Isaías 47:1 - Biblia Enxet

¹ “Kelán'a étkok Babilonia meyke nak makham atáwa', katyep, kaxa néten yagkamex; katyep néten ektaháno ekyawe, kelán'a étkok Caldea, kaxa náxop, hakte kamaskok sa' kaltamhaxchek kaxwók xeye' ektaqmalma tén han ektaqmalma émpehek.

Isaías 47:1 Referans Kwoze

Jeremías 51:33

Hakte aptáhak Wesse' ekha apyennaqte Dios apagkok nak Israel se'e: “¡Aphawók Babilonia m'a kélchexakkassamakxa nak chá'a apyempe'ék hótáhap apaktek, kaxwók sa' kammok ekhem eknakxamáxchexa apaktek!”

Salmos 137:8

¡Babilonia, kólmasséssók sa' xép! ¡Apkeleñémo apteméssesso nak ekpayhawo etnéssesek senteméssessamakxa axta negko'o!

Jeremías 50:42

Yágke apkelmeykha tén han sawhéwa; Apkellamchek apagkók nahan ma'a, megkayóshek elanok aqsok, máxa wátsam ekwányam éxtegyawà m'a apkelwónchesso nak, yátnáxeg apkap'ák apkelxegakmok. Appenchásegkek aptamhágkaxa yaqwayam yempakhak ma'a Babilonia.

Jeremías 46:11

“¡Énxet'ák Egipto, kólmeyekxa kóltegyaha pánaqte m'a Galaad! ¡Xámok sa' eykhe katnehek pánaqte kélmeykha, megkaltaqmelchessemek sa' eyke, hakte méko kéxegke pánaqte kélagkok!

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Jeremías 48:18

“Kéxegke kélheykha nak tegma apwányam Dibón, kólántép néten kéltaháno éltaqmalma kélhamakxa nak, kólhakha náxop ekyamakakxa nak xóp, hakte apkelxegakmek apya'awa kéxegke m'a apkelnapma axta énxet'ák Moab, emassesséssók sa' ma'a tegma apyennaqte kélagkok nak.

Isaías 37:22

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Salmos 18:27

Elwagkashok eyke chá'a exchep teyp ma'a megkaleymáxkoho nak apkelwáxok, mékoho eyke chá'a etnessásekxak ma'a éleymáxkoho nak apkelwáxok.

Ezequiel 28:17

Eyeymáxkoho ekwányam apwáxok axta teméssessók ma'a aptaqmalma; apcheymákpoho axta keñamak ektawassáseykencha'a m'a apya'ásegwayam ektaqmela axta. Ekyenyenteyk axta ko'o exchep náxop, ekteméssessek axta aqsok ésmésamaxkohol'a kóllano' nápaqta'awók ma'a kelwesse'e apkelwányam.

Ezequiel 26:16

Elántépok sa' néten apkeltaháno élyawe apheykegkaxa nak chá'a m'a apyókxoho kelwesse'e apkelwányam apheykha nak neyáwa wátsam ekwányam, elhaxyawasagkok sa' ma'a apkelaqlamap nak chá'a tén han ma'a apkelántaxno apkeltaqmalma nak chá'a kélótma; exnakha sa' náxop yetlo ekyawe agko' apkelyegwakto, yókxoho ekhem sa' katnehek apkelpexyennama tén han apkelyegwakto apkelwet'a enxoho chá'a.

Lamentaciones 4:5

Meyk kaxwók kelnápak ámay ma'a ekyetnama axta chá'a aptéyak ekxámokma éltaqmalma. Apheykha kaxwók neyseksa aqsok ekmanyása m'a apkektega axta neyseksa aqsok éltaqmalma.

Lamentaciones 2:21

Aphágkek aphopák ámay ma'a wokma'ák tén han ma'a apkelwányam nak; aptekyókek ma'a wokma'ák, tén han kelán'a étkók, kélyetxégko chá'a sawo. ¡Apkelnapchek axta exchep ma'a aplawa axta meyke apmopyósa apkelányo!

Lamentaciones 2:10

Apkelwanmeyágkek aqsa apheyncha'a náxop ma'a apkelámha apmonye'e nak Sión, apkelexpaqha'ak chá'a apqatkok xapop, apkelántaxneykxeyk han apáwa sẽlwáxaqxamo nak. Kelháxahágkek ekwokmoho éltekxeya naqta'a xapop ma'a kelán'a étkók nak Jerusalén.

