Isaías 53:8 - Biblia Enxet

⁸ Kélyentameykekxeyk axta aqsa nahan meyke kéllánekxésso ektaqmela amya'a, méko axta nahan xama enxoho yaqwayam kamyók; méko axta nahan ekyetnakhassamo enxoho awáxok yaqwánxa katnehek. Kélmasséssekmek axta apha keso náxop, apmatñegkek axta eñama melya'assáxma m'a énxet'ák ahagkok.

Isaías 53:8 Referans Kwoze

Isaías 53:12

Cháxa keñamak Dios peya nak exnéssók nepyeseksa m'a énxet'ák ekyawe nak kéláyo, epasmekxak sa' apkelxawéyak aqsok eñama apkelmallane m'a apkelyennaqte nak, hakte apmeyásamákpók apagko' yaqwayam emátog, máxa énxet ekmaso aptémakxa axta kélteméssessók kélpáxaqtesseykmo m'a énxet'ák élmasagcha'a nak apkeltémakxa, apmeykekxeyk melya'assáxma apxámokma apagko' ma'a énxet, apkelmaxnéssáseykegkek nahan chá'a m'a énxet'ák melya'assáxma nak yaqwayam enxoho megkólyaqmagkásekxeyk chá'a m'a apkeltémakxa.

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Isaías 53:5

Nentémakxa ekmaso neykékhel'a keñamak kélyensáseykencha'a, nentémakxa élmasagcha'a neykékhel'a keñamak aplegeykegkoho ekmáske; egméssek meyke ektáhakxa egwáxok ma'a ektémakxa axta kéllegassáseykegkoho, apkelyense keñamak néltaqmelwokmo.

Salmos 69:12

Hexénmakha chá'a, elanagkok chá'a apkelmeneykmasso hexének ma'a anmen át'ák nak.

Salmos 88:5

Máxa sélyamasma táhak nepyeseksa apkeletsapma; máxa ektáhak ma'a aptekyawál'a kempakhakma, máxa táhak seyátawanyeyxko; máxa ektáhak ma'a ekmassel'a exchep apkelmasma, élwagqámeyak la'a exchep.

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Lamentaciones 3:54

Eyapmeyk ko'o m'a yegmen, keñe ektéma ewáxok se'e: “Mammehek teyp.”