Isaías 5:11 - Biblia Enxet

¹¹ ¡Kéxegke laye, kélnaqxétekheykegkoho nak axto'ók agko' kólyenagkok anmen yaqwayam kalnápok, kélwagkassamo nak axta'a megkallágwayam ma'a vino!

Isaías 5:11 Referans Kwoze

Isaías 5:22

¡Kéxegke laye, meyke nak kaxhok kólyenagkok ma'a vino, meyke nak kayeykhássamhok kélmowancha'a kélencheheykekxa mók ma'a anmen segaqhamo nak!

Proverbios 20:1

Megkeyxnegwayam appeywa chá'a katnéssesek énxet ma'a vino; kanathéssesha chá'a apwáxok ma'a anmen ekyennaqte nak; megkay'ássesagkehek chá'a aqsok énxet ma'a eyaqha enxoho.

Isaías 28:1

¡Samaria laye, eyaqheykencha'a nak chá'a apwáxok ma'a Efraín, apteméssessama nak chá'a néten agko' ektaqmalma, apheykegkaxa nak ma'a énxet'ák anmen át'ák; élyamaka nak kaxwók kélnáxegkáseykha m'a pánaqte exnók, ekyetnama nak néten egkexe, néten nak ma'a xapop ekyapwate ektaqmalma, tegma apwányam élnápeykegkaxa nak vino m'a énxet!

Habacuc 2:15

¡Kéxegke la'aye, kélnáhakkasso nak chá'a anmen apheykha nak ketók kélxanák, kéleykegko nak chá'a vino kélenchehe m'a pánaqte segyeykessamo nak exma, yaqwayam enxoho kólesmaksek chá'a kóllanok meyke apáwa!

Proverbios 23:32

Máxa eyke yéwa sentakxól'a katnehek natámen, henlegássesagkohok ekmáske.

1 Samuel 25:36

Xama axta ekwákxo makham Abigail ma'a aphakxa nak Nabal, wetágweykxeyk axta apkelana ektámáxche ekyawe m'a apxagkok nak, apkeláneyo nak chá'a wesse' apwányam. Payhékxók agko' axta apwáxok, chaqhawók agko' axta anmen. Axta keñamak megkaltennásencha'a ekweykmoho mók ekhem.

2 Samuel 19:35

ochenta apyeyam ahagkok ko'o kaxwo' táhak; massegkek ekmátsa m'a sektawakxa enxoho, tén han ma'a sekyenakxa enxoho chá'a sekyá, mowanchek kaxwók ay'asagkohok ekmátsa, essenhan ekmanyása; mañék han kaxwók apkelmeneykmasso m'a apkelmeneykmasso nak, tén han ma'a élmeneykmasso nak. ¡Mamakók ko'o alya'aksek exma exchep, wesse'!

Isaías 22:13

Xénchek axta eyke aqsa kélwáxok kéxegke kólneywagkok tén han kalpayhekxak kélwáxok, kólnápok ma'a weyke tén han nepkések, kóltawagkok ma'a ápetek, kólyenagkok nahan ma'a vino. “Antawagkok, agyenagkok, hakte saka sa' óletsapok” —axta kéltáhak.

Isaías 24:9

Massék ekyenáxko vino neyseksa élmeneykmásamaxche'; ekmáske sa' katnekxak énagkok apyenéyak ma'a apyeneykegkoho nak chá'a.

Isaías 28:3

keñe sa' apmagkok elteyammaha m'a eyaqheykencha'a nak chá'a apkelwáxok tén han aptaqmelchessama nak chá'a m'a Efraín énxet'ák apagkok anmen át'ák nak.

Isaías 56:12

Etnehek chá'a elpaqmétek se'e: “Antegyagkok sa' vino tén han ma'a anmen agko' nak yaqwayam sa' hẽlnápok. Antamhagkok sa' nahan saka s'e ekhawo nak nentamhágkaxa s'e sakhem nak, essenhan agyeykhássamho'.”

Habacuc 2:5

Apmenyeyk etnahagkok ekha kéláyo m'a énxet'ák éleymáxkoho nak apkelwáxok, melánegwomek chá'a aptamhágkaxa elchetmok, eltamhok aqsa kayeykhágwomho', hensexnenáwhok eykhe m'a ekha nak sẽláyo. Elmeykesek chá'a apatña'ák, máxa m'a takhaxpop la'a, megkalleklamagkek nahan, ektémól'a nétsapma, cháxa keñamak apketámeykegko nak chá'a xama yókxexma tén han mók yókxexma yaqwayam emok chá'a.