Jeremías 13:18

“Etne sa' yának wesse' apwányam tén han egken se'e: ‘Kólántép xa kélheykegkaxa nak néten kéltaháno éltaqmalma, kólhakha náxop, hakte pallakmek kélpátek ma'a kélatchesso kélpátek élyenma éltaqmalma nak.’

Isaías 52:2

Jerusalén, etnemekxa néten, epaxnexchaha apyempehek xapop ánek, exa néten taháno ekyawe ektaqmalma. Sión, apyetchesamakpoho nak kelán'a étkok ekmomaxche, elek kaxwók apyespok xa kéltete nak aqsok ekyentaxno.

Isaías 26:5

Etnéssásekxohok chá'a kónegók agko' ma'a énxet'ák apkeleymákpoho nak, mékoho chá'a etnéssásekxak etegkesek náxop ma'a tegma apwányam magmowána nak antaxnegwók kañe',

Isaías 23:12

Aptáhak axta apkeláneya énxet'ák Sidón se'e: “Kólwátésák kélnéweykha, kéxegke, kélyetchesamaxkoho nak kelán'a étkok aptahanwayam la'a aqsa énxet neyseksa megkalyeheykekxa yaqwánxa etnéssesek. Kaxének sa' eykhe kélwáxok kólmahagkok ma'a Chipre, megkólwetágwomek sa' eyke kéllókassamakxa kélyampe m'a.”

Salmos 89:44

Apmasséssessek ektémakxa apcheymákpoho; apyaqnegkessessek náxop ma'a aptaháno;

Job 2:13

Tén axta apháncha'a náxop xamo' ma'a Job, siete ekhem axta han apheykha m'a, tén han siete axta'a, meyke apkelpaqmeyesma xama enxoho, hakte apkelwet'ak axta ekyentaxno agko' aplegeykegkoho m'a Job.

Job 2:8

Tén axta apxega Job aphakmo m'a nekha nak kélchexakhamakxa aqsok apák, apmeyk axta xama weygke appaqxo yaqwayam elyensekkesek chá'a apyempehek.

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.

Jonás 3:6

Xama axta nahan ekwokmo amya'a aphakxa m'a wesse' apwányam Nínive, apkempákxeyk axta néten aptaháno, aplekkek axta aptaxno aptaqmalma, aptaxneykxo m'a apáwa sẽlwáxaqxamo nak, keñe axta apha náxop.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Jeremías 50:1

Amya'a ekxeyenma nak Babilonia, caldeos apchókxa, Wesse' egegkok axta aplegasso, apchásenneykekxo axta m'a Dios appeywa aplegasso Jeremías:

Isaías 13:13

Keñe sa' kalpexyennók ma'a néten, kaqxegmakha sa' nahan ekyetnamakxa m'a xapop seklawa sa' ko'o xa ekhem nak, cham'a seklawa ahagko' sa'.

Isaías 14:1

Yepyóshok sa' elanok Wesse' egegkok ma'a Jacob. Apkelyéseykha sa' etnekxak makham ma'a Israel, yának sa' elhakxak makham israelitas ma'a xapop apagkok nak. Elyepetchegwak sa' nahan ma'a megkatnaha nak apkelókxa xamo', epaxqeykxak sa' ma'a Jacob énxet'ák apagkok.

Isaías 21:1

Yókxexma meykexa énxet ekxénamaxche' yaqwánxa katnehek, ekyetno nak neyáwa wátsam ekwányam: Máxa éxchahayam ekyennaqte ekxegayam la'a nepyeyam entáhak ekxegakmo aqsok ekmaso agko' ma'a yókxexma meykexa nak énxet.

Jeremías 51:1

Aptáhak Wesse' egegkok se'e: “Wahak sa' ko'o éxchahayam ekyennaqte agko' ekmassésseykmohol'a aqsok ma'a Babilonia, tén han caldeos.

Jeremías 51:51

Kéltáhak kéxegke kélpeywa s'e: “Nélmegqakkek negko'o nenleg'a ektáhakxa sẽlwanyeykha. Nélmegqakkók egagkók negko'o hakte weykmók apkelántaxnama énxet apkeleñama mók nekha m'a kañe' ekpagkanamaxchexa agko' nak ma'a tegma appagkanamap.”