!

Isaías 9:15

(Apqátek ekyetchesamaxkoho m'a apkelámha apmonye'e nak tén han ma'a kelwesse'e apkelwányam nak, keñe épakyek ekyetchesamaxkoho m'a apkellegasso nak chá'a amya'a, apkelxekmósso nak chá'a apnámakkok apmopwancha'a amya'a.)

Isaías 10:1

¡Kéxegke laye, kélpekkenma nak segánamakxa megkapéwomo, tén han kélpenchesso nak kéllegasso m'a kéltémókxa nak chá'a etnahagkok énxet'ák ekyentaxno agko' nak,

Isaías 26:18

Máxa enlós'awók negko'o nentamheykegkok, néllegeykegkók ekmáske egwáxok, máxa eykhe entemék nempalchessama enxoho egketchek, méko eyke, máxa éxchahayam aqsa. Manseykenták negko'o yaqwayam ólwagkasek teyp ma'a apkelókxa, mexek sa' nahan chá'a énxet yaqwayam exek keso nélwanmégkaxa.

Isaías 28:15

Kéltáhak kélpaqmeta kéxegke s'e: “Nenlanak negko'o ekhémo mók nélpaqhetchásamáxkoho m'a nétsapma, nélpaqhetchásexkók negko'o m'a apkelmaheykegkaxa nak chá'a apkeletsapma, yaqwayam sa' mehegwatamók ma'a ekwa'a sa' aqsok ekmaso agko'; nélyexanmomchek negko'o m'a nélmowancha'a amya'a nak, néláhakkásamaxcheyk ma'a nélyexancháseykha nak egmók.”

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Isaías 30:9

Énxet'ák apkenmexeykekxa chá'a Dios xa énxet'ák nak, apyenseyam chá'a apkelyetleykha, megkalmopmenyého nak yeyxhok ma'a Wesse' egegkok nélxekmowásamáxche apagkok.

Isaías 33:11

Hawók pa'at apák tén han aqsok apák kéllánéyak nak chá'a kéxegke tén han ma'a kélmáheyo nak chá'a kóllanagkok; kalwatnek sa' ma'a sénnama ekho nak táxa eyáléwe.

Isaías 44:20

Máxa apteykegko enxoho táhap xa. Apchahayók élyexancháseykencha'a m'a ektémakxa nak élchetámeykha apkelwáxok megkamámnaqsoho. Mopwanchek elwagkasakpok teyp xa énxet'ák nak. Mopwanchek elyekpelkohok apkelmeykencha'a m'a ektémakxa nak apkelmopwancha'a amya'a.

Isaías 47:10

Chásenneykekxeyk axta exche' m'a ektémakxa ekmaso, axta entemék chá'a awáxok se'e: ‘Méko sét'a.’ Kelyexancháseykha axta chá'a exche' m'a ektémakxa ekya'áséyak aqsok tén han ekyekpelchémo. Axta entemék chá'a awáxok se'e: ‘Ko'o aqsa, méko émók sekhawo.’

Isaías 59:15

Massegwokmek ma'a aqsok ekmámnaqsoho nak, kélmenyexchessek aqsok apagkok ma'a apyetnakhasso nak aqsok ekmaso. Axta kalchak apwáxok Wesse' egegkok apwet'a méko aqsok ekpéwomo.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Jeremías 48:7

“Moab, apcháyók axta chá'a exchep ektémakxa ekha apyennaqte, tén han ekxákma aqsok apagkok, emakpok sa' eyke exchep xa. Kólya'aksek sa' megkatnahakxa apchókxa m'a Quemós apcháyókxa nak xép, yetlo m'a apkelmaxnéssesso nak chá'a énxet'ák apagkok, tén han ma'a énxet'ák ekha nak kéláyo.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Salmos 7:15

Apmetmeyk máxek ekmattawóneg agko', etyemekxohok sa' eyke apagko' ma'a máxek apagkok nak.

Salmos 12:3

Wesse', emasséssamho apagko' ma'a apkelxeyenma nak chá'a meltemegweykmoho exma, tén han ma'a éleymáxkoho nak chá'a apkelpaqméteykha,