Biblia Todo Logo
Bib sou entènèt

- Piblisite -




Isaías 49:9 - Biblia Enxet

9 yaqwayam sa' etnehek elának apkelmomap nak se'e: ‘Kólántép’, yaqwayam sa' etnehek elának apheykha nak ekyáqtésakxaxma s'e: ‘Kólántép élsakókxaxma.’ Kólwetak sa' chá'a pa'at ekyókxoho m'a nekhaw'ék ámay, kaxek sa' chá'a ektéyak kélnaqtósso ekyókxoho m'a egkexe meykexa nak chá'a xama aqsok.

Gade chapit la Kopi




Isaías 49:9
37 Referans Kwoze  

Sa' alya'ásekxak anaqlakxak énxet'ák meyke nak apaqta'ák ma'a ámay melya'ásegkaxa nak. Élseyéxma sa' atnessásekxak apmonye'e m'a ekyaqtéssóxma nak, keñe sa' xapop éláxñeyo m'a élyapwáteyak nak chá'a. Alának sa' ko'o ekyókxoho xa aqsok nak.


yaqwayam enxoho elwetásekxaxma m'a meyke nak apaqta'ák tén han elántekkesek kañe' m'a apkelmomap nak, cham'a kañe' apkelweynchámeykegkaxa nak ekyáqtésakxaxma.


Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;


Wának sa' katyapok yegmen ényé m'a neyseksa egkexe meykexa nak énxet tén han ekteyapmakxa chá'a yegmen ma'a neyseksa nak élyapwátegweykenxa xapop; ekyetnamakxa yegmen sa' atnessásekxak ma'a meykexa nak énxet, wának sa' kanyehek yegmen ma'a ekyamáyekxa nak xapop.


Apkelwet'ak ekyawe agko' élseyéxma m'a énxet'ák apkelweynchámeykencha'a nak ekyáqtésakxaxma; xama élseyéxma élsássessóxma m'a énxet'ák apheykencha'a nak ekyaqtéssamakxa agko' exma.


yaqwayam yeyxhok apkelápentegeykha ekmáske m'a apkelmomap nak, tén han elántekkesek ma'a apkelxénamap nak kólnápekxa';


yeyxhok chá'a apkelmaxneyéyak Wesse' egegkok ma'a apkelmopyóseka nak, meltaqheksók chá'a énxet'ák apagkok apkelmomap nak.


Máxa yegmen ényé sa' katnehek kalpexyewenták vino m'a egkexe nak, tén han weyke nagkeygmenek, awanhek sa' katnehek yegmen ma'a alwáta étkók nak Judá. Katyapok sa' yegmen ma'a tegma appagkanamap ahagkok, kayássesek sa' ma'a yókxexma Sitim.


Agkések sa' ektaqmalma agko' ekteyapma m'a aqsok apkenéyak, kamaskok sa' ellegagkohok chá'a meyk élnapma m'a; kamaskok sa' nahan apkelasmésso chá'a m'a pók aptémakxa nak chá'a énxet'ák.


Wának sa' ko'o éxyamok makham ma'a séláneykha David, atnéssesek sa' ko'o wánxa xama keláneykha nepkések ma'a, sa' elánha m'a. Sa' etnehek apkeláneykha m'a.


Cháxa keñamak aptáha nak appeywa Wesse' egegkok se'e: “Yetneyk sa' chá'a katnehek aptéyak ma'a séláneykha; keñe sa' kéxegke kóllegagkohok meyk élnapma; yetneyk sa' katnehek ma'a apyenéyak, keñe sa' kéxegke kóllegagkohok hem élnapma; kalpayhekxak sa' apkelwáxok ma'a, keñe sa' kéxegke kólmegqe';


Kólmasséssók sa' ma'a tegma apkelyawe, etawagkok sa' pa'at nepkések tén han yát'ay ma'a nepyeseksa nak tegma aphopák appalleyam.


Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;


Kóltawák kéltéyak kéxegke kélnaqtawáseykegkoho nak, ekwokmoho kélyaqkanakmo; kóltemésses sa' apcheymákpoho Wesse' egegkok kéxegke ektáha nak kélchetamso, keñe sa' exámhok apyeyam kélweynchámeykha.


Apkelya'áseykekxeyk axta apnaqleykekxo m'a yókxexma egkexe netnók agko' axta m'a apchókxa, apkeleykegkek axta m'a aqsok ekyexna éleñama nak naxma, meteymog áxwa axta chá'a keleñamak apkeleykegko m'a yányawhéna' apyegmenek tén axta pexmok égmenek eñama chá'a apkelmésso m'a ekyennaqtamakxa agko' nak chá'a m'a meteymog;


Aptáhak Wesse' egegkok se'e, apwagkasso nak chá'a teyp, Dios aptaqmalma nak ma'a Israel: “Ko'o sekteme Dios Wesse' apagkok; élxekmóssegkek axta ko'o exchep aqsok yaqwayam nak kapasmok, ekxekmóssegkek axta m'a ámay eyeyméxchexa nak étlók.


Yempekxak sa' néten ma'a wesse' apwányam yaqwayam sa' eltaqmelchesek ma'a énxet'ák apagkok, yetlo apmopwána, tén han apcheymákpoho eñama nak apmésso m'a Dios Wesse' apagkok, exmakha sa' meyke élya'ásekhaxma m'a, hakte kólteméssesek sa' apcheymákpoho Wesse' egegkok, ekweykmoho m'a néxa xapop nak.


“Sa' agkok kóltáhak kélmeykekxa xa ektáha nak, sa' kólyenyekxak ma'a apyeyam sẽlchexeykekxexa nak, yetlo apketchek,


Swiv nou:

Piblisite


Piblisite