Isaías 51:1 - Biblia Enxet

¹ Kóleyxho sekpeywa, kélyókxoho kélmámenyého nak chá'a kóltéhek ekpéwomo kéltémakxa tén han sélchetamso nak chá'a ko'o —axta aptáhak Wesse' egegkok. Kóllano meteymog kélyaqténneykegkaxa axta chá'a kéxegke, ekheykegkaxa nak meteymog kélweykekxexa axta chá'a;

Isaías 51:1 Referans Kwoze

Isaías 51:7

“Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Salmos 94:15

Keytnekxak sa' makham ekpéwomo kéllánekxésso amya'a énxet'ák ma'a sẽlyekpelchémókxa nak, kalkohok sa' nahan apkelwáxok apyókxoho énxet meyke apkeltémakxa.

Isaías 48:12

“Israel, yeyxho sekpeywa, Jacob, sekwóneykha axta: Ko'o sekteme wánxa xama Dios, ko'o sekteme eyeynókxa tén han ektemegwánxa néxa.

Amós 5:6

Kólyo'ókxa m'a Wesse' egegkok, keñe sa' megkóletsepe'; sa' agkok kóltáhak xa, táxa sa' yáphaksek ma'a apchókxa Israel, méko sa' xama énxet espanchesek táxa m'a Betel.

Proverbios 21:21

Étak chá'a ekwenaqte apha tén han kéláyo m'a énxet aptegyeykha nak chá'a yaqwayam etnehek ekpéwomo aptémakxa, tén han meyenyaweykha apnámakkok.

Proverbios 15:9

Etaqnawhok Wesse' egegkok apkeltémakxa nak ma'a énxet'ák élmasagcha'a nak apkeltémakxa', yásekhohok eyke m'a énxet apkelane nak ekpéwomo aptémakxa'.

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Salmos 24:6

Cháxa eyéméxko nak etnahagkok ma'a apketamso nak chá'a Wesse' egegkok, apkelye'eykekxa nak chá'a m'a Jacob nak Dios apagkok.

Sofonías 2:3

Kólchetam kéxegke Wesse' egegkok kélyókxoho megkaleymáxkoho nak kélwáxok keso nélwanmeygkaxa, kélyeheykekxoho nak chá'a m'a apchánamakxa nak antéhek. Kóllána ekpéwomo kéltémakxa yetlo megkaleymáxkoho kélwáxok, lapmaxcheyk sa' kólwetak kélyexanmomakxa kéltáha enxoho xa, cham'a ekhem aplawa sa' ma'a Wesse' egegkok.

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Isaías 51:4

“Énxet'ák ahagkok, kóltaqmelchesho kélháxenmo sekpeywa, kóleyxho sekpeywa kélyókxoho kélheykha nak chá'a ekyókxoho apheykegkaxa énxet'ák: alya'assásegwók sa' ko'o kaxwók nélxekmowasamáxche ahagkok tén han segánamakxa ahagkok, kalsássesek sa' exma m'a énxet'ák.

Isaías 65:10

Esawhekxohok sa' nepkések ma'a ekyapwátegweykenxa nak xapop Sarón, keñe sa' ma'a ekyapwátegweykenxa nak xapop Acor katawagkok pa'at ma'a weyke yaqwayam sa' etnehek apnaqtósso m'a énxet'ák ektáha nak chá'a ko'o sektamso.

2 Crónicas 15:2

apkelanyexakmek axta m'a Asá peya etnehek yának se'e: “¡Kóleyxho sa' sekpeywa, xép tén han ma'a apyókxoho énxet'ák nak Judá, keñe han ma'a Benjamín! Exek sa' chá'a kélnepyeseksa kéxegke Wesse' egegkok, kéltáha enxoho chá'a kélxegexma. Kélchetamchek sa' agkok kéxegke m'a, kólwetekxak sa'; kélyenyókek sa' agkok, eyenyók sa' nahan kéxegke m'a.

2 Crónicas 15:4

Apkelwet'ak axta agkok chá'a ekmaso apheykha m'a énxet'ák, elyo'ókxak axta chá'a m'a Wesse' egegkok, Dios nak Israel, yohok axta chá'a éteyekxak apketama enxoho chá'a m'a.

Isaías 48:1

“Kóleyxho s'e, Jacob apnámakkok, kélwesey nak Israel, kélteme nak Judá aptawán'ák neptámen; kélxeyenma nak naqsók ma'a Wesse' egegkok apwesey; kélwóneykha nak chá'a Israel Dios apagkok, meykexho kélyeheykekxoho, tén han kéltémakxa ekpéwomo;