Isaías 49:4 - Biblia Enxet

⁴ Keñe axta ko'o ektéma élchetamso ewáxok se'e: “Chaqhémok sektamheykencha'a, eksawhomakyek sekyennaqte meyke sekwete xama aqsok.” Naqso' eyke aptaqmelchessama Wesse' egegkok ma'a ekyókxoho aqsok sélane nak chá'a, yetneyk ekyaqmageykekxa sektamheykha m'a aphakxa nak Dios ahagkok.

Isaías 49:4 Referans Kwoze

Isaías 35:4

kólteme kólának énxet'ák eyeye nak chá'a apkelwáxok se'e: “¡Kólwasqápekxoho, nágkólé'! ¡Keso Dios kélagkok se'e yaqwayam elwagkasek teyp, ellegássesagkohok sa' ma'a kélenmexma ekpayhawo nak yaqwayam ellegássesagkoho'!”

Ezequiel 3:19

Appaqhetchessek agkok xép ma'a énxet ekmaso nak aptémakxa, keñe meyenyekxék ma'a aptémakxa ekmaso, melwataksek nahan apkelane m'a aqsok ekmaso, yetsapok sa' yetlo apkelane mey'assáxma xa énxet nak, keñe sa' xép ewagkasakpok teyp.

Isaías 65:23

Megkaqhók sa' eltemeykha, méko sa' nahan katnehek életsapma apketchek ektáhakxoho étkók agko', hakte cha'a aptawán'ák neptámen ma'a apméssama nak ektaqmalma apheykha m'a Wesse' egegkok, kaxhok sa' nahan ektáhakxa m'a aptawán'ák neptámen nak xa énxet'ák nak.

Isaías 62:11

Aplegássek Wesse' egegkok ekweykmoho néxa xapop se'e amya'a nak: “Kóltennés énxet'ák apheykha nak tegma apwányam Sión apwa'a kaxwók apkelwagkasso teyp. Apnaqlánteyk Wesse' egegkok énxet'ák apagkok natámen apkelwagkasso teyp.”

Isaías 40:10

Apwa'akteyk kaxwók Wesse' egegkok yetlo apmopwána, kóneg aptemessásekxak ekyókxoho aqsok eñama apyennaqte. Apnaqlánteyk énxet'ák apagkok apkelwagkasso teyp.

Isaías 65:2

Yókxoho ekhem ko'o sélhaxanma sekmáheyo eykhe almok takha' m'a énxet'ák sénmexeykekxa nak chá'a, apkelmahéyak nak ma'a eyesagkexa nak ámay apkelyetleykekxo m'a ekmáheyókxa agko' nak chá'a apkelwáxok elanagkok;

Levítico 26:20

Kaqhok sa' chá'a kólwasqápekxohok kóltemeykha, megkatekkesek sa' xama aqsok enxoho m'a xapop, megkeyxek sa' han yenta'a élaqnéyak nak yókxexma.

Proverbios 29:26

Apxámok énxet apkeltémo nak kataqmalmakha apwáxok elanok ma'a apkemha apmonye', Wesse' egegkok akke apteme aqsa wánxa aptaqmelchessáseykekxa apheykha énxet'ák.

Isaías 25:1

Wesse', xép apteme Dios ahagkok; agkések chá'a ko'o exchep ekpayheykekxa ewáxok, atnéssesek nahan chá'a eyeymáxkoho m'a apwesey, hakte apkeláneyak chá'a m'a aqsok apmáheyo nak chá'a elána' sempelakkasso nak agweta', apxeyenma axta chá'a elának eyeynamo m'a nanók agko' axta.

Isaías 40:27

Israel, ¿yaqsa ektáha appaqméteyncha'a nak? Jacob, ¿yaqsa ektáha aptáha nak se'e? “Melányók ektémakxa sekha m'a Wesse' egegkok; mopmenyeyk hélanok ma'a Dios.”

Isaías 57:21

Méko ektaqmalma apheykha m'a énxet'ák élmasagcha'a nak apkeltémakxa.” Dios apxeyenma xa.

Isaías 59:18

Egkések sa' chá'a Wesse' egegkok xama m'a ekpayhawo nak chá'a egkések; ellegássesagkohok sa' ma'a apkelenmexma nak. Egkések sa' chá'a ekpayhawo nak chá'a egkések ma'a aptaqnagko nak chá'a; kawakxohok sa' nahan ma'a apheykha nak apkelókxa neyáwa wátsam ekwányam.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

1 Reyes 19:10

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”