Isaías 57:4 - Biblia Enxet

⁴ ¿Yaqsa kélasmésa kéxegke? ¿Yaqsa kélántekkessáseyncha'a kélaqta'ák kélwanyawo? ¿Yaqsa kélántekkessáseyncha'a kélaxkok? Mólya'assáxma étchek kéxegke, énxet'ák apkelmopwancha'a amya'a;

Isaías 57:4 Referans Kwoze

Isaías 1:4

¡Énxet'ák melya'assáxma laye, ekyentaxno nak apkeltémakxa ekmaso, énxet'ák élmasagcha'a nak apkeltémakxa aptawán'ák neptámen, énxet'ák apkeláneykegkoho nak aqsok ekmaso! Kélyamasmeyk ma'a Wesse' egegkok, kélyetnakhassegkek ma'a Dios Aptaqmalma apagkok nak ma'a Israel, kélpekkeneykekxeyk kélnentámen.

Salmos 35:21

kalyenneyha chá'a apkelpeywa hénmexmakha, etnehek apkelpeywa s'e: “¡Kóllano ektáhakxa nak negweté!”

Éxodo 9:17

Apkelenxanmeykegkok eyke makham xeyep apkelmasma m'a énxet'ák ahagkok, megyahayók nahan elxog.

Oseas 10:9

Aptáhak Wesse' egegkok se'e: “Melwáteseykegkok apkeláneyak melya'assáxma m'a énxet'ák Israel, apcheynamo axta apkeláneyak ma'a Guibeá. ¡Melwáteseykegkok melya'assáxma! Cháxa keñamak ekmáheyo nak káhapwak kempakhakma m'a Guibeá, kay'áwak xa élmasagcha'a nak apkeltémakxa.

Ezequiel 2:4

Kalyéha'ak nahan apkelwáxok ma'a apketchek nak, melyahakxók nahan amya'a. Wáphaksek sa' ko'o nepyeseksa xa énxet'ák nak, yaqwayam sa' etnehek elának se'e: ‘Keso aptáhakxa exchek appeywa Wesse' egegkok se'e.’

Isaías 37:29

Watchessesek sa' ko'o exchep apwéhek sawo ekhaxe tén han xama ekmassáseyak chá'a apátog ektémól'a kélatchessesso apwáxok ma'a yátnáxeg, eñama sekwete ektémakxa aplo tén han megyésso yeykpoho', wáphaksek sa' makham etaqhohok epéwhok ma'a ámay appéwomókxa axta apxegeykmo.”

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Isaías 30:9

Énxet'ák apkenmexeykekxa chá'a Dios xa énxet'ák nak, apyenseyam chá'a apkelyetleykha, megkalmopmenyého nak yeyxhok ma'a Wesse' egegkok nélxekmowásamáxche apagkok.

Isaías 30:1

Aptáhak Wesse' egegkok se'e: “¡Énxet'ák laye sénmexeykekxa nak chá'a, apkeláneykekxa nak chá'a yaqwánxa etnahagkok meyke séltennasso ko'o, élchetámeykha nak chá'a apkelwáxok aqsok yaqwayam elanagkok megkatnaha nak ko'o séltémo elanagkok, apxámáseykegkek aqsa chá'a m'a melya'assáxma nak!

Isaías 10:15

¿Awancheya kaxénmakha ekyeykhásseykmoho póte m'a ektáha nak chá'a apmeykha? ¿Awancheya nahan kaxénmakha ekyennaqte nápaqtók ektáha nak chá'a apmeykha apkelyepto yámet ma'a hó neym épakyek ekyawe nak? ¿Háxko katnehek kaxog kéltasqapeykha, ekteme nak aqsa wánxa yámet, mexña enxoho m'a énxet ektáha nak apseykha?

Salmos 69:12

Hexénmakha chá'a, elanagkok chá'a apkelmeneykmasso hexének ma'a anmen át'ák nak.

Salmos 22:17

¡Negwetayók exchakkok! Melwataksek chá'a hélanok ma'a sélenmexma;

Salmos 22:13

máxa méwa éllo aptemék apkelyexweyweykencha'a, elmayhek chá'a, keñe hethánek chá'a.

Salmos 22:7

Hey'ássók chá'a ko'o m'a seté nak chá'a, hélántekkessesha chá'a apaxkok, elyeykesha chá'a apqatkok

Josué 10:21

Wánxa agkok ma'a énxet'ák nak Israel apkelwákxeyk axta aphakxa Josué, ekpayho nak apkelpakxeneykegkaxa m'a yókxexma Maquedá, méko axta ektamhágkaxa. Méko axta chá'a eyewagko kaxének ekmaso m'a énxet'ák nak Israel.

Números 16:11

Kélxénáha agkok kéxegke ekmaso m'a Aarón, cháxa kélenmexeyncha'a m'a Wesse' egegkok, xép, tén han m'a apkelxegexma'a nak.

Isaías 48:8

Meñeyk xép kaxénaxchek xa, meteyk nahan, hakte yókxoho ekhem ekteme meyke apeyk'ák. Ekya'ásegkók ko'o exchep apteme melane chá'a m'a aptáhakxa enxoho appeywa, apkeltamhomakpek axta exchep ekyennaqte apwáxok ma'a apyetnamakxa axta egken awáxok.

Isaías 57:5

kélláneykegkek chá'a kéltémakxa ekmaso megkólmasexta'a m'a kóneg nak yenta'a robles tén han ma'a ekyókxoho yenta'a élyawe élyentaxno nak pessesse agkok, kélnapmeyk nahan chá'a sakcha'a kélméssama aqsok kéleykmássesso m'a nekhaw'ék yegmen ényé nak, élpatyapeykegkaxa nak ma'a meteymog.

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Jeremías 20:8

Ekpaqmetchek agkok chá'a wánxa aqsa chá'a axének ma'a apkelyennaqteyáseykha nak chá'a apyempe'ék énxet'ák, tén han ma'a sẽlmassésseyam nak; megkayetyapwágweykmok sélya'ásseyam, tén han sésmésamaxche', hakte axének chá'a ko'o m'a appeywa